Sawltak 9:39 - Tedim Bible

³⁹ Peter zong kithawi-in a samte tawh paikhawm pah a, tua khua a tun ciangin inndei tungnungah a na paipihto pah uh hi. Tua lai-ah a na om meigong numei khempeuh in Peter na umcih uh a, Dorkas a hin lai-in amaute a dingin a bawlsak puanakte le puantungsilhte, a kahkawmun Peter kiangah a lak uh hi.

Tedim Bible Revision 2017

³⁹ Peter zong kithawi-in a samte tawh pai khawm pah a, tua khua a tun ciangin inn dei tungnung ah a na paipih to pah uh hi. Tua lai ah a na om meigong numei khempeuh in Peter na umcih uh a, Dorkas a hin lai-in amaute adingin a bawlsak puan-akte le puan tungsilhte, a kah kawmun Peter kiangah a lak uh hi.

Sawltak 9:39 Referans Kwoze

1 THESALONIKA MASA 1:3

Bang hang hiam cih leh i Pa Pasian kiangah thu ka nget simun note’ upna hangin na nuntakziate uh, itna na neih manun nakpitakin na nasepnate uh le i Topa Jesuh Khrih hong paikik ding lametna na neih manun kiptakin na omnate uh ka phawk tawntung uh hi.

Efesa 4:28

Guta ngeite in gu nawn loin, ama nuntak nading thuman takin thalawhin, mizawngte zong a huhtheih lai nadingin thatang tawh nasep ding kipan ta uh hen.

Paunak 10:7

Mihoihte kiphawkphawk a, migilote kimangngilh pah hi.

1 JOHAN MASA 3:18

Ka it tate aw, i kampi bek tawh ki-it loin, lungsim takpi tawh ki-itin i gamtatna tawh kilangsak ni.

1 THESALONIKA MASA 4:13

Sanggamte aw, lametna a nei lo mite bangin na dahluat loh nadingun a sisa mite’ omzia ding thu na theih ding uh ka deih hi.

2 KORIN NIHNA 8:12

Piaknopna lungsim na neih nak-uhleh na neih lohnate uh siksan hi loin na neihna uh tawh kizui-in na piak uh Pasian in hong sang ding hi.

Sawltak 20:35

Topa Jesuh mahmah in, ‘Ngahna sangin piak khiatna-ah lungdamna lianzaw hi,’ a cihna phawkkawmin nakpitakin nasepna tawh na khempeuhah a zawngkhalte huh ding hi hang, ci-in note kiangah kong lak khinzo hi,” ci-in a vaikhak hi.

Sawltak 9:41

Peter in a khut khakin a dingtosak hi. Tua ciangin thu um meigong numeite a kipanin thu um khempeuh samkikin amaute kiangah Dorkas a nungta-in a lak hi.

Sawltak 8:2

Thu um mi pawlkhat in Stefen vui uh a, nakpitakin dahin a kap uh hi.

Sawltak 6:1

Tua khit ciangin thu um mi hong tam tektek a, Jew mite le Grik pau a zang Jew mite kikalah kiphunsanna thu hong om hi. Grik pau a zang Jew mite in, “Annek tuidawn, sumlepai hawmna-ah ka meigong numeite uh hong kipiaksak lo hi,” ci-in lungkim lo uh hi.

Johan 17:12

Amaute tawh ka omkhawm hun lai-in nangma hong piak na min vangliatna tawh amaute ka kem hi. Amaute ka hu a, a maimang ding pa simloh khat zong ka kisamsak kei hi. Tua a maimang pa lah Lai Siangtho sung thu a tun nading ahi hi.

Johan 12:8

Mizawngte pen note tawh hong omkhawm niloh ding a, kei ka hih leh note tawh ka hong omkhawm tawntung kei ding hi,” a ci hi.

Luka 24:44

Tua ciangin Jesuh in amaute kiangah, “Tu-a thupiang khempeuh pen note tawh kong omkhawm lai-a ka gengen thute mah ahi hi. Moses Thukham laibu sung, kamsangte laibu sung le Late sungah a kigelh thu khempeuh a tung ding ahi hi,” a ci hi.

Marka 14:8

Amah in ka luang a kivui nadingin paknamtui a hong ma nuhkhol hi a, a hihtheih zahzah ciang a hih khinta ahi hi.

Mattiu 26:11

Mizawngte pen note tawh hong omkhawm tawntung ding a, ahi zongin note tawh kei ka hong omkhawm tawntung kei ding hi.

Mattiu 17:17

Jesuh in, “Upna nei lo, a ngaihsun khial mite aw, note bang tanvei hong ompih ding a, bang tanvei hong kikholhpih ding ka hi hiam? A naupang hong paipih un,” a ci hi.

Thuhilh-sia 9:10

Na mai-ah sep ding a om khempeuh, na tha neihzah tawh sem in. Bang hang hiam cih leh na zuat ding sihna gam sungah nasepna le thungaihsutna, pilna le theihna cihte om lo hi.

2 SAMUEL NIHNA 1:24

“No Israel numeite aw, Saul’ hangin kap un. Puansan neel a silh, na puan tung uhah kizepna kham a suangte aw, ama hangin kap un.

Sawltak 1:13

Jerusalem a tun uh ciangin amauteng, Peter, Johan, James le Andru, Filip le Thomas, Bartholomew le Matthai, Alfeas’ tapa James, Simon (gam khual pa), le James’ tapa Judas a tunna uh inn dei-ah a kahto uh hi.

1 TIMOTI MASA 5:3

Meigong taktak ahi numeite zahtakbawl in.

1 TIMOTI MASA 5:5

A kem a khoi ding a om lo meigong taktak ahi numeite in Pasian bek mah muan le suanin nei-in, a sun a zanin Pasian’ huh ding deihin thu ngen tawntung uh hi.