Sawltak 7:22 - Tedim Bible

²² Egypt gam sunga pilna om khempeuh ama tungah kihilh a, thugenna le nasepna-ah milian mahmah khat a suak hi.

Tedim Bible Revision 2017

²² Egypt gam sunga pilna om khempeuh ama tungah kihilh a, thugenna le nasepna ah mi lian mahmah khat a suak hi.

Sawltak 7:22 Referans Kwoze

Isaiah 19:11

Zoan uliante hai cihtakin hai uh a, Faro’ mipil thu lamlakte in thu haihuai gen uh hi. Nang in Faro’ tungah, “Mipil pa’ tapa ka hi hi; tanglai kumpite’ tapa ka hi hi,” bangci-in ci thei ding na hi hiam?

Daniel 1:4

Tua mite, kumpi innsunga nasem siamte a suahtheih nadingun a melhoih, pumpi tung poina a nei lo, a navak, hoihtakin pilna a kisinsak, na a thei baih, a lungsim navak ngentang ding ahi hi. Ashpenaz in amaute Babylon lai le a pau a hilh ding ahi hi.

2 KHANG TANGTHU NIHNATE 9:22

Tua bangin kumpi Solomon in hauhna le pilna tawh leitung kumpi khempeuh khumkhelh hi.

Luka 24:19

Tua ciangin Jesuh in amaute kiangah, “Bang thu ahi hiam?” ci-in a dot ciangin amaute in, “Nazareth khuami Jesuh tunga thupiang ahi hi. Amah pen kamsang khat hi a, Pasian le mite khempeuh in a thugen le a nasepna-ah vang a nei mahmah khatin a ngaihsut uh ahi hi.