Sawltak 8:2 - Tedim Bible

² Thu um mi pawlkhat in Stefen vui uh a, nakpitakin dahin a kap uh hi.

Tedim Bible Revision 2017

² Thu um mi pawl khat in Stefen vui uh a, nakpi takin dahin a kap uh hi.

Sawltak 8:2 Referans Kwoze

Sawltak 10:2

Amah biakna a hahkat mahmah mi khat hi a, a innkuan bupun Pasian bia uh hi. Amah in Jew mizawngte huh nadingin nakpitakin na sem a, Pasian kiangah thu a ngen tawntung mi khat ahi hi.

Sawltak 2:5

Tua laitakin biakna pawi siim dingin gam tuamtuam panin a hong pai Jew mi biakna hahkat mi tampi tak, Jerusalem khua sungah a om uh hi.

Luka 2:25

Jerusalem khua sungah Simeon a kici mi khat na om hi. Amah a thuman, a biakna mi mahmah khat hi a, Israel mite a kihotkhiat hun ding a ngakngak mi khat ahi hi. Kha Siangtho in a ompih mi khat hi a,

Jeremiah 22:18

Tua ahih manin Judah kumpipa Josiah’ tapa Jehoiakim thu tawh kisai-in Topa in hih bangin kong ci hi: “Amaute in, ‘Sanggampa aw,’ ‘Sanggamnu aw,’ ci-in a sih ciangun a kikah bangun amah a sih ciangin a kah kei ding uh a, ‘Topa aw, kumpipa aw,’ ci-in zong a kah kei ding uh hi.

Jeremiah 22:10

Judah mite aw, misi pa Josiah kah kei unla, khasiat kei un. A kipaikhiatpih Shallum hangin nakpitakin kapzaw un. Bang hang hiam cih leh a pianna gam a mu dingin amah hong kilehkik nawn lo ding hi.

2 KHANG TANGTHU NIHNATE 35:25

Jeremiah in zong Josiah’ hangin kah la a phuak hi. Numei lasate le pasal lasate khempeuh in tuni dongin amau’ kahna-ah Josiah tamlawh uh hi. Amaute in Israel sungah hih thu biakna ngeina kipin a bawl uh hi. Kah la sungah tuate kikhum hi.

2 KHANG TANGTHU NIHNATE 32:33

Tua ciangin Hezekiah si a, amaute in David’ suante’ han paina mualpangah amah vui uh hi. Judah mi khempeuh le Jerusalem-a tengte in a sih lai-in amah zahtakna bawl uh hi. Tua ciangin ama tapa Manasseh in ama tangin a uk hi.

2 SAMUEL NIHNA 3:31

Tua ciangin David in Joab le amah tawh a om mi khempeuh kiangah, “Na puan uh balkekin puanhampi silh unla, Abner’ mai-ah kap un,” a ci hi. Kumpipa David in hankuang a zui hi.

1 SAMUEL MASA 28:3

Tu-in Samuel si khin a, Israel-te khempeuh ama hangin kapin, ama khuapi Ramah-ah vui uh hi. Saul in vankahte le aisante a gam sung panin beisak hi.

Thu-hilhkikna 34:8

Moab zanglei-ah Israel mite ni sawmthum sung Moses hangin a kah khit uh ciangin Moses hangin kahna le thumna a veng ta hi.

Gamlak-vakna 20:29

Aaron si hi, ci-in mihonte khempeuh in a theih uh ciangin, Aaron’ hangin Israel mi khempeuh ni sawmthum sung a kap uh hi.

Piancilna 23:2

Kanaan mite’ gam sung Kiriatharba (Hebron)-ah a si hi. Abraham dahin kap a, a vui nading vaihawm hi.

Sawltak 8:1

Hih Stefen thahna thu-ah Saul in zong thukimpih hi. Tua ni a kipanin Jerusalem khua-a om pawlpite in nakpitakin bawlsiatna thuak ding kipan uh hi. Sawltakte simloh, thu um midang khempeuh, Judea gam le Samaria gamah kithehthang gawp uh hi.

Sawltak 8:3

Ahi zongin Saul in pawlpi suksiat ding hanciam a, inn khat pan inn khatah pai kawikawi-in, thu um numei le pasalte kai-in thong sungah a khia hi.

Piancilna 50:9

Tua lai munah amah tawh leengte le sakol tuangte zong paikhawm to uh hi. Tua lai-a paite tam mahmah hi.

Marka 6:29

Johan’ nungzuite in hih thu a zak uh ciangin hong pai-in a luanghawm la uh a, hanah a vui uh hi.