Sawltak 9:17 - Tedim Bible

¹⁷ Tua ahih manin Ananias zong pai a, inn sungah a lutkhit ciangin Saul lu tungah a khut nga a, “Sanggam Saul aw, hih lai-ah nong pai lai-in nangma tungah a hong kilang Jesuh mahmah in kei hong sawl hi. Nangmah in khua muthei kikin, Kha Siangtho tawh na kidim theih nadingin nangma kiangah a hong paisak ahi hi,” a ci hi.

Tedim Bible Revision 2017

¹⁷ Tua ahih manin Ananias zong pai a, inn sungah a lut khit ciangin Saul lu tungah a khut nga a, “Sanggam Saul aw, hih lai ah nong pai lai-in nangma tungah a hong kilang Jesu mahmah in kei hong sawl hi. Nangmah in khua mu theikikin, Kha Siangtho tawh na kidim theih nadingin nangma kiangah a hong paisak ahi hi,” a ci hi.

Sawltak 9:17 Referans Kwoze

Sawltak 8:17

Peter le Johan in amaute lu tungah a khut uh a ngak khit uh ciangin Kha Siangtho a ngah uh hi.

Sawltak 6:6

Amaute in sawltakte kiangah hih mite paipih uh a, sawltakte in a lu tung uhah a khut uh nga-in thu a ngetsak uh hi.

Sawltak 2:4

Amaute khempeuh Kha Siangtho tawh kidim uh a, tua Kha in minam dangte’ pau tawh amaute a pau theisak hi.

1 TIMOTI MASA 5:22

Topa’ na a sem dingin kipsakna-in khut nga-in thungetna pen kuama tungah zang mengmeng kei in. Midang a khialte tawh khialkhawm kha kei inla, siangtho takin na omtheih nadingin limtakin kikem in.

Sawltak 13:52

Antiok khua-a om thu um mite ahihleh Kha Siangtho tawh kidimin lungdam mahmahin a om uh hi.

Hebru 6:2

tuiphumna le khut ngakna thu, misite thawhkikna le tawntung gimthuakna, cih thute genpha sansan nawn kei ni.

Filemon 1:16

Tu-in amah sal bek hi nawn loin sal sangin a thupizaw, Khrih hangin i sanggam hong hita hi. Kei a dingin amah a manphat mah bangin sal hihna le Topa thu sungah sanggam hihna tawh nang a dingin zong hong manphazaw kan ding hi.

2 TIMOTI NIHNA 1:6

Tua ahih manin nang tungah ka khut nga-in thu ka hong ngetsak lai-in nangma tungah Pasian in hong piak siamna na sosuah nadingin ka hong phawksak hi.

1 TIMOTI MASA 4:14

Kamsangte’ thugennate le upate in na tungah a khut uh nga-in thu hong ngetsakna ahi nangma hihtheih siamnate na valkhongsak kei in.

1 KORIN MASA 15:47

A masa Adam pen leitung leivui tawh a kibawl hi a, a nunung Adam pen vantung panin a hong pai ahi hi.

1 KORIN MASA 15:8

A tawpna penah, kei pen a ngeina bangin a suak lo naungek tawh a kibang hinapi-in kei tungah zong hong kilang hi.

ROM (Romans) 15:7

Tua ahih ciangin Khrih in note hong san mah bangin midangte in Pasian a phattheih nadingun note khatlekhat na kisang un.

Sawltak 26:15

‘Topa aw, kua na hi hiam?’ ci-in ka dot ciangin Topa in, ‘Na hong bawlsiat Jesuh ka hi hi.

Sawltak 21:20

Ama thugen teng a zakkhit uh ciangin a vekpi-un Pasian a phat uh hi. Tua ciangin Paul kiangah, “Sanggam aw, hih lai-ah na theih ding thu khat om hi. Hih lai-ah thu um Jew mi tampi tak om a, amaute in thukham nakzuih mahmah uh hi.

Sawltak 19:6

Paul in amaute tungah a khut a ngakkhit ciangin amaute tungah Kha Siangtho hong tung hi. Amaute in pau lamdang hong paupah uh a, Pasian’ thu zong a gen uh hi.

Sawltak 13:3

Amaute in zong an tangin, a lu tung uhah a khut uh nga-in thu a ngetsak khit uh ciangin a kuankhia sak uh hi.

Sawltak 10:36

Mi khempeuh’ Topa ahi Jesuh Khrih hangin a kingah Lungdamna Thu, Israel mite tungah Pasian in a puakna thu na thei uh hi.

Sawltak 4:31

Tua bangin thu a nget khit uh ciangin amaute’ kikhopna mun hong kilinggawp hi. Amaute khempeuh Kha Siangtho tawh kidim uh a, hang takin Pasian’ thu gen ding a kipan uh hi.

Luka 15:32

Tu-in na naupa a sisa hong hingkik a, a mangsa hong tungkik ahih manin lungdamin pawi i bawl ding ahi hi,’ ci-in a pa in a dawng hi,” a ci hi.

Luka 15:30

Ahi zongin hih na tapa in na neihsa khempeuh numei paktatte tungah zangmang khin a, hong ciahkik ciangin bawngtalno limcipen na gawh lai hi,’ a ci hi.

Luka 2:11

Tuni-in David khuapi sungah, note a hong honkhia ding Khrih Topa a suak hi.

Luka 1:76

“Nang, ka tapa na hi a, Lianpen Pasian’ kamsangpa hong kici ding hi. Ama pai nading lampi a bawlkhol dingin Topa’ mai-ah na mapai ding hi.

Marka 6:5

Tua hi a, cina tawmkhatte tungah khut nga-in a damsak cih simloh, tua lai-ah nalamdang lian bawl thei lo hi.

Mattiu 19:13

Tua ciangin mi pawlkhat in a naupangte uh tungah Jesuh in a khut nga-in thu a ngetsak nading deihin a naupangte uh a hong paipih uh hi. Ahi zongin a nungzuite in tua mite na taii uh hi.

Piancilna 45:4

Tua ahih ciangin Josef in a sanggamte kiangah, “Ka nai-ah hong pai un, hong thum ing,” a ci hi. Amaute a nai-ah hong pai uh hi. Amah in, “Kei pen Egypt-ah nong zuak uh na sanggampa uh Josef ka hi hi.

Marka 5:23

“Ka tanu si dektak ta hi. Amah a cidam kikin a nuntak theih nadingin hong pai inla, ama tungah na khut hong ngaksak in,” ci-in a thum hi.

Luka 1:41

Elizabeth in Mary’ hopihna awging a zak ciangin a sunga a naupaii a hong diang hi. Elizabeth zong Kha Siangtho tawh hong kidim a,

Luka 1:67

Tua ciangin Johan’ pa Zekhariah, Kha Siangtho tawh kidimin Pasian’ thu gen a,

Sawltak 9:18

Tua laitakin Saul’ mit panin ngasalip tawh a kibang na pawlkhat kia a, khua a mukik thei hi. Saul zong tui kiphumpah a,

1 KORIN MASA 9:1

Kei pen sawltak ka hi a, mihingte’ khutnuai-a nasem ka hi kei hi. I Topa Jesuh tawh a kimu mi ka hi a, Topa a dingin na ka sepna hangin note pen thu um a suak na hi uh hi.

2 PETER NIHNA 3:15

I sanggam Paul in Pasian’ piak pilna zangin note kiangah lai a hong gelhnate sungah a gen mah bangin note khempeuh in hotkhiatna na ngahtheih nading uh hun hong piakna-in Topa hong zekai ahihna thu na phawk un.