Sawltak 8:1 - Tedim Bible

¹ Hih Stefen thahna thu-ah Saul in zong thukimpih hi. Tua ni a kipanin Jerusalem khua-a om pawlpite in nakpitakin bawlsiatna thuak ding kipan uh hi. Sawltakte simloh, thu um midang khempeuh, Judea gam le Samaria gamah kithehthang gawp uh hi.

Tedim Bible Revision 2017

¹ Hih Stefen thahna thu ah Saul in zong thukimpih hi. Tua ni a kipanin Jerusalem khua-a om pawlpite in nakpi takin bawlsiatna thuak ding kipan uh hi. Sawltakte sim loh, thu um midang khempeuh, Judea gam le Samaria gamah kithehthang gawp uh hi.

Sawltak 8:1 Referans Kwoze

Sawltak 22:20

Nangma thu a gen Stefen a kithah laitakin kei mahmah zong ka om a, tua a kithahna thukimpihin a thatte’ puante nangawn ka kepsak hi,’ ci-in ka dawng hi.

Sawltak 7:58

khua pualamah kaikhia-in suang gol pipi a khiat uh hi. Hih thu-ah teci pangin Stefen a deng mite in a puantungsilh uh suahin Saul a kici tangval khat kiangah lawnin a kemsak uh hi.

Sawltak 5:40

Tua ahih manin uliante in Gamaliel’ thugen a mang uh hi. Sawltakte samkik sak uh a, a sat khit uh ciangin Jesuh’ min tawh thu a hilhkik ngei loh nadingun thu a pia uh hi. Tua khit ciangin sawltakte a khah uh hi.

Sawltak 5:33

Uliante in hih thu a zak uh ciangin heh mahmah uh ahih manin sawltakte thah dingin a ngaihsun uh hi.

Sawltak 1:8

Ahi zongin note tungah Kha Siangtho hong tun ciangin vangliatna tawh na kidim ding uh a, Jerusalem khuasung, Judea gam sung, Samaria gam sung, le leimong dongin note in keima thu na gen ding uh hi,” ci-in a dawng hi.

Sawltak 8:14

Samaria mite in Pasian’ thu a sankhitna uh, Jerusalem-a om sawltakte in a zak uh ciangin amaute kiangah Peter le Johan a paisak uh hi.

Sawltak 9:31

Tua ahih manin Judea gam, Galilee gam, le Samaria gam sunga om pawlpite in bawlsiatna thuak nawn loin nuamtakin om uh a, Topa zahtakna tawh gamta uh ahih manin Kha Siangtho huhna tawh a mi khangin a kibehlap uh hi.

Sawltak 8:4

Tua bangin a kithehthang mite pai kawikawi-in thu a hilh uh hi.

Johan 15:20

‘Sila pen a topa sangin lianzaw lo hi,’ ci-in ka hong thugenna phawk un. Amaute in kei hong bawlsiat uhleh note zong hong bawlsia ding hi. Ka thugente hong zuih uhleh note’ thugente zong hong zui ding hi.

Hebru 11:27

Moses pen kumpipa’ heh ding lau hetloin Egypt gam panin paikhia a, a kimu thei lo Pasian a mu bang keekin a nungkik hetlohna zong a upna hang mah ahi hi.

Filippi 1:12

Sanggamte aw, kei tungah a piang thu in lungdamna thu mai a nawtsakzaw ahihna thu na theih ding uh ka deih hi.

Sawltak 13:1

Antiok khua pawlpi sungah kamsang pawlkhat le sia pawlkhat om uh hi. Tuate pen Barnabas, Mi Vom pa zong a kici Simon, Sairin khuami Lusias, gam ukpipa khutnuai-ah gam a uksawn Herod tawh a khangkhawm Manaen, le Saul ahi uh hi.

Sawltak 7:38

Amah pen Israel mite tawh gamlakah a om pa hi a, Sinai Mual tunga ama kiangah thu a gen vantungmi le i pute tawh a kikhawlpa ahi hi. Eite tungah hong gensawn dingin Pasian kiang panin a tul ngei lo thu a ngah ahi hi.

Sawltak 5:20

“Biakinn-ah pai unla, hih nuntak thakna thu mite kiangah va gen un,” ci-in a vaikhak hi.

Sawltak 5:18

Tua ahih manin sawltakte manin thong sungah a khum uh hi.

Sawltak 2:47

Pasian phat uh a, khatlekhat thupha kideihsakin a om uh hi. Pasian in nisimin hotkhiatna a ngah mi kibehlapsak tawntung hi.

Johan 16:2

Amaute in a kikhopna uh innte panin note hong hawlkhia ding uh hi. Note hong that mite pen Pasian’ nasemin a kingaihsut ding uh hun hong tung ding hi.

Mattiu 23:34

Note kiangah kamsangte, mipilte, le siate ka hong paisak ding hi. Note in pawlkhatte thatin, pawl khatte singlamteh tungah khai-in, pawlkhatte na kikhopna uh inn sungah na sat ding uh a, khua khat pan khua khatah a banbanin na bawlsia ding uh hi.

Mattiu 22:6

adangte in a nasemte manin a na satgawp khit uh ciangin a na that uh hi.

Mattiu 5:13

“Note pen leitung mite a dingin ci tawh na kibang uh hi. Ahi zongin ci a alna bei leh i alsakkik theih nading lampi om nawn lo hi. A kizat nading bangmah om nawn lo a, mite’ tuatcilgawp dingin kipaai lel hi.

Daniel 6:23

Kumpipa lungdam mahmah a, humpinelkai kikhumna sung pan Daniel kaihkhiat dingin thu a pia hi. Tua ahih ciangin Daniel kaikhiato uh a, liamna themcik zong a neih lohlam a mu uh hi. Bang hang hiam cih leh amah in Pasian muang hi.

Daniel 6:10

Tua bang thupiakna lai kihawmkhia khinzo ta hi, ci-in Daniel in a theih ciangin a inn-ah a ciah hi. A inn dawl tungnungah Jerusalem lam a nga tawlet thum a om hi. Tua laitakah tawlet honsa-in a hih ngei bangin khukdinin ni khatin thumvei ta Pasian kiangah thu a ngen hi.

Nehemiah 6:3

Tua ahih ciangin kei zong amaute kiangah kamtaite ka sawl a, “Tu laitakin nasep thupi ka nei hi; kong pai thei kei ding hi. Kei hong pai leng, kong pai sung ka om loh kalteng nasep kitawlnga ding hi,” ka ci hi.

Sawltak 7:54

A kikhawm uliante in Stefen’ thugen a zak uh ciangin nakpitakin heh uh a, a ha uh gawisan uh hi.

Sawltak 8:2

Thu um mi pawlkhat in Stefen vui uh a, nakpitakin dahin a kap uh hi.

Sawltak 8:5

Filip zong Samaria gam khuapi-ah pai-in Khrih thu a hilh hi.

Sawltak 13:36

David in ama hun lai-in Pasian’ deihna bangin na sem a, a sih ciangin a pu a pate gei mahah kisialin muatna a thuak hi.

Sawltak 26:10

Tua mah bangin Jerusalem khua sungah ka sempah a, siampi liante tung panin thu ngahna tawh Pasian’ mi tampi thong sungah ka khum hi. Tua mite a sih nadingun thu a kikhen ciangin zong a thukimpih pawl ka hi hi.

ROM (Romans) 1:32

Tua bangin a gamtate in sihna thuak ding hi, ci-in Pasian’ thukhenna thei napi-in, tua bangin amaute a gamtat uh banah, tua bangin a gamtate pakta-in a awi zawsop lai uh hi.