Sawltak 7:54 - Tedim Bible

⁵⁴ A kikhawm uliante in Stefen’ thugen a zak uh ciangin nakpitakin heh uh a, a ha uh gawisan uh hi.

Tedim Bible Revision 2017

⁵⁴ A kikhawm uliante in Stefenʼ thugen a zak uh ciangin nakpi takin heh uh a, a ha uh gawi san uh hi.

Sawltak 7:54 Referans Kwoze

Sawltak 5:33

Uliante in hih thu a zak uh ciangin heh mahmah uh ahih manin sawltakte thah dingin a ngaihsun uh hi.

Late 35:16

Zahtakna mel nei hetloin kei hong zahko niloh uh a, a ha uh hong gawisan uh hi.

Luka 13:28

Pasian’ Ukna sungah Abraham, Isaac, Jakob, le kamsangte khempeuh a omna mu napi-in, note a pualamah hong kihawlkhiat ciangin tua huna na kahna uh le na ha gawina uh bangzah takin nasia ding ahi hiam?

Mattiu 25:30

Bangmahin a kimang lo hih nasempa ahihleh pualam khuamialna lakah lawnkhia un. Tua lai-ah kapin a hagawi ding hi,’ ci hi.

Mattiu 13:50

meikhukpi sungah tua migilote a khul ding uh hi. Tua lai-ah kapin a hagawi ding uh hi.

JOB (Job) 16:9

“Pasian in a hehna tawh hong balnen ngingei a, a ha hong gawisanin hong heh et hi.

Mattiu 24:51

a topa in nakpitakin gim pia-in, mihoih a kineihkhemte’ gimthuak dingteng thuaksak ding a, amah kapin a hagawi ding hi.

Mattiu 22:13

Tua ciangin kumpipa in a nasemte kiangah, ‘A khut a khe hen unla, pualam khuamialna lakah lawnkhia un; tua lai-ah kapin a hagawi ding hi,’ a ci hi.

Mattiu 13:42

meikhukpi sungah tua bang mite lawn ding uh a, tua lai-ah amaute kapin a hagawi ding uh hi.

Mattiu 8:12

Ahi zongin vantung ki-ukna sungah a om dingin a kingaihsun Israel mite ahihleh pualam khuamialna-ah kilawnkhia ding a, tua lai-ah kapin a hagawi ding uh hi,” a ci hi.

Kah la 2:16

Na galte in nang hong simmawh uh a, muhdahna tawh a hong sik-et uh hi. “Khuapi susiazo ta hang! I suksiatzawh mateng i cihcih niloh mah hi,” ci-in a hagawi uh hi.

Late 112:10

Migilo in hih thu mu-in a heh suak mahmah a, a ha gawigawi-in a tuimang hi. Migilote’ lametna a mawkna a suakta hi.