Sawltak 9:43 - Tedim Bible

⁴³ Joppa khua-ah ni tampi sung Peter tamlai a, savunnim nasepin a nei Simon a kici mipa tawh a omkhawm hi.

Tedim Bible Revision 2017

⁴³ Joppa khua ah ni tampi sung Peter tam lai a, savun nim nasepin a nei Simon a kici mipa tawh a om khawm hi.

Sawltak 9:43 Referans Kwoze

Sawltak 10:6

Tua mipa pen, tuipi gei-a teng savunnim nasepin a nei Simon inn-ah zin tungin a om ahi hi,” a ci hi.

Sawltak 10:32

Simon Peter a kici mipa a sam dingin Joppa khua-ah mi sawl in. Amah pen savunnim nasepin nei-in tuipi gei-ah a teng Simon’ inn-ah zin tungin a om hi,’ hong ci hi.

Joshua 19:46

le Joppa galkhat a om Mejarkon le Rakkon a gamte tawh a huam hi.

2 KHANG TANGTHU NIHNATE 2:16

Tua ciangin na kisap sing peuhmah Lebanon panin kong phuk ding uh a, nangmah in Jerusalem-ah na puaktoh theih nadingin phongin tuipi tungah Joppa dong nang kiangah kong paipih ding uh hi,” zong ci lai hi.

Ezra 3:7

Tua hi a, amaute in suangseekte le khutsiamte tungah sum pia uh a, Persia kumpi Sairas’ tung panin a thu ngahna bangun Lebanon mualtung gam panin tuipi gei Joppa khua-ah taamtak singte a hong puaksuk ding Sidon khuamite le Taia khuamite tungah zong annek tuidawn le sathau a pia uh hi.

Jonah 1:3

Ahih hangin Topa’ kiang pan Jonah taikhia-in Tarshish khua lamah a taisim dingin a kithawi zawsop hi. Joppa khua-ah paisuk a, Tarshish khua a zuan ding teembaw khat a mu hi. A sap man ding pia-in a tungah kah a, Topa’ kiang pan a taikhia dingin teembaw hawlte tawh Tarshish khua-ah a pai hi.

Sawltak 9:38

Joppa khua le Lydda khua kigamla lo ahih manin, Joppa khua-a teng thu um mite in Lydda khua-ah Peter om hi, ci-in thu a zak uh ciangin Peter kiangah mi nih sawl uh a, “A manlang theithei-in ko kiangah hong pai in,” ci-in a samsak uh hi.

Sawltak 9:42

Joppa khuasung khempeuhah hih thu kitheikim a, mi tampi in Topa a um uh hi.

Sawltak 10:5

Tu-in Joppa khua-ah mi sawl inla, Simon Peter a kici mipa samsak in.

Sawltak 10:8

a thupiang khempeuh amaute kiangah a genkhit ciangin Joppa khua-ah a paisak hi.

Sawltak 11:13

Tua ciangin amah in vantungmi khat a inn sungah a ding mu-in, tua vantungmi in ama kiangah, ‘Simon Peter a kici mipa a sam dingin Joppa khua-ah mi sawl in.

Sawltak 11:15

Tua thu gen dingin ka kipat laitakin eite in Kha Siangtho i ngah cil huna mah bangin amaute tungah Kha Siangtho hong tung hi.