Sawltak 7:30 - Tedim Bible

³⁰ “Tua gamah kum sawmli a ten khit ciangin, Sinai Mual tung gamlakah sawlpang lak a meikuang sungah vantungmi khat ama kiangah hong kilang hi.

Tedim Bible Revision 2017

³⁰ “Tua gamah kum sawm li a teen khit ciangin, Sinai Mual tung gamlak ah sawlpang kawm, meikuang sung panin vantungmi khat ama kiangah hong kilang hi.

Sawltak 7:30 Referans Kwoze

Sawltak 7:35

“Moses pen Israel mite in deih loin, ‘Kote a hong uk ding le thu a hong khen dingin kua in hong koih ahi hiam?’ a cih pa uh ahi hi. Ahi zongin Moses pen sawlpang kuang sung pan ama kiangah a kilang vantungmi’ huhna tawh ukpa le honkhia pa ahi dingin Pasian in a sawl pa ahi hi.

Isaiah 43:2

Tuite na kantan ciangin nang kong ompih ding a, gunte na kantan ciangin tui in hong tuum lo ding hi. Mei kantanin na pai ciangin na kang kei ding a, meikuangte in nang hong kangtum lo ding hi.

Sawltak 7:32

‘Kei pen na pu na pate uh ahi Abraham, Isaac, le Jakob-te’ Pasian ka hi hi,’ a na ci hi. Moses zong lau-in linggawp a, en ngam lo hi.

Isaiah 63:9

Vantung mite’ hotkhiat hi loin, Topa mahmah in amaute honkhia hi. A itna le a hehpihna tawh amaute honkhia a, amah in a beisa hun khempeuhah amaute hoihtakin a kem hi.

Paikhiatna 3:6

Tua ciangin amah in, “Kei pen na pa’ Pasian, Abraham’ Pasian, Isaac’ Pasian, le Jakob’ Pasian ka hi hi,” a ci hi. Tua ciangin Moses in Pasian a muh ding lau ahih manin a maitang a hum hi.

Sawltak 7:17

“Pasian in Abraham tungah a thuciamna a tunsak ding a nai kuan ciangin Egypt gamah ei mite tampi tak na pha ta uh hi.

Marka 12:26

Thawhkikna thu tawh kisai-in ci lehang, Moses’ laigelhna sung sawlpang kuang thu a genna munah Pasian in Moses kiangah, ‘Kei pen Abraham’ Pasian, Isaac’ Pasian, Jakob’ Pasian ka hi hi,’ a cihna mun sim ngei lo na hi uh hiam?

Daniel 3:27

Kumpi tapate, gam ukpite, gam ukpi huhte, le kumpipa’ thudotte khempeuh kikhawm uh a, mei in a kat loh mite a en uh hi. A sam uh zang khat beek mei in kanghul lo a, a puan uh zong kang loin meikhu gim zong a nam beek kei uh hi.

Late 66:12

Ka galte uh nong tuancilsak a, tui le mei lauhuainate ka thuak uh hi. Ahih hangin nangmah in a tanzau munah kote nong paipih hi.

Thu-hilhkikna 4:20

Ahih hangin Topa in tuni-a bangin sik meikhuk tawh a kibang Egypt panin ama neih mi dingin note hong la-in hong paikhiatpih khin hi.

Paikhiatna 7:7

Tu-in amaute in Faro’ tungah thu a gen laitakun Moses kum sawmgiat pha a, Aaron kum sawmgiat le thum a pha hi.

Galati 4:25

Arabia gam a om Sinai Mual lim ahi Hagar pen tu laitakin a mite tawh salin a om Jerusalem khuapi a cihnopna ahi hi.

Luka 20:37

Tua tham loin Moses in zong misite a thawhkikna thu teltakin hong lak hi. Sawlpang kuang thu a genna munah Topa pen, ‘Abraham Pasian, Isaac Pasian, Jakob Pasian,’ ci-in a na gen hi.

Malakhi 3:1

Hih bangin na thugenna uh tawh kisai-in Vanglian Topa in hong dawng a, “Ka pai nading lampi a bawlkhol dingin ka kamtai pa ka sawl ding hi. Tua ciangin na ngakngak uh Topa a biakinn sungah thakhat thu-in hong pai ding hi. Na muhnop uh kamtai pa hong pai-in ka thuciamna hong taangko ding hi,” ci hi.

1 KUMPI MASATE 19:8

Tua ciangin amah tho a, an ne-in tui dawn a, tua an thahatna tawh Pasian’ mual Horeb ciang dong sun sawmli le zan sawmli sung a pai hi.

Thu-hilhkikna 33:16

leitung le a tunga om letsong hoihpente le sawlbawk lakah a tengpa’ maipha tawh thupha pia tahen. Hihte khempeuh, Josef tungah tung hen la, a sanggamte lakah ulian ahi mipa’ lu tungah tung tahen.

Sawltak 7:31

Moses in a muh ciangin lamdangsa a, a nai takin a muhtheih nadingin sawlpang kuang kiangah a va pai hi. Ahi zongin Topa’ awging za a,