Sawltak 8:27 - Tedim Bible

²⁷ Filip zong kithawi-in a pai hi. Lampi-ah Ethiopia mi mang lian khat tawh kituak hi. Tua mangpa pen Ethiopia kumpinu Kandeis khutnuai-a mang lian khat hi a, kumpinu neihsa khempeuh a ukpa ahi hi. Jerusalem khua-ah Pasian bia dingin a va pai hi a,

Tedim Bible Revision 2017

²⁷ Filip zong kithawi-in a pai hi. Lampi ah Ethiopia mi mang lian khat tawh kituak hi. Tua mangpa pen Ethiopia kumpinu Kandeis khutnuai-a mang lian khat hi a, kumpinu neihsa khempeuh a ukpa ahi hi. Jerusalem khua ah Pasian bia dingin a va pai hi a,

Sawltak 8:27 Referans Kwoze

Zefaniah 3:10

A gamlapi Ethiopia gam pekah a om, a kithehthang ka mite nangawn in biakna hong puak ding uh hi.

Late 68:31

Egypt gam panin sumngo lakhiasak inla, Pasian’ tungah thungetna-in Ethiopia gam a khut zansak mengmeng in.

Jeremiah 38:7

Kumpipa’ inn sungah na a sem kumpi ulian khat ahi Ethiopia mi Ebedmelek in tuikhuk sungah kei hong kikhiatlam a za hi. Tua laitakin Benjamin Kongpi-ah kumpipa tu-in a om hi.

Late 87:4

Kei hong theite lakah Egypt le Babylon ka hel hi. Filistia, Taia le Ethiopia te zong kihel a, “Hihte pen hua lai mah panin a piang ahi hi,” kici ding hi.

Johan 12:20

Pawi hun sungin Pasian bia dingin Jerusalem khua-ah a hong pai mite lakah Grik mi pawlkhat a om uh hi.

Mattiu 12:42

Leitaw lam gam kumpinu in Solomon’ pilna thu a ngai dingin leitung phelkhat kantanin hong pai ahih manin thukhen ni ciangin amah in note mawhsakna thu hong gen ding hi. Note kiangah kong genin-ah: Tu mahmahin hih lai-ah Solomon sangin a lianzaw khat a om hi.

Jeremiah 13:23

Ethiopia mivomte in a vun uh khek thei a, kamkei in a gial khek thei ahi hiam? A khek theih uhleh siatna bawl ding a zongsang khin note in zong a hoih na bawl thei ding uh hi.

Isaiah 66:19

amaute’ lakah lim khat ka khai ding hi. Amau’ sung panin, minamte tung, Tarshish mite tung, Put mi le Lud mite tung, Meshek mite tung, Tubal mi le Javan mite tung, ka min hoihna a za ngei lo, ka minthanna a mu ngei lo tuipi gei-a om gam mite tungah a suakta lai mite ka sawl ding hi. Amaute in minamte lakah ka minthanna genthang ding uh hi.

Isaiah 60:6

Midian mite le Efah mite’ kalaoh note, kalaoh honpite in nang hong tuam ding uh a, Sheba gam sunga om khempeuh hong pai ding uh hi. Amaute in kham le paknamtui hong paipih ding uh a, Topa phatna a taangko ding uh hi.

Isaiah 60:3

Nangma khuavak sungah minam dangte hong pai ding uh a, nangma taankhiatna sungah kumpite hong pai ding uh hi.

Isaiah 45:14

Topa in Israel tungah, “Egypt’ hauhna le Ethiopia sumbuk vante le a tun a sang Seba mite nangma kiangah hong pai-in nangma a’ hong hi ding uh a, amaute in nang hong zui ding uh hi. Amaute sikkhau kibulhsa-in hong pai ding uh a, nangma kiangah hong kun ding uh hi. Amaute in nangma kiangah thumna hong bawl ding uh a, ‘Nangmah bek tawh Pasian omkhawm a, kuamah dang om loin, amah simloh pasian dang om lo hi,’ hong ci ding uh hi.

Isaiah 43:6

Keimah in leilu lam kiangah, ‘Piakhia in,’ leitaw lam kiangah, ‘Len nawn kei in; keima piansak ka bawlsa, keima minthan nadingin ka piansak, keima min tawh a kilote khempeuh ahi, ka tapate a gamlapi panin, ka tanute leimong panin hong paipih un,’ ka ci ding hi,” a ci hi.

Late 68:29

Jerusalem-a na biakinn hangin kumpite in nang tungah letsong hong puak uh hi.

1 KUMPI MASATE 10:1

Tu-in Sheba kumpinu in Topa’ min tawh kisai-in Solomon’ minthanna a zak ciangin thudotna haksate tawh amah a ze-et dingin hong pai hi.

Hebru 11:8

Pasian in ama tungah piak dingin a ciam leitangah Abraham a pai dingin a sap lai-in Abraham in Pasian’ sapna a manna pen a upna hang mah ahi hi. A pai nading mun nangawn thei lopi-in a gam le a lei nusia-in a ding khia hi.

Jeremiah 39:16

“Ethiopia mi Ebedmelek kiangah pai inla, ‘Vanglian Topa, Israel mite’ Pasian in hong genin-ah: En in, hih khuapi hoihna ding hi lo, a siatna ding ka gensate ka tungsak ding a, tua ni a hong tun ciangin nangmah in zong na mu ding hi.

Isaiah 18:7

Tua hun ciangin, amau’ gam gunpi in a phelkhap, a vanglian a gualzo minam, a nai a gamla-ah a kikihta mi, a tun sang mi, a cineel mite kiang panin Vanglian Topa’ min omna Zion mual, Vanglian Topa’ tungah letsong hong kipuak ding hi.

Sawltak 8:28

inn zuan dingin leeng sungah a tuan kawmin kamsang Isaiah laibu a sim hi.

Thu-hilhkikna 30:13

Note in, ‘Eite in a thu za-in i sep theih nadingin kua in tuipi galkhatah hong paisakin hong laksak ding ahi hiam?’ na cih theihna dingun tuipi gal-a om zong hi lo hi.