Thukhente 2:1 - Tedim Bible

¹ Tu-in Gilgal panin Bokhim-ah Topa’ vantungmi paito hi. Amah in Israel mite kiangah, “Egypt panin note kong paipihto a, na pu na pate uh tungah piak dinga ka ciam leitangah note kong paipih hi. Keimah in, ‘Note tawh ka thuciam ka siasak ngei kei ding a,

Tedim Bible Revision 2017

¹ Tu-in Gilgal panin Bokhim ah Topaʼ vantungmi pai to hi. Amah in Israel mite kiangah, “Egypt panin note kong paipih to a, na pu na pate uh tungah piak dinga ka ciam leitang ah note kong paipih hi. Keimah in, ‘Note tawh ka thuciam ka siasak ngei kei dinga,

Thukhente 2:1 Referans Kwoze

Siampi Laibu 26:42

keimah in Jakob tawh ka thuciamna, Isaac tawh ka thuciamna, le Abraham tawh ka thuciamna ka phawk ding a, leitang zong ka phawk ding hi.

Paikhiatna 20:2

“Kei pen salsuahna Egypt gam panin note a hong paikhiatpih Topa na Pasian uh ka hi hi.

Paikhiatna 23:20

“En un, keimah in ka bawlsa munah note hong paipih ding le lamkalah note hong cing dingin note’ mai-ah vantungmi khat ka sawl hi.

Piancilna 12:7

Tua ciangin Abram’ tungah Topa kilang a, “Na suanlekhakte tungah hih leitang ka pia ding hi,” a ci hi. Tua ahih ciangin amah in ama tunga kilang Topa a dingin biakna tau khat a bawl hi.

Zekhariah 11:10

Tua ciangin “Hehpihna” a kici ciangkhut la-in ka kuaitan a, minam khempeuh tawh ka bawl thuciamna ka phiat hi.

Jeremiah 14:21

Nangma min na khualna-in kote hong nolh kei inla, a vanglian na tokhom mindaisak kei ta in. Kote tawh nong thuciamna hong phawk inla, hong ciampel kei ta in.

Isaiah 63:9

Vantung mite’ hotkhiat hi loin, Topa mahmah in amaute honkhia hi. A itna le a hehpihna tawh amaute honkhia a, amah in a beisa hun khempeuhah amaute hoihtakin a kem hi.

Late 89:34

Ka thuciamna siasak loin, ka kam pana paikhia thute ka kheel kei ding hi.

Thukhente 13:3

Topa’ vantungmi tua numei kiangah kilangin ama kiangah, “En in, na tasel a, ta na nei kei hi. Ahi zongin tu-in gai-in tapa khat na nei ding hi.

Thukhente 2:5

Tua ahih manin tua mun pen Bokhim, ci-in min phuak uh a, tua lai munah Topa’ tungah biakna a pia uh hi.

Joshua 3:10

Joshua in, “A nungta Pasian note lakah a omna hih thu tawh na thei ding uh hi. Amah in pel loin note’ mai panin Kanaan mite, Hit mite, Hiv mite, Perez mite, Girgash mite, Amor mite, le Jebus mite hawlkhia ding hi.

Thu-hilhkikna 7:9

Tua ahih ciangin Topa na Pasian uh amah bek ahi Pasian hi a, amah itin a thupiakna a zuite tungah khang tulkhat dongin thuciamna le itna kip lenin a thuman Pasian,

Thu-hilhkikna 4:34

Tua ahih kei leh, Topa na Pasian un Egypt gam sungah note a dingin na muhna uhah a bawlte khempeuh tawh a kibangin, ze-etna, lim, nalamdang, gal, a vanglian le a thahatna le a lauhuai mahmah tawh pasian dang khat peuhpeuh in ama mite a dingin minamdang khat sung pan minam khat a va lak ding hanciam ngam ngei ahi hiam?

Gamlak-vakna 14:34

Na gam vaan sung uh ni phazah tawh kizui-in, ni sawmli, ni khat ciangin kum khat, note in na mawhna uh kum sawmli sung na thuak ding uh a, keima lungkim lohna na thei ding uh hi,’ ci hi.

Siampi Laibu 26:44

Bangbang ahi zongin, a galte uh gam sungah amaute a om sungteng uh keimah in amaute nilkhia loin, amaute a susia maimang zah ding le amaute tawh ka thuciamna a pelhzah dingin amaute ka mudah kei ding hi; bang hang hiam cih leh kei pen Topa amau’ Pasian ka hi hi.

Paikhiatna 33:14

Topa in Moses kiangah, “Nang tawh kong pai ding a, lungsim tawlngakna hun nang kong pia ding hi,” a ci hi.

Paikhiatna 14:19

Tua ciangin Israel mihonpite’ mai-ah a pai Pasian’ vantungmi kikhinin amaute’ nungah a pai hi. Amaute’ mai panin meii khuam kikhinin amaute’ nungah ding a,

Paikhiatna 14:14

Topa in note a dingin hong dosak ding a, note ahihleh na om hithiat ding uh hi bek hi,” a ci hi.

Piancilna 48:16

siatna khempeuh panin kei hong tankhia vantungmi in hih tangvalte thupha pia hen la, amaute sungah keima min le ka pa Abraham le Isaac’ min kizomsak hen la, leitungah amaute mi honpi khatin khangsak ta hen!” a ci hi.

Piancilna 16:13

Tua ahih ciangin ama tungah thu a gen Topa pen, “Nang, a mu thei Pasian khat na hi hi,” a ci hi. Bang hang hiam cih leh amah in, “Keimah in Pasian mu khin taktakin, amah ka muh khit ciangin hing lai hi lo ka hi hiam?” a ci hi.

Malakhi 3:1

Hih bangin na thugenna uh tawh kisai-in Vanglian Topa in hong dawng a, “Ka pai nading lampi a bawlkhol dingin ka kamtai pa ka sawl ding hi. Tua ciangin na ngakngak uh Topa a biakinn sungah thakhat thu-in hong pai ding hi. Na muhnop uh kamtai pa hong pai-in ka thuciamna hong taangko ding hi,” ci hi.

Thukhente 6:8

Topa in Israel mite kiangah kamsang khat a sawl hi. Amah in amaute kiangah, “Israel-te’ Pasian, Topa in hih bangin ci hi: Salsuahna Egypt panin note kong paikhiatpih hi.

Thukhente 13:2

Dan minam sung panin Zorah khuami Manoah min nei mi khat om hi. Ama zi tasel ahih manin ta nei lo hi.

Thu-hilhkikna 1:8

En un, note’ mai-ah leitang ka koihzo hi. Pai unla, Topa in na pate uh Abraham, Isaac, Jakob, le amau’ nunga a suanlekhakte uh tungah piak dingin a ciam leitang luah un,’ hong ci hi.

Thukhente 11:24

Na pasian Khemosh in na neih dinga hong piakte kem peuh in. Kote ahihleh Topa ka Pasian un kote’ mai-ah a suankhiatte ka tang ding uh hi.

Late 89:3

Nangmah in, “Ka teelpa tawh thuciamna ka bawlzo a, ka nasem David tungah thu ka ciamzo hi: