Sawltak 7:48 - Tedim Bible

^48-50 Ahi zongin kamsangpa in, ‘Topa in hih bangin ci hi: Vantung pen keima tokhom hi a, leitung zong ka khe ngakna mun ahi hi. Kei a’ ding bang biakinn hong lamsak thei ding a, ka om nading koi lai mun hi thei ding ahi hiam? Hih nate khempeuh keima bawlsa hi lo ahi hiam, ci hi,’ ci-in a gen mah bangin mihingte’ lamsa inn sungah a Lianpen Pasian a teng hi lo hi.

Tedim Bible Revision 2017

^48-50 Ahi zongin kamsang pa in, ‘Topa in hih bangin ci hi: Vantung pen keima tokhom hi a, leitung zong ka khengakna mun ahi hi. Kei ading bang biakinn hong lamsak thei dinga, ka om nading koi lai mun hi thei ding ahi hiam? Hih nate khempeuh keima bawl sa hi lo ahi hiam, ci hi,’ ci-in a gen mah bangin mihingteʼ lam sa inn sungah a Lianpen Pasian a teeng hi lo hi.

Sawltak 7:48 Referans Kwoze

1 KUMPI MASATE 8:27

“Ahih hangin leitungah Pasian teng taktak ding ahi hiam? Vantung le vantung a sangpen in nang hong huam zo lo hi. Tua ahih manin keima lamsa hih biakinn in bangzahin nang hong huam zo lo zaw kan ding ahi hiam?

2 KHANG TANGTHU NIHNATE 6:18

“Ahih hangin Pasian pen mite tawh leitungah hong teng takpi ding ahi hiam? En in, vantung le a sangpen vantung in nang hong huam zo lo hi; hih keima lamsa biakinn in hong huam zo lo zaw kan ding!

Late 91:9

Nangmah in Topa pen na buk nadingin bawlin, Sangpenpa, nang a hong hu dingin bawl khin na hih manin

Daniel 4:17

Hih pen a vil, a patau vantungmi’ thukhenna ahi hi. Tua ahih ciangin mun khempeuhah a om mi khempeuhte in, a Lian Pasian in mite’ kumpi gamah vai a hawm hi, cih a thei ding uh hi. Amah in a teel peuhpeuh a neupente nangawn kumpi a suaksak thei ding hi,’ a ci hi.

Late 91:1

Sangpenpa’ liahna sung, Vanglianpa’ liim sungah a om mi khempeuh in

Late 7:17

Ke’n ahihleh, ama dikna om bangin Topa’ tungah lungdamna ka lak ding a, a Sangpen Topa’ min phatna la ka sak ding hi.

Daniel 4:34

Tua ciangin kumpipa in, “A kisehsa hun a cin ciangin keimah Nebukhadnezzar in vantung lam ka ento a, ka khuatheihna a hong tungkik hi. A nungta tawntung a Lianpen Pasian’ min phatin, zahtakna le minthanna ka pia hi. “Amah in a tawntungin uk ding a, ama gam kip tawntung ding hi.

Late 46:4

Sangpenpa’ tenna khua siangtho, Pasian’ khuapi, a lungdamsak gun khat a om hi.

Thu-hilhkikna 32:8

Sang Pen pa in minam dangte tungah amau’ gamh pia a, mihingte a ten nading mun a seh ciangin vantungmi a phazah tawh a kizui-in mite’ gamgi a phut hi.

Hosea 7:16

Amaute, kei’ lam hong nga loin, Baal pasian’ lam nga tawntung uh hi. A khakna ding san a kha thei lo thalpeu tel tawh kibang uh hi. Amau’ kiphatsak pauna hangun a uliante uh namsau-in si ding uh a, Egypt mite in amaute nuihsan lel ding uh hi.

Luka 1:32

Amah milian hi ding a, A Lianpen Pasian’ Tapa kici ding hi. Topa Pasian in ama pu David mah bangin kumpi-in bawl ding a,

2 KORIN NIHNA 5:1

Bang hang hiam cih leh hih ka tenna ka leitung pumpi uh a sih ciangin mihingte bawl ahi lo, Pasian in a kip tawntung dingin kote a dingin a hong bawlsak inn, vantungah a nei ding ka hihna uh ka thei uh hi.