Sawltak 8:30 - Tedim Bible

³⁰ Filip zong ama kiangah va tai a, kamsang Isaiah laibu a simna za ahih manin, “Na laisim a khiatna na thei hiam?” ci-in a dong hi.

Tedim Bible Revision 2017

³⁰ Filip zong ama kiangah va tai a, kamsang Isaiah laibu a simna za ahih manin, “Na laisim a khiatna na thei hiam?” ci-in a dong hi.

Sawltak 8:30 Referans Kwoze

Johan 5:39

Nuntak tawntung ngahtheih nading lametna tawh Lai Siangtho sung na lim sim mahmah uh a, tua na sim uh Lai Siangtho in keima thu mah genin teci pang napi-in,

Efesa 5:17

Tua ahih manin hai ommawk kei unla, Topa in bang a sem dingin hong deih ahi hiam, ci-in kan un.

Mattiu 15:10

Tua ciangin Jesuh in ama kiangah mihonte sam a, “Ka thugen na ngai unla, hoihtakin na theitel un.

Mattiu 13:23

Lei hoihna munah a tu khaicite pen Pasian’ thu a zak ciangin a tel mite a cihnopna ahi hi. Tua bang mite a dingin Pasian’ thu in man nei a, pawlkhatte a dingin a zah zakhat, pawlkhatte a dingin a zah sawmguk, pawlkhatte a dingin a zah sawmthumin Pasian’ thu in man a nei hi,” a ci hi.

Mattiu 13:19

Mi pawlkhat in Pasian’ hong ukna tawh kisai a lungdamhuai thu za napi-in a thu theitel lo uh ahih manin Dawimangpa hong pai-in amau lungsim sunga a kivawh thu a lakkhiatsak hi. Hih bangte pen lolai lampi dung a tu khaicite tawh kibang hi.

Thuhilh-sia 9:10

Na mai-ah sep ding a om khempeuh, na tha neihzah tawh sem in. Bang hang hiam cih leh na zuat ding sihna gam sungah nasepna le thungaihsutna, pilna le theihna cihte om lo hi.

1 KORIN MASA 14:19

Ahi ta zongin pawlpite’ biak kikhopna sungah pau lamdang kam tul sawm bang ka pau sangin midangte’ phattuam nadingin a theih ding uh kammal nga bek ka pauzaw ding hi.

Marka 13:14

“Ama om loh nading pi-ah a lipkhaphuai zehphitna a hong om na muh uh ciangin (hih lai a simte in Jesuh’ cihnopna thei ta un!) Judea gam a om mite mualtungah tai un.

Mattiu 24:15

“Tua ciangin kamsang Daniel in, ‘A lipkhaphuai zehphitna,’ ci-in a gen pen a siangtho munah hong om ciangin (hih lai a simte in Jesuh’ cihnopna thei ta un),

Mattiu 13:51

“Hih ka thugente khempeuh a khiatna na thei uh hiam?” ci-in Jesuh in a dot ciangin amaute in, “Ka thei uh hi,” ci-in a dawng uh hi.

Late 119:32

Keima theihna nong zaisak ciangin nangma thupiaknate lawpna tawh ka zui ding hi.

Mangmuhna 13:18

Hih thu-ah pilna kisam hi. Hih nambat pen 666 hi a, mihing khat min tangin a ding hi a, mipil mitei peuhpeuhte in hih ganhing nambat a cihnopna thei ding uh hi.

Sawltak 8:27

Filip zong kithawi-in a pai hi. Lampi-ah Ethiopia mi mang lian khat tawh kituak hi. Tua mangpa pen Ethiopia kumpinu Kandeis khutnuai-a mang lian khat hi a, kumpinu neihsa khempeuh a ukpa ahi hi. Jerusalem khua-ah Pasian bia dingin a va pai hi a,

Johan 4:34

Tua ciangin Jesuh in, “Keimah hong sawl pa’ deihna bangin na semin, sep dingin hong piak nasep zawhna pen ka nuntakna an ahi hi.

Sawltak 8:5

Filip zong Samaria gam khuapi-ah pai-in Khrih thu a hilh hi.

Sawltak 8:29

Tua laitakin Kha Siangtho in Filip kiangah, “Pai inla tua leeng mai-ah va om in,” ci-in a sawl hi.

Sawltak 8:31

Amah in, “Mi khatpeuh in hong hilhtel lohpi-in bangci theih ding ka hi hiam?” ci-in dawng a, ama leeng tungah Filip a tuang dingin a sam hi.