Sawltak 8:20 - Tedim Bible

²⁰ Ahi zongin Peter in, “Pasian’ piakkhong na pen sum tawh lei theih dingin ngaihsun na hih manin na sumteng tawh sikhawm in.

Tedim Bible Revision 2017

²⁰ Ahi zongin Peter in, “Pasianʼ piakkhong na pen sum tawh lei theih dingin ngaihsun na hih manin na sum teng tawh si khawm in.

Sawltak 8:20 Referans Kwoze

Mattiu 10:8

Cinate damsakin, misite hingsakin, miphakte damsakin, dawite va hawlkhia un. Man piak kul loin hih vangliatna na ngah uh bangin hih vangliatna na zatna uhah zong man va ngen kei un.

Daniel 5:17

Daniel in kumpipa kiangah, “Letsong pen kei hong pia kei inla, midang khatpeuh piazaw in. Ahi zongin tua lai kigelh hong simsakin a khiatna kumpipa kong hilh ding hi.

Sawltak 2:38

Tua ciangin Peter in amaute kiangah, “Na mawhna uh kisik unla, na mawhna uh hong kimaisak theih nadingin Jesuh Khrih min tawh tui kiphum ciat un. Tua hileh Pasian’ piakkhong Kha Siangtho na ngah ding uh hi.

Mangmuhna 18:15

Tua khuapi sungah sumbawlin a hauhlawh mite in ama thuakna a muh uh ciangin lau-in a gamlapi-ah dingin kapin thum ding uh a,

Jeim 5:3

Na ngun le na khamte uh kekseu khinta hi. Hih kekseuna pen note langah teci suak a, mei in a kattum bangin na sa uh hong netum ding hi. Hih a hun nunung ciangin tu-a bangin a piang dingin neihsa a khol na hi uh hi.

Sawltak 8:22

Tua ahih manin na ngaihsut hoih lohna panin kisikkik inla, hih bang na ngaihsutna thu-ah na mawhna hong maisak theih nadingin Topa kiangah thu ngen in.

1 TIMOTI MASA 6:9

Ahi zongin a haunuam mite in ze-etna a tuamtuam thuak a, duhhopna, huaihamna a haivai thute-ah awkcipin, haksatna le siatna a tuahlawh uh hi.

Sawltak 11:17

Eite in Topa Jesuh Khrih i up ciangin eite tungah hong piak mah bangin Pasian in hih Gentail mite tungah zong a kibangin a piakna teltakin kithei ahih manin, hih Pasian’ nasepna a khaktanzo dingin kei kua ka hi hiam?” ci-in a gen hi.

Sawltak 10:45

Gentail mite tungah zong Pasian in a Kha Siangtho a piakkhongna thu a muh uh ciangin Joppa khua panin Peter tawh a hong paikhawm Jew mi thu umte in lamdang a sa mahmah uh hi.

Mattiu 15:19

Bang hang hiam cih leh lungsim panin mi thahnopna, mi zi tawh mawhnopna, nungak tawh mawhnopna, guktakna, zuau genna, mi gensiatna, le ngaihsut hoih lo a tuamtuam hong piangkhia hi.

Zekhariah 5:4

Vanglian Topa in hih samsiatna a khahkhiatna ding thu gen a, guta mite khempeuh le a man loin ka min tawh thuciam mite khempeuh’ inn sungah lut ding hi. Tua bang mite’ inn sungah a tawntungin hamsiatna omin, amaute a kipan a sing a suang, a vekpi-in sumai ding hi,” hong ci hi.

Isaiah 55:1

A dangtak mi peuhmah tui phualah hong pai un. An nei lote aw, hong pai unla hong ne un! Hong pai un; a man ding bangmah piak kul loin leenggahzu le bawngnawi na duh zahzah uh hong ne un.

Thu-hilhkikna 15:9

Na lungsim uhah ngaihsutna hoih lo omin, ‘Kum sagihna, maisakna kum hong nai hi,’ ci-in na sanggampa galmi et-in amah bangmah na piak loh uh ciangin na langkhatah Topa’ tungah amah kiko-in, no tungah khialhna a suahkhak ding kingaihsun un.

Sawltak 1:18

(“Tu-in hih mipa in a gitloh gamtatna thamanin a ngah sum tawh amah in lo khat lei a, tua lo sungah kia-in a si hi. Amah kitamzan a, a sungkua khempeuh kithehkek hi.

Paunak 15:26

Topa in migilote’ ngaihsutna kihhuaisa a, midikte’ kampaunate hoih a sa hi.

Thu-hilhkikna 7:26

Note’ inn sungah a kihhuai nate na tumpih kei ding uh a, tua nate tawh kibangin samsiat a thuak mi na kisuaksak kei ding uh hi. Note in tua nate mudah mahmahin na kih ding uh hi. Bang hang hiam cih leh tua nate a kisamsia na ahi hi.

Sawltak 8:19

“Kei zong ka khut ka ngakna mi peuhpeuh in Kha Siangtho a ngahtheih nadingin hih bang vangliatna kei zong hong pia un,” a ci hi.