Sawltak 7:23 - Tedim Bible

²³ “Amah kum sawmli a phak ciangin Israel’ suan a mipihte lakah painopna lungsim a nei hi.

Tedim Bible Revision 2017

²³ “Amah kum sawm li a phak ciangin Israelʼ suan a mipihte lakah pai nopna lungsim a nei hi.

Sawltak 7:23 Referans Kwoze

Paunak 21:1

Topa’ khut sungah kumpipa om a, lo sunga tuilak bangin a deihna peuhah hei kawikawi thei hi.

Mangmuhna 17:17

Bang hang hiam cih leh Pasian in ama thugente a tuntheih nadingin ama deihna bangin amaute in a sepnop nading uh lungsim guan a, lungsim kikhatin ganhing tungah amau’ ukna aana a piasak hi.

Jeim 1:17

A hoih thu le na khempeuh, Pasian kiang panin hong pai hi a, vantung khuavak a Piangsak pa ahih manin amah kikheel ngei lo a, amah a kihei manin khua zong mial tuan lo hi.

Ezra 7:27

Tua ciangin Ezra in, “Jerusalem-a om Topa’ biakinn tua bangin a minthangsak thuah dingin kumpipa lungsimah suak a, kumpipa le a thu lamlakte le a uliante kei tungah a thunuam dingin a bawl i pu i pate’ Pasian ahi Topa in thupha ngah ta hen!” a ci hi. Tua hi a, Topa ka Pasian in kei hong ompihna thei ka hih manin ka lungsim hong hang a, kei hong zui dingin Israel makaite ka khawm hi.

Sawltak 15:36

Tawlkhat khit ciangin Paul in Barnabas kiangah, “Topa’ thu i hilhnasa khua tuamtuama i sanggamte kiangah va hawhkikin bang a cici uh hiam cih va en ni,” a ci hi.

Ezra 1:5

Tua ciangin Judah le Benjamin sunga innkuan lutangte, le siampite le Levi mite, Jerusalem khua-a om Topa’ biakinn a lamkik dingin a lungsim sung uhah Pasian in a suahsak mite khempeuh kithawi uh hi.

Ezra 1:1

Persia kumpi Sairas’ uk kum khatna kumin, Jeremiah tungtawnin Topa’ thugen a tun theih nadingin, ama gam sung khempeuhah taangkona khat bawlin lai-in zong a gelh nadingin Persia kumpi Sairas’ lungsimah Topa in a suaksak hi. Amah in hih bangin a hih hi:

2 KHANG TANGTHU NIHNATE 30:12

Topa’ thupiakna tawh kumpipa le uliante’ sawlna a sem dingin Judah mite tungah Pasian in lungsim kikhatna a guan hi.

Paikhiatna 35:29

Topa in Moses tunga a thupiaksa nasep nadingin na khat peuhpeuh a pia nuam numei pasal Israel mi khempeuh in utthu-a biakna-in Topa’ tungah hong paipih uh hi.

Paikhiatna 35:21

Piak nopna lungsim a nei mi peuhmah hong pai tawm uh a, kikhopna buk le a nasep nading khempeuh le puan siangthote a zat dingin Topa a’ ding a piakte uh hong puak uh hi.

Paikhiatna 4:18

Tua ciangin a sungpa Jethro’ kiangah Moses pai-in ama kiangah, “Hong thum ing; Egypt-ah ka sanggamte kiangah kei hong ciahkiksakin amaute a nungta lai uh hiam hong musak in,” a ci hi. Jethro in Moses kiangah, “Cidam takin va ciahkik in,” a ci hi.

2 KORIN NIHNA 8:16

Kote’ hong kin zahin Titus in note hong kin nadingin Pasian in lungsim guan ahih manin Pasian tungah ka nuam mahmah uh hi.

Paikhiatna 7:7

Tu-in amaute in Faro’ tungah thu a gen laitakun Moses kum sawmgiat pha a, Aaron kum sawmgiat le thum a pha hi.

Sawltak 7:24

Tua bangin a mipihte lakah a va pai ciangin Egypt mite khat in a Israel mipihte khat a bawlsiatna mu a, a mipih pa a hutna-in Egypt mipa a satlum hi.