Sawltak 7:6 - Tedim Bible

⁶ Tua bang hinapi-in, Pasian in Abraham kiangah, ‘Na suan na khakte gam dangah tengin salin om ding uh a, kum zali sung nakpitakin gimna thuak ding uh hi.

Tedim Bible Revision 2017

⁶ Tua bang hi napi-in, Pasian in Abraham kiangah, ‘Na suan na khakte amauʼ leitang ahi lo gam dangah salin om ding uh a, tua lai ah amaute kum za li sung nakpi takin gimna thuak ding uh hi.

Sawltak 7:6 Referans Kwoze

Piancilna 15:13

Tua ciangin Topa in Abram kiangah, “Na suanlekhakte amau’ leitang ahi lo munah tawlkhat sung omin, tua lai-ah amaute sila hi ding uh a, amaute kum zali sung kinengniam ding ahihna thu a kitel theihna thei in.

Galati 3:17

Tu-in ka hong gennop thu in: Pasian in Abraham tawh thuciamna bawl a, tua a thuciamna peksat sawm lo hi. Tua ahih manin tua thuciamna a kibawlzawh kum zali le kum sawmthum khit ciangin a kinung piak Thukham in tua thuciamna peksatin phiat thei lo ding hi.

Piancilna 15:16

Khang lina ciangin hih lai munah amaute hong paikik ding uh hi. Bang hang hiam cih leh Amor mite’ mawhna kicing nai lo hi,” a ci hi.

Paikhiatna 3:10

Hong pai in, nang in Egypt panin ka mi Israel-te na paikhiatpih theih nadingin Faro’ kiangah nang kong sawl ding hi,” a ci hi.