Sawltak 7:45 - Tedim Bible

⁴⁵ Tua khit ciangin i pute in amau’ pate tung panin a ngah uh tua puanbuk pen amau’ ten nading gam a la dingin a kuan uh ciangin na pua uh a, Pasian in amaute’ mai-ah tua gam mite hawlkhiatsak ahih manin tua gam a luah uh ciangin a puanbuk zong a na tunpih uh hi. Tua ahih manin David’ hun ciang dong tua puanbuk na om hi.

Tedim Bible Revision 2017

⁴⁵ Tua khit ciangin i pute in amauʼ pate tung panin a ngah uh tua puanbuk pen amauʼ ten nading gam a la dingin a kuan uh ciangin na pua uh a, Pasian in amauteʼ mai ah tua gam mite hawl khiatsak ahih manin tua gam a luah uh ciangin a puanbuk zong a na tunpih uh hi. Tua ahih manin Davidʼ hun ciang dong tua puanbuk na om hi.

Sawltak 7:45 Referans Kwoze

Late 44:2

Nangmah in minam dangte na hawlkhia mang a, ahih hangin amau’ munah ka pu ka pate uh na tengsak hi. Midangte na sugawp a, ahih hangin amaute na suaktasak hi.

Sawltak 13:19

Pasian in Kanaan gam sungah mi nam sagih a suksiat khit ciangin kum zali le kum sawmnga sung bang ama mite a luahsak hi.

Joshua 24:18

Topa in eite’ mai-ah tua gam a teng Amor mite khempeuh hawlkhia hi. Tua ahih ciangin amah pen eite’ Pasian ahih manin kote in zong Topa’ na ka sem ding uh hi,” a ci uh hi.

Joshua 23:9

Bang hang hiam cih leh Topa in note’ mai-ah a lian a thahat minamte hawlkhia a, note ahihleh tuni dongin mi khat beek in hong nangzo nai lo hi.

Joshua 18:1

Tua ciangin Israel mihon buppi Shiloh-ah kikhawmin tua lai-ah kikhopna buk lam uh a, amaute’ mai-ah gam zawhsa-in om hi.

Hebru 4:8

Joshua in Pasian’ tawlngakna munah mite tunpih khin hileh Pasian in a nidang khat thu nunggen nawn lo ding hi.

Late 78:55

Amau’ mai panin midangte hawlkhia-in, amaute’ luah ding neihsa hawmsak a, Israel minamte amau’ buk sungah a tengsak hi.

Nehemiah 9:24

A suan a khakte uh tua gamah lutin a lak uh ciangin, amau’ mai-ah tua gam a teng Kanaan mite na nuaisiah a, a ut bang bangun a bawl dingun a kumpite le a mite amau’ khut sungah na pia hi.

1 KHANG TANGTHU MASATE 21:29

Bang hang hiam cih leh Moses in gamlakah a bawl Topa’ biakbuk le meihal biakna tau pen tua hunin Gibeon mual dawnah omlai hi.

1 KHANG TANGTHU MASATE 16:39

Tua ciangin amah in Topa’ thukham sungah a kigelh ama thupiak khempeuh bangin, zingsang le nitakin meihal biakna tau tungah Topa a dingin meihal biaknate a pia tawntung dingin, Gibeon-a om mual dawna Topa’ biakbuk mai-ah siampi Zadok le a sanggam siampite a nusia hi.

1 KUMPI MASATE 8:4

Tua ciangin amaute in kikhopna buk, le puanbuk sunga om a siangtho nazatte khempeuh a paipih uh hi. Siampite le Levi mite in tuate paipihto uh hi.

1 SAMUEL MASA 4:4

Tua ahih ciangin mite in Shiloh-ah mi paisak uh a, kherub-te tungah a tu Vanglian Topa’ Thuciamna Singkuang tua lai panin hong pua uh hi. Eli’ tapa nihte, Hofni le Finehas, Pasian’ Thuciamna Singkuang tawh tua lai-ah om uh hi.

Thukhente 18:31

Tua ahih ciangin Shiloh-ah Pasian’ biakbuk a om sungteng Mikah’ bawlsa a kiseek milim tua lai-ah a om hi.

Thu-hilhkikna 32:49

“Jerikho gallam, Moab gam sungah a om Nebo Mual, hih Abarim mualtungah kahto in. A neih dingun Israel mite tungah ka piak Kanaan gam gal et in.

Late 80:8

Nangmah in Egypt panin leenggui khat na la a, minam dangte hawlkhia-in, tua leenggui na suan hi.

1 KHANG TANGTHU MASATE 7:27

a tapa Nun, a tapa Joshua ahi hi.