Sawltak 9:40 - Tedim Bible

⁴⁰ Peter in innsung panin amaute khempeuh a pusuahsak khit ciangin khukdinin thu a ngen hi. Tua ciangin misi nu lamah kihei a, “Tabitha aw, tho in,” a cih ciangin a mit hong hak a, Peter a muh ciangin a tuto hi.

Tedim Bible Revision 2017

⁴⁰ Peter in inn sung panin amaute khempeuh a pusuahsak khit ciangin khukdinin thu a ngen hi. Tua ciangin misi nu lamah kihei a, “Tabitha aw, tho in,” a cih ciangin a mit hong hak a, Peter a muh ciangin a tu to hi.

Sawltak 9:40 Referans Kwoze

Mattiu 9:25

Ahi zongin mihonpite a pualamah a kipaikhiatsak khit ciangin tua numeino omna-ah Jesuh tumin a khut a va let ciangin tua numeino hong tho hi.

Sawltak 7:60

Tua ciangin amah kunin nakpitakin kiko a, “Topa aw, hih mite’ mawhna na maisak in,” a cih khit ciangin a si ta hi.

Luka 8:54

Ahi zongin Jesuh in numeino a khutin lenin, “Numeino aw, tho in,” a ci hi.

Sawltak 20:36

Paul in hih bangin a kam vaikhak a man khit ciangin a vekpi-un khukdin uh a, Paul in thu a ngen hi.

Luka 22:41

Tua ciangin amaute kiang panin suanglot khat tan bang pailai a, khukdinin thu ngen a,

Marka 9:25

Mihonte amau kiangah a hong kikhawm dingin a hong taina uh Jesuh in a muh ciangin, “A pau thei lo, a bilngong dawi aw, hih naupang sung pan paikhia inla, tumkik ngei nawn kei in,” ci-in a taii hi.

Sawltak 21:5

Amaute kiang panin ka ciahkhiat ding uh hun hong tun ciangin ka ding khia uh a, a zite a tate uh tawh a vekpi-un khuanawl ciang hong zui uh hi. Tuipi gei ka tun uh ciangin khukdinin thu ka ngen uh hi.

Mattiu 6:6

Ahi zongin thu na nget uh ciangin na innsung uhah tumin kong khak unla, na muh theih loh uh na Pa uh kiangah na ngen un. Tua hileh kuama muh lohin na gamtatna uh a hong mu na Pa un note’ tungah thaman hong pia ding hi.

Sawltak 28:8

Publias’ pa cisa nat leh gilsan thuahin cina-in lupna tungah a lum hi. Paul zong ama lupna-ah va pai-in thu ngetsak a, a tungah a khut nga-in a damsak hi.

2 KUMPI NIHNATE 20:11

Tua ciangin Topa tungah kamsangpa Isaiah kiko hi. Tua ciangin amah in Ahaz’ ni-nai tungah a ni tumsa a liim kal sawm lehkaih kik hi.