Sawltak 8:24 - Tedim Bible

²⁴ Tua ciangin Simon in Peter le Johan kiangah, “Tu-a na thugente uh kei tungah khat beek hong tun loh nadingin thu hong ngetsak un,” a ci hi.

Tedim Bible Revision 2017

²⁴ Tua ciangin Simon in Peter le Johan kiangah, “Tu-a na thugente uh kei tungah khat beek hong tun loh nadingin thu hong ngetsak un,” a ci hi.

Sawltak 8:24 Referans Kwoze

Gamlak-vakna 21:7

Moses kiangah mite hong pai-in, “Topa le nang hong gensia-in kampau kha ka hih manun ka khial uh hi. Kote’ kiang panin gulte a lakkhiat nadingin Topa’ tungah thum in,” a ci uh hi. Tua ahih ciangin mite a dingin Moses in thumsak hi.

Paikhiatna 8:8

Tua ciangin Faro in Moses le Aaron samin, “Kei le ka mite’ kiang panin uiphukte a lakkhiat nadingin Topa’ tungah thum in. Topa’ tungah biakna a pia dingin mite ka paisak ding hi,” a ci hi.

Jeim 5:16

Tua ahih manin na ci uh a dam nadingin khatlekhat tungah na mawhna uh kipulakin thu na kingetsak ta un. Mihoihte’ thungetna in vang nei a, na lianpi semzo hi.

JOB (Job) 42:8

Tu-in bawngtal sagih le tuutal sagih la-in Job kiangah paipih un la, note a dingin biakpiakna-in nei un. Job in note a dingin thu hong ngetsak ding a, keimah in ama thungetna ka pia ding hi. Note’ haina zahin kong minsiasak kei ding hi. Note in Job’ gen bangin keima thu a manin na gen kei uh hi,” a ci hi.

1 KUMPI MASATE 13:6

Tua ciangin kumpipa in Pasian’ mipa kiangah, “Tu-in Topa na Pasian’ maipha kunh inla, ka khut a ngei a bat nadingin thu hong ngetsak in,” a ci hi. Tua ciangin Pasian’ mipa in Topa’ tungah kunh hi. Tua ciangin kumpipa’ khut a ngei bangkik a, a nidanga mah hong bang hi.

1 SAMUEL MASA 12:23

Tua tham loin kei zong, note a dingin Topa’ tungah thunget lohna tawh ka na khial het kei ding a, keimah in a hoih a man lampite note kong hilh ding hi.

Paikhiatna 12:32

Na gensa bangun na tuuhonte uh le na bawnghonte uh la unla, pai un. Kei zong thupha hong pia un,” a ci hi.

Paikhiatna 10:17

Tua ahih ciangin tu-in ka khialhna hong maisak in. Tu-a khatvei bek, kong thum hi; keima tung panin hih sihna a lakkhiat ding Topa na Pasian’ tungah thum in,” a ci hi.

Piancilna 20:7

Tua ahih ciangin tu-in mipa’ zi piakik in. Bang hang hiam cih leh amah, kamsang khat hi a, amah in nang a dingin thu hong ngetsak ding a, nang na nungta ding hi. Ahih hangin nang in tua numei na piakkik kei le nang le na mi khempeuh na sih taktak ding uh thei in,” a ci hi.

Ezra 8:23

Tua hi a, kote in an ka tang uh hi. Nuamtakin khual ka zin theih nading uh i Pasian’ tungah ka ngen uh a, amah in ka thungetna uh hong pia hi.

Ezra 6:10

Tua hileh amaute in vantung Pasian’ tungah a namtui biaknate pia-in kumpipa le a tapate’ nuntakna ding thu hong ngetsak thei ding uh hi.

1 SAMUEL MASA 12:19

Tua ciangin mi khempeuh in Samuel kiangah, “Kote ka sih loh nadingun na nasemte a dingin Topa’ tungah thu ngen in; bang hang hiam cih leh ka khialhnasate uh banah kote a dingin kumpi khat ngenin ka khialhnate uh banah hih siatna ka behlap lailai uh hi,” a ci uh hi.

Piancilna 20:17

Tua ciangin Abraham in Pasian’ tungah thu ngen a, Pasian in Abimelek a damsak hi. Amaute in ta a neih theih nadingin a zi le a sila numeite zong a damsak hi.

Jeremiah 37:3

Kumpi Zedekiah in Shelemiah’ tapa Jehukal le Maaseiah’ tapa siampipa Zefaniah keima kiangah hong sawl a, “Topa i Pasian’ kiangah kote a dingin thu hong ngetsak in,” ci-in a hong gensak hi.

Jeremiah 42:2

kei kiangah, “Kong thumna uh hong ngai inla, a hong kinusia ko teng a dingin Topa na Pasian kiangah thu hong ngetsak in. Bang hang hiam cih leh khatvei lai-in mi tampi ka hih uh hangin tu-in nong muh bangin mi tawmno khat bek ka hita uh hi.