Sawltak 8:14 - Tedim Bible

¹⁴ Samaria mite in Pasian’ thu a sankhitna uh, Jerusalem-a om sawltakte in a zak uh ciangin amaute kiangah Peter le Johan a paisak uh hi.

Tedim Bible Revision 2017

¹⁴ Samaria mite in Pasianʼ thu a san khitna uh, Jerusalem-a om sawltakte in a zak uh ciangin amaute kiangah Peter le Johan a paisak uh hi.

Sawltak 8:14 Referans Kwoze

1 THESALONIKA MASA 3:2

Khrih Lungdamna Thu hilhna-ah Pasian a dingin kote tawh na a semkhawm i sanggampa Timoti hong paisak le-ung hoihpen ding hi, ci-in ka ngaihsun uh hi. Amah in note hong hanthawnin na upna uhah hong kipsakin,

1 THESALONIKA MASA 2:13

Note kiangah Pasian’ thu ka hong gen uh ciangin no thu um mite sungah ama thu tawh kisai-in Pasian in na hong sem ahih manin kote’ thugente pen Pasian’ thu taktak ahih mah bangin kote’ thugenna na zak uh ciangin mihing’ thu bangin ngaihsun loin Pasian’ thu taktak mahin hong sang na hih manun, hih thu hangin zong Pasian’ tungah ka lungdamna uh ka ko uh hi.

Galati 2:9

Makai a kinei James, Peter, le Johan-te in Gentail mite lakah nasem dingin Pasian in kei hong sehna thu thei uh ahih manin, Pasian sungah nasemkhawm khat ihi hi, cih hong lahna uh limin kei le Barnabas tawh khut kiletna hong bawl uh hi. Kei le Barnabas in Gentail mite lakah na semin amaute in Jew mite lakah na a sep nading uh thukimna ka nei uh hi.

Sawltak 8:1

Hih Stefen thahna thu-ah Saul in zong thukimpih hi. Tua ni a kipanin Jerusalem khua-a om pawlpite in nakpitakin bawlsiatna thuak ding kipan uh hi. Sawltakte simloh, thu um midang khempeuh, Judea gam le Samaria gamah kithehthang gawp uh hi.

2 THESALONIKA NIHNA 2:10

gitloh khemna a nam tuamtuam zangin, siatna a thuak ding mite a khem ding hi. Tua bang mite in a suahtak nadingun thuman sang nuam lo, deih lo uh ahih manin siatna a tuak uh ahi hi.

Sawltak 17:11

Thesalonika khuamite sangin Berea khuamite in mipi lungsim neizaw uh hi. Amaute in lawp mahmahna tawh Paul’ thugente ngai uh a, Paul’ thugente man taktak hiam ci-in a theih nadingun nisimin Lai Siangtho a sim uh hi.

Sawltak 15:4

Jerusalem khua a tun uh ciangin sawltakte, upate, le pawlpite in limtakin zin na do uh a, Pasian in na a seppihna thu, amaute kiangah a gen uh hi.

Sawltak 11:1

Gentail mite in zong Pasian’ thu a upna uh, Judea gam sunga om sawltakte le thu um mite in a za uh hi.

Sawltak 2:41

Mi tampi in ama thugen umin tui kiphum uh a, tua ni-in mihing tulthum bang kibehlap uh hi.

Johan 12:48

Kei hong nialin ka thugen a sang lo mite in thukhen ding khat nei uh hi. Nitawp ni ciangin keima thugente pen amaute’ thukhen ding ahi hi.

Luka 22:8

Jesuh in Peter le Johan kiangah, “Va pai unla, eite’ Paisan Pawi annek ding va vaihawm un,” ci-in a sawl hi.

Mattiu 13:23

Lei hoihna munah a tu khaicite pen Pasian’ thu a zak ciangin a tel mite a cihnopna ahi hi. Tua bang mite a dingin Pasian’ thu in man nei a, pawlkhatte a dingin a zah zakhat, pawlkhatte a dingin a zah sawmguk, pawlkhatte a dingin a zah sawmthumin Pasian’ thu in man a nei hi,” a ci hi.

1 KUMPI MASATE 13:32

Bang hang hiam cih leh Bethel-a biakna tau le Samaria khuapite sunga om mualtung a biaknate khempeuh langpangin Topa’ sawlna bangin a thugenna hong tung taktak ding hi,” a ci hi.