Sawltak 7:34 - Tedim Bible

³⁴ Ka mite in Egypt gamah bawlsiatna a thuaknate teltakin ka mukhin hi. Amaute’ tauna awging ka za a, amaute a honkhia dingin a hong paisuk ka hi hi. Hih lai-ah hong pai in; Egypt gamah nang ka hong paisak ding hi,’ na ci hi.

Tedim Bible Revision 2017

³⁴ Ka mite in Egypt gamah bawlsiatna a thuaknate teltakin ka mu khin hi. Amauteʼ tauna awging ka za a, amaute a hon khia dingin a hong pai suk ka hi hi. Hih lai ah hong pai in; Egypt gamah nang ka hong paisak ding hi,’ na ci hi.

Sawltak 7:34 Referans Kwoze

Late 106:44

Tua bang ahi ta zongin amaute’ kikona a zak ciangin amaute’ cihmawhna a don hi.

Johan 6:38

Bang hang hiam cih leh keima ut bangin a sem ding hi loin kei hong sawl pa’ deihna bangin a sem dingin vantung panin a hong pai ka hi hi.

Nehemiah 9:9

“‘Nangmah in Egypt gam sunga ka pute ka pate uh’ gimna mu-in San Tuipi-ah hong kikona uh na za a,

Paikhiatna 4:31

Mite in um uh hi. Israel mite kiangah Topa hawhin, amau’ thuaknate amah in a muh khitna thu amaute in a zak uh ciangin, amaute in a lu uh kunin Pasian a bia uh hi.

Paikhiatna 3:14

Pasian in Moses kiangah, “Keimah ka hi hi,” ci hi. Tua ciangin Pasian in, “Israel mite tungah hih thu genin, ‘Keimah a kici pa in note kiangah kei hong sawl hi,’ ci in,” a ci hi.

Johan 3:13

Vantung panin a hong paisuk Mihing Tapa keimah simloh vantungah a paito ding kuamah om lo hi,” a ci hi.

Micah 6:4

Bang hang hiam cih leh Egypt gam panin note kong paikhiatpih a, salsuahna panin ka hong honkhia hi. Note a hong makai dingin Moses, Aaron, le Miriam ka hong sawl hi.

Hosea 12:13

Topa in kamsang khat zangin Egypt panin Israel-te paikhiatpih a, kamsang khat’ nasepna tawh amaute suakta-in a nungta uh hi.

Isaiah 64:1

Nangma langte tungah na min na theihsakna ding le nangma omna-ah minamte lau-in a lin nadingin mei in selkeu kuangsakin mei in tui a sosak bangin nangma mai-ah mualte a lin nadingin bang hangin na vangliatna tawh vantung balkekin hong paisuk lo na hi hiam?

Late 144:5

Topa aw, na vanpite niamsak inla, hong paisuk in. Mualte lawng inla, meikhu suaksak in.

Late 105:26

Amah in, ama nasem Moses le ama teelsa Aaron a sawl hi.

Thukhente 2:18

Topa in amaute a dingin thukhente a khansak sialin Topa in thukhente huh a, thukhente’ nuntak sung tawntung a galte uh khutsung panin amaute hon hi. Bang hang hiam cih leh amaute a gimsak a nengniamte’ hangin amau’ tauna in Topa’ hehpih nading piangsak hi.

Gamlak-vakna 11:17

Keimah hong paisukin tua munah nang tawh i kiho ding a, keimah in nang’ sunga om kha pawlkhat la-in amaute’ sungah ka guang ding hi. Nang guak in na puak loh nadingin amaute in mite’ tavuan hong puakpih ding uh hi.

Piancilna 18:21

kei tunga hong kigen bangin amaute gamta takpi uh hiam, ci-in a thei dingin ka paisuk ding hi. Tua bang ahih kei leh zong ke’n ka va thei ding hi,” a ci hi.

Piancilna 11:7

Hong pai un, amaute khatlekhat’ thugen a kitheih loh nadingun eite paisukin amau’ kampau va kitukalhsak ni,” a ci hi.

Piancilna 11:5

Tua ciangin mihingte’ lamsa khuapi le tausangpi a en dingin Topa hong paisuk hi.