Sawltak 8:5 - Tedim Bible

⁵ Filip zong Samaria gam khuapi-ah pai-in Khrih thu a hilh hi.

Tedim Bible Revision 2017

⁵ Filip zong Samaria gam khuapi ah pai-in Khris thu a hilh hi.

Sawltak 8:5 Referans Kwoze

Sawltak 6:5

A vekpi-un sawltakte’ thugente thukimpih uh ahih manin, Kha Siangtho tawh kidimin upna a nei Stefen, Filip, Prokhoras, Nikanor, Timon, Parmenas, le Antiok khua pan Gentail mi ahi Jew biakna a zui Nikolas a teel uh hi.

Sawltak 21:8

A zing ciangin ding leuleu-in Sisaria khua ka tung uh a, Pasian thu a hilh Filip’ inn-ah tungin tua lai-ah ka taam uh hi. Tua pa pen Jerusalem khua-a a kiteel mi sagihte sungah a kihel ahi hi.

Sawltak 8:40

Tua ciangin Filip pen Azotas khua-ah a om ahih lamtak amah kiphawk a, tua khua a kipanin Sisaria khua a tun dongin khua khempeuhah Lungdamna Thu a hilh hi.

1 KORIN MASA 3:11

Keima phuhsa khuam thupiteng ahi Jesuh Khrih cih simloh kuamah dang in khuam thupi dang phutthei nawn lo ding hi.

1 KORIN MASA 1:23

Ahi zongin kote in singlamteh tungah a kikhai Khrih’ thu ka hilh uh a, tua thu pen Jew mite a dingin a hehhuai thu hi a, Gentail mite a dingin a haihuai thu ahi hi.

Sawltak 5:42

Nisimin biakinn sung le mite inn-ah thu hilh uh a, Jesuh, Khrih hi, cih Lungdamna Thu a gengen uh hi.

1 KORIN MASA 2:2

Bang hang hiam cih leh note kiangah ka om laitakin singlamteh tungah Jesuh Khrih a sihna thu simloh thudang peuhmah ngaihsut loh dingin ka ngaihsutsa ahi hi.

Sawltak 9:20

Kikhopna innte-ah va pai-in, “Jesuh pen Pasian’ Tapa ahi hi,” ci-in thu hilh ding a kipan hi.

Sawltak 8:1

Hih Stefen thahna thu-ah Saul in zong thukimpih hi. Tua ni a kipanin Jerusalem khua-a om pawlpite in nakpitakin bawlsiatna thuak ding kipan uh hi. Sawltakte simloh, thu um midang khempeuh, Judea gam le Samaria gamah kithehthang gawp uh hi.

Sawltak 1:8

Ahi zongin note tungah Kha Siangtho hong tun ciangin vangliatna tawh na kidim ding uh a, Jerusalem khuasung, Judea gam sung, Samaria gam sung, le leimong dongin note in keima thu na gen ding uh hi,” ci-in a dawng hi.

Sawltak 8:6

Mihonte in Filip’ thugen le a nalamdang bawlte a muh uh ciangin a thugen khempeuh limtakin a ngai uh hi.

Sawltak 8:26

Topa’ vantungmi khat in Filip kiangah, “Kithawi inla, Jerusalem khua panin Gaza khua paina lampi zuan dingin leitaw lam manawhin pai in,” a ci hi. (Tua lampi tu-in kizang pha nawn lo hi.)

Sawltak 8:30

Filip zong ama kiangah va tai a, kamsang Isaiah laibu a simna za ahih manin, “Na laisim a khiatna na thei hiam?” ci-in a dong hi.