Sawltak 7:52 - Tedim Bible

⁵² I pu i pate in kamsang a bawlsiat loh khat beek om lo hi. Pasian’ deihna bangin a gamta a Nasempa a hong pai nading thu a genkhol Pasian’ kamtaite na that uh a, tu-in note in tua nasempa lehhekin na that leuleu uh hi.

Tedim Bible Revision 2017

⁵² I pu i pate in kamsang a bawlsiat loh khat beek om lo hi. Pasianʼ deihna bangin a gamta a Nasem pa a hong pai nading thu a gen khol Pasianʼ kamtaite na that uh a, tu-in note in tua nasem pa leh hekin na that leuleu uh hi.

Sawltak 7:52 Referans Kwoze

Mattiu 5:12

Note a dingin vantungah thaman lianpi hong kikoih kholhsak ahih manin tua bang na tuah uh ciangin nuamin na lungdam un. Note’ hun ma-a kamsangte zong tua bangmahin a na kibawlsia ngei ahi hi.

2 KHANG TANGTHU NIHNATE 36:16

Ahih hangin a mite tungah Topa a heh ciang dong, a hehna a kidamsak zawh nawn loh ciang dongin amaute in Pasian’ kamtaite zahpihin, a thute simmawhin, a kamsangte thusim lo niloh uh hi.

1 KUMPI MASATE 19:10

Amah in, “Vanglian Pasian, Topa a dingin ka huaiham mahmah hi; bang hang hiam cih leh Israel mite in na thuciamna nusia-in, na biakna taute lawnkhia uh a, namsau tawh na kamsangte that hi; kei, kei bekbek ka omlai hi. Amaute in kei nangawn thah dingin hong zong lai uh hi,” a ci hi.

1 THESALONIKA MASA 2:15

Tua Jew mite in Topa Jesuh le kamsangte that uh a, kote zong hong bawlsia uh hi. Pasian’ lungkim loh nadingin gamta uh a, mi khempeuh langbawl uh hi.

Jeremiah 2:30

Na tate uh thuhilhin ka sat hangin a mawkna suakzo ta hi. Amaute kibawlpha tuan lo uh hi. Humpinelkai hawk bangin na namsaute un na kamsangte uh a that khinzo uh hi.

Mangmuhna 19:10

Tua ciangin amah a bia dingin a khe phungah ka kunsuk a, ahi zongin amah in, “Kei hong bia kei in. Kei pen Jesuh’ hong thugente a lenkip nang le na sanggamte khempeuh tawh nasemkhawm khat ka hi hi. Pasian bia in!” hong ci hi. Jesuh’ thugen in kamsang nasep sepnop nading lungsim a guan ahi hi.

1 JOHAN MASA 2:1

Ka itte aw, note na khialhkhak loh nading uh ka deihna-in hih lai a hong gelh ka hi hi. Ahi zongin mi khatpeuh a khialh ciangin eite a dingin Pa Pasian kiangah a hong thumsak dingin a thuman Jesuh Khrih i nei hi.

Sawltak 22:14

Tua ciangin amah in, ‘I pu i pate’ Pasian in ama deihna a thei ding, a thuman a Nasempa a mu ding, le ama kam mahmah tawh a thugen a za dingin nang hong teel khinzo hi.

Nehemiah 9:26

“‘Ahi zongin amaute in demnopna lungsim nei-in nang hong lehdo uh hi. Amaute in na thukham nungngat uh a, nangma lamah hong ciahkikna dingun amaute a hilh na kamsangte that uh a, amaute in gendai mawhna lianpi bawl uh hi.

1 PETER MASA 1:11

Khrih in gimna thuakin, tua khit ciangin minthanna a ngah nading thu Kha Siangtho in a gen ciangin, amaute sungah a om tua Khrih’ Kha Siangtho in kua a cihna hi a, bang hun ciang hi ding hiam, ci-in a kankan uh pen tuhun thu a gen ahi hi.

Sawltak 4:10

note in singlamteh tungah na thah uh, Pasian in sihna panin a thawhkiksak Nazareth khuami Jesuh Khrih min vangliatna tawh hih mipa a ci damin hih lai-ah ding ahihna thu, note le Israel mi khempeuh in na theih dingun a kilawm thu khat ahi hi.

Sawltak 3:24

Samuel a kipan ama nunga hong piang kamsang khempeuh in tu laitak a thupiangte mah genkhol ciat uh hi.

Sawltak 3:18

Ama Khrih in a thuak nading thu, Pasian in tanglai pekin kamsangte khempeuh tungtawnin genkhol a, tu-in hih bangin a thugen kholhna a hong tungsak ahi hi.

Sawltak 2:23

Pasian in thu a ma theihkholhna le ama geelna tawh kizui-in note’ khut sungah tua Jesuh a hong piak ding a ngaihsutsa hi a, note in singlamteh tungah khai-in migilote’ khut tawh amah na that uh hi.

Zekhariah 9:9

Zion mite aw, nakpitakin lungdam un. Jerusalem mite aw, lungdamin awng un. En un, na kumpipa uh hong pai hi. Amah, gualzawhna tawh hong pai hi. Ahi zongin kiniamkhiatna tawh hong pai a, sin nai loh lano tungah hong tuang hi.

Jeremiah 26:23

amau in zong Egypt gam panin Uriah manin kumpi Jehoiakim kiangah a puak uh hi. Amah in tua pa namsau tawh thatin a luanghawm mi mawkmawkte’ kivuina munah a paai hi.

Jeremiah 26:15

Kei nong thah uhleh bel, mawh nei lo mi khat na thah manun note mahmah a kipan hih khuapi le a sunga tengte in na thuak ding uh thei ta un. Bang hang hiam cih leh note’ bil mahmahin na zak dingun hih thute a gen dingin Topa’ hong sawl taktak ka hi hi,” a ci hi.

Jeremiah 20:2

Tua ciangin Pashhur in kamsang Jeremiah sat a, Benjamin Kongpi saknung gei, Topa’ biakinn sungah kol a bulh hi.

1 KUMPI MASATE 19:14

Amah in, “Vanglian Pasian, Topa a dingin ka huaiham mahmah hi; bang hang hiam cih leh Israel mite in na thuciamna nusia-in, na biakna taute lawnkhia uh a, namsau tawh na kamsangte that uh hi; kei, kei bekbek ka omlai hi. Amaute in kei nangawn thah dingin hong zong lai uh hi,” a ci hi.

Mangmuhna 3:7

“Filadelfia khua pawlpi vantungmi kiangah lai gelh inla, David’ tawhtang kemin, ama honsa kong kuamah in a khak zawh loh, ama khaksa kong kuamah in a hon zawh loh, a thuman a siangthopa’ thugen in:

2 KHANG TANGTHU NIHNATE 36:15

A mite le ama tenna mun khasiat ahih manin amau’ pute pate’ Pasian, Topa in a kamtaite amaute kiangah sawl teitei hi.

Luka 6:23

Vantungah na thaman ding uh lian mahmah ahih manin tua bang na tuah uh ciangin nuamin lungdamin na diang un. Bang hang hiam cih leh a pu a pate un zong tua bangmahin kamsangte tungah a bawl uh hi.

Johan 16:10

Pa kiangah pai ding ka hih manin kei na hong mu nawn kei ding uh hi, ka cihna thu a manna lak ding a,

2 TIMOTI NIHNA 3:4

ciampelin, thu khual loin, kiphasak gawpin, Pasian don loin pumpi nopsakna bek deihin,