Sawltak 8:25 - Tedim Bible

²⁵ Amaute in Jesuh Khrih thu a theihte uh genin Topa’ thugente a hilh khit uh ciangin Jerusalem khua-ah a ciahkik uh hi. A ciahkik kawmun Samaria khuaneu lampite-ah Lungdamna Thu a hilh uh hi.

Tedim Bible Revision 2017

²⁵ Amaute in Jesu Khris thu a theihte uh genin Topaʼ thugente a hilh khit uh ciangin Jerusalem khua ah a ciahkik uh hi. A ciahkik kawmun Samaria khua neu lampite ah Lungdamna Thu a hilh uh hi.

Sawltak 8:25 Referans Kwoze

Sawltak 20:21

Jew mi le Gentail mite a mawhna panun Pasian’ lamah kihei-in i Topa Jesuh a up nadingun thu ka gen khinzo hi.

1 PETER MASA 5:12

Thu upna sungah mi citakin ka ngaihsut Silas’ huhna tawh hih lai tomno gelhin amah ka hong puasak hi. Hih thute pen Pasian’ hong hehpihna taktak hi, ci-in teci pangin note ka hong hanthawn hi. Tua ahih manin hih thute-ah kipin om un.

Sawltak 28:31

Amah in Pasian’ Ukna thu le Topa Jesuh Khrih’ thu, hangtakin a ututin genin a hilh hi.

Sawltak 28:28

Tua ciangin Paul in, “Tua ahihleh tu-in Gentail mite tungah Pasian’ hotkhiatna thu kigen ta ding hi. Amaute in um ding uh hi. Hih thu hoihtakin thei un,” ci-in a thugenna a khum hi.

Sawltak 28:23

Tua ahih manin Paul tawh a kimuh nading uh a ni khat seh uh a, tua a kiciam ni-un Paul a zintunna munah Jew mite tampi tak a kikhawm uh hi. Paul in zingsang a kipan nitak dongin amaute tungah Pasian’ Ukna thu gentel a, Jesuh’ thu man hi, ci-in a uptheih nadingun Moses Thukham le kamsangte’ laigelhte siksanin a gen hi.

Sawltak 18:5

Masedonia gam panin Silas le Timoti hong tun ciangin Paul in a hun neih khempeuh thuhilhna-in zang a, Jesuh pen Khrih ahi hi, ci-in Jew mite kiangah teltakin a gen hi.

Sawltak 8:40

Tua ciangin Filip pen Azotas khua-ah a om ahih lamtak amah kiphawk a, tua khua a kipanin Sisaria khua a tun dongin khua khempeuhah Lungdamna Thu a hilh hi.

Sawltak 1:8

Ahi zongin note tungah Kha Siangtho hong tun ciangin vangliatna tawh na kidim ding uh a, Jerusalem khuasung, Judea gam sung, Samaria gam sung, le leimong dongin note in keima thu na gen ding uh hi,” ci-in a dawng hi.

Johan 15:27

A kipat cil a kipanin kei tawh omkhawm na hih manun note in zong keima thu na gen ding uh hi.

Mattiu 10:5

Jesuh in hih mi sawm le nihte sawl a, “Gentail mite gam sung ahi a, Samaria mite khua sungah ahi zongin lut kei un.

Luka 16:28

Inn-ah nau pasal nga ka nei lai a, ke’n gim ka thuakna hih lai munah hong tunkhak loh teitei nadingun kei’ gamtat bangin a gamtat loh nadingun hong hilhsak hen,’ a ci hi.

Sawltak 13:12

Gam ukpa in hih thupiang a muh ciang le Topa thu a kigente a zak ciangin lamdangsa mahmahin Pasian a um hi.