Sawltak 9:18 - Tedim Bible

¹⁸ Tua laitakin Saul’ mit panin ngasalip tawh a kibang na pawlkhat kia a, khua a mukik thei hi. Saul zong tui kiphumpah a,

Tedim Bible Revision 2017

¹⁸ Tua laitakin Saulʼ mit panin ngasa lip tawh a kibang na pawl khat kia a, khua a mukik thei hi. Saul zong tui kiphum pah a,

Sawltak 9:18 Referans Kwoze

2 KORIN NIHNA 3:14

Amaute’ lungsim khauh ahih manin tu dongin bangmah thei tuan loin om uh a, thuciamna lui laibu a sim uh ciangin puan tawh liah bangmahin bangmah mu thei lo, theithei lo uh hi. Bang hang hiam cih leh mi khatpeuh Khrih tawh a kipawl ciang bekin a muhtheih nadingin a kiliahna puan a kilakhia pan ahi hi.

Sawltak 22:16

Tu-in bang ngak lai ding na hi hiam? Tho inla, Pasian kiangah thu ngenin kituiphum inla, na mawhnate silsiangsak in,’ hong ci hi.

Sawltak 2:38

Tua ciangin Peter in amaute kiangah, “Na mawhna uh kisik unla, na mawhna uh hong kimaisak theih nadingin Jesuh Khrih min tawh tui kiphum ciat un. Tua hileh Pasian’ piakkhong Kha Siangtho na ngah ding uh hi.

2 KORIN NIHNA 4:6

“Khuamial sung panin khuavak taang hen,” a ci Pasian mah in Jesuh’ maitang a taangsak Pasian’ vangliatna thu theih nading khuavak ka ngahtheih nadingun kote lungsim sungah khuavak hong taangsak hi.

Sawltak 2:41

Mi tampi in ama thugen umin tui kiphum uh a, tua ni-in mihing tulthum bang kibehlap uh hi.

Sawltak 9:8

Saul zong leilak panin thoto a, a mit a hah hangin khua mu thei lo hi. Tua ahih manin a kikholhpihte in a khutin lenin Damaskas khua-ah a paipih uh hi.

Sawltak 9:17

Tua ahih manin Ananias zong pai a, inn sungah a lutkhit ciangin Saul lu tungah a khut nga a, “Sanggam Saul aw, hih lai-ah nong pai lai-in nangma tungah a hong kilang Jesuh mahmah in kei hong sawl hi. Nangmah in khua muthei kikin, Kha Siangtho tawh na kidim theih nadingin nangma kiangah a hong paisak ahi hi,” a ci hi.

Sawltak 9:19

an a nekkhit ciangin a tha hong hatkik hi. Damaskas khua-ah a om thu um mite tawh tawlkhat sung a omkhawm hi.

Sawltak 22:13

Amah hong pai-in ka kiangah hong ding a, ‘Sanggam Saul aw, khua mukik in,’ hong cih phetin ka mit hong vakin amah ka muthei pah hi.