Sawltak 9:15 - Tedim Bible

¹⁵ Ahi zongin Topa in Ananias kiangah, “Gentail mite, kumpite, le Israel mite tungah keima min a kitheisak ding, keima na a sem dingin teelkhin ka hih manin ama kiangah va pai in.

Tedim Bible Revision 2017

¹⁵ Ahi zongin Topa in Ananias kiangah, “Gentail mite, kumpite le Israel mite tungah keima min a kitheisak ding, keima na a sem dingin teel khin ka hih manin ama kiangah va pai in.

Sawltak 9:15 Referans Kwoze

ROM (Romans) 11:13

Tu-in no Gentail mite tungah thu ka hong gennuam hi: No Gentail mite a dingin sawltak ka sep sungteng ka nasep a thupi mahmahin ka ngaihsun ding hi.

ROM (Romans) 1:5

Minam khempeuh in ama thu umin a zuihtheih nadingun Khrih hangin sawltak nasep sep theih nading hamphatna thu Pasian in Khrih’ na sep nadingin kote a hong pia hi.

1 TIMOTI MASA 2:7

Hih ka gen thu pen zuau ahi lo, thu taktak a gen ka hi a, Gentail mite lakah upna thu le hih thuman a gen dingin sawltak na semin thu a hilh dingin kei a hong kisawl ahi hi.

Jeremiah 1:5

“Gil sungah kong bawl ma-in nang kong thei khinzo hi. Na suah ma-in nang kong teelkhia khinzo a, minam dangte tungah kamsang dingin kong koih khinzo hi,” hong ci hi.

2 TIMOTI NIHNA 2:4

Galkap a semlai mipa in ama tungah a om bupa a lungkimsak theih nadingin na sem ahih manin tualsung mite’ nasep tawh thuahkhawm lo hi.

Sawltak 22:21

Tua ciangin Topa in kei kiangah, ‘Gentail mite omna gamlapi-ah hong sawl ding ka hih manin pai peuh in,’ hong ci hi,” a ci hi.

Johan 15:16

Note in kei na hong teel kei uh a, ahi zongin keimah in note ka hong teel a, note va pai-in a kimang tawntung ding gah a gah dingin ka hong seh hi. Tua ahih manin keima min suangin Pa kiangah na nget peuhpeuh uh hong pia ding hi.

2 TIMOTI NIHNA 1:11

Hih a thak Lungdamna Thu hilhin a taangko ding le sawltak na a sem dingin kei a hong kikoih ahi hi.

Galati 1:1

Mihingte’ hong sehna le hong sawlna tawh sawltak na a sem hi loin, Jesuh Khrih le sihna panin tua Jesuh a thosakkik Pasian’ hong sawlna tawh sawltak na a sem keimah Paul in Galati gam a om pawlpi tuamtuamte tungah lai ka hong khak hi.

1 KORIN MASA 15:10

Tua bang hitaseleh Pasian’ hehpihna tawh tu-a ciangah ka om a, kei tungah a hong piak ama hehpihna a mawkna suak lo hi. Sawltak dangte khempeuh sangin na nakpitakin ka sem zawsop hi. Tua ka sepzawhna pen keima hatna hang hi loin Pasian’ hong hehpihna hang ahi hi.

Sawltak 13:2

Amaute in an tangin Pasian bia-in a om laitakun Kha Siangtho in amaute kiangah, “Keima na a sem dingin ka sapsa ahih manin kei a dingin Barnabas le Saul hong piakhia un,” a ci hi.

Mattiu 10:18

Keima hangin gam ukte le kumpite mai-ah thu hong kisit ding hi. Hih bang na tuah uh ciangin thu hong sit mite le Gentail mite tungah Lungdamna Thu gentheih nading hunhoih a nei na hi uh hi.

Mangmuhna 17:14

Amaute in Tuuno a sim ding uh hi. Ahi zongin Tuuno pen kumpite’ Kumpi, topate’ Topa ahih manin, amah le ama sap, a teel, citakin amah a zuite in tua kumpi sawmte a zogawp ding uh hi,” hong ci hi.

Sawltak 27:24

‘Paul aw, lunghimawh kei in. Gam uk kumpipa mai-ah na ding ding a, Pasian in nang hong hehpih ahih manin nang le na khualzinpihte khempeuh na suakta ding uh hi,’ hong ci hi.

Sawltak 26:32

Tua ciangin Agrippa in Festas kiangah, “Gam uk kumpipa Sisar’ tungah a zu na khan khin hikeileh khah ding hi lel hi,” a ci hi.

Sawltak 25:22

Tua ciangin Agrippa in Festas kiangah, “Kei mahmah in hih mipa’ thugen zanuam ing,” a cih ciangin, “Zing ciangin na za ding hi,” ci-in a dawng hi.

Sawltak 21:19

Paul in amaute hopih a, Pasian in amah Paul tungtawnin Gentail mite lakah na a sepna khempeuh a banbanin a cingtakin a gen hi.

Jeremiah 1:7

Ahih hangin Topa in, “‘Naupang khat ka hi lel hi,’ ci kei in; bang hang hiam cih leh kong puakna khempeuhte kiangah na pai ding a, kong sawl peuhpeuh na gen ding hi.

Sawltak 28:17

A tunzawh ni thum khit ciangin Paul in Jew makaite sam a, amaute hong kikhop ciangin amah in, “Ute naute aw, i mipihte tung ahi a, i pu i pate’ ngeina tawh kisai-in ahi zongin khialhna bangmah nei lo napi-in Jerusalem khua-ah hong kimanin thongah hong kikoih a, Rom kumpite’ khut sungah hong ki-ap hi.

Sawltak 22:14

Tua ciangin amah in, ‘I pu i pate’ Pasian in ama deihna a thei ding, a thuman a Nasempa a mu ding, le ama kam mahmah tawh a thugen a za dingin nang hong teel khinzo hi.

Sawltak 26:1

Tua ciangin Agrippa in Paul kiangah, “Tu-in thugen theih nading hun na nei hi,” ci-in a gen ciangin Paul in a khut zanin a kiphel nading thu hong gen a,

Sawltak 28:28

Tua ciangin Paul in, “Tua ahihleh tu-in Gentail mite tungah Pasian’ hotkhiatna thu kigen ta ding hi. Amaute in um ding uh hi. Hih thu hoihtakin thei un,” ci-in a thugenna a khum hi.

ROM (Romans) 1:1

Pasian kiang panin a hong pai Lungdamna Thu a hilh dingin Pasian’ teelna tawh sawltak ahi, Jesuh Khrih’ sila keimah Paul in lai ka hong khak hi.

1 KORIN MASA 9:16

Lungdamna thu ka hilh hangin kisialh nading thu bangmah om lo hi. Bang hang hiam cih leh tua thu a hilh ding mahin a hong kisawl ahi hi. Tua ahih manin lungdamna thu hilh kei leng kei a dingin a dahhuai mahmah ahi hi.

Efesa 3:1

No Gentail mite hangin Jesuh Khrih thu tawh kisai-in thongkia keimah Paul in Pasian kiangah thu ka ngen hi.