Sawltak 7:2 - Tedim Bible

² Stefen in, “Ute pate aw, ka thugen hong ngai un. I pupi Abraham, Haran khua-ah a tenma, Mesopotamia gamah a om lai-in, ama kiangah a minthang Pasian kilang a,

Tedim Bible Revision 2017

² Stefen in, “Ute pate aw, ka thugen hong ngai un. I pupi Abraham, Haran khua ah a tenma, Mesopotamia gamah a om lai-in, ama kiangah a minthang Pasian kilang a,

Sawltak 7:2 Referans Kwoze

Piancilna 11:31

Terah in ama tapa Abram le Haran’ tapa, ama tupa ahi Lot, le a tapa Abram’ zi ahi a monu Sarai samin, Kanaan gam sungah a pai dingin Khaldea gam Ur khua panin amaute a paikhia khawm uh hi. Ahi zongin amaute Haran a tun uh ciangin tua munah a teng uh hi.

Sawltak 22:1

“Pate, ute, khangualte aw, hih thu-ah bangmah ka mawh lohna thu kong gen laitakin na ngai un,” a ci hi.

Late 29:3

Topa’ awging tuipite tungah kiza hi. A minthang Pasian’ aw ging damdam a, tui tampite tungah Topa’ aw kiza hi.

Hebru 1:3

Tua Tapa in Pasian’ minthanna vang hong taangkhiasak a, Pasian’ lim taktak mah hong pua-in, ama kampauna tawh leitung vantung buppi pai-in a kip hi. Mihingte a mawhna panun a siansak khit ciangin Vanglian pipa Pasian’ taklam, vantungah a tu hi.

Johan 1:14

Tua Thu mihing hong suakin kote lakah hong om a, itna nei-in citak mahmah ahih manin Pasian’ pianzia a neihna ka mu cian uh hi. Hih pianzia pen Pasian’ Tapa khat bek hihna tawh a neih pianzia ahi hi.

Nehemiah 9:7

Nang pen Abram teelin Khaldea gam Ur khuapi panin paikhiatpihin Abraham min a phuak Pasian, Topa na hi hi.

Piancilna 15:7

Tua ciangin ama kiangah, “Hih leitang na neih nadingin nangma tungah a hong pia dingin Khaldea gam Ur khua panin a hong paikhiatpih pa pen keimah na Topa ka hi hi,” a ci hi.

Mangmuhna 4:11

“Kote’ Topa Pasian aw, nangmah in na khempeuh piangsakin, nangma deihna bangin na khempeuh omin, na khempeuh kipiangsak ahih manin, minthanna, pahtawina, le vangliatna na ngah tawntung dingin a kilawm hi,” a ci uh hi.

1 KORIN MASA 2:8

Hih leitung a uk mite kuamah in hih pilna thu thei lo uh hi. Thei hi le-uh, a minthang Topa pen singlamteh tungah na that lo ding uh hi.

Sawltak 23:7

Tua thu a gen khit phetin Saddusi mite le Farisi mite kitawngpah uh a, tua uliante khen nih a pha uh hi.

Johan 12:41

Isaiah in Jesuh’ neih Pasian’ pianzia mu ahih manin hih bangin thu a gen ahi hi.

Luka 2:14

“Van a sang belna-ah a om Pasian’ min thang hen la, ama pahtak leitung mite tungah nopna om ta hen,” a ci uh hi.

Mattiu 6:13

Ze-etna lian hong thuaksak ke’n. Gilo’ kiang pan hong honkhia in,’ (Uk zawhna, vangliatna, minthanna, na nei tawntung hi. Amen.) ci-in na ngen ding uh hi.

Isaiah 51:2

Na pa uh Abraham le note’ pianna Sarah ngaihsun dih un. Bang hang hiam cih leh khat bek ahih laitakin amah ka samkhia a, amah thupha pia-in tampi ka phasak hi.

Isaiah 6:3

Amaute khatlekhat kisamin: “Vanglian Topa, siangtho, siangtho, siangtho; leitung khempeuh ama minthanna tawh kidim,” ci-in awng uh hi.

Late 24:10

Hih a minthang Kumpipa kua ahi hiam? VanglianTopa, minthang Kumpipa ahi hi.

Late 24:7

Minthang Kumpipa hong tumtheih nadingin, kulh kongpite lian hon unla, tanglai kongkhakte gol hon un.

Joshua 24:2

Tua ciangin Joshua in mi khempeuh tungah, “Israel Pasian, Topa in hih bangin thu gen a, ‘Tanglai-in Eufratis gun galkhatah na pu na pate uh teng ngei a, tuate lakah Abraham le Nahor’ pa Terah pen khat bek ahi hi. Na pu na pate un pasian dangte bia uh hi.

Piancilna 29:4

Jakob in amaute kiangah, “Sanggamte aw, koi pana hong pai na hi uh hiam?” a ci hi. Amaute in, “Haran pan hi ung,” ci uh hi.

Piancilna 12:5

Abram in ama zi Sarai, a sanggampa’ tapa Lot, amau’ kaihkhopsa neihsa khempeuh, le Haran-a amau’ neih sila khempeuh samin, Kanaan gamah a pai dingin amaute ding khia uh a, tua gam a tung uh hi.

Piancilna 12:1

Topa in Abram kiangah, “Na gam, na beh, le na pa’ inn panin nang kong lah ding gamah pai in.

Isaiah 37:12

Ka pu ka pate un a suksiat minamte, Gozan minam, Haran minam, Rezef minamte, le Telassar khua-a om Eden mite pen amau’ pasian-te in honkhiazo ahi hiam?

Sawltak 7:1

Tua ciangin siampi lianpen pa in Stefen kiangah, “Tu-a amaute’ gen bang takpi mah ahi hiam?” ci-in a dot ciangin

Efesa 1:17

i Topa Jesuh Khrih’ Pasian ahi, a minthang Pa Pasian in note tungah Kha Siangtho hong pia-in, tua Kha Siangtho in note tungah lungpilna hong pia-in, note in Pasian na theih nadingun note tungah Pasian hong kilatsak nadingin thu ka hong ngetsak niloh hi.

Hebru 11:8

Pasian in ama tungah piak dingin a ciam leitangah Abraham a pai dingin a sap lai-in Abraham in Pasian’ sapna a manna pen a upna hang mah ahi hi. A pai nading mun nangawn thei lopi-in a gam le a lei nusia-in a ding khia hi.

Jeim 2:1

Sanggamte aw, minthanna vang tawh a kidim i Topa Jesuh Khrih umin na om laitakun a pualama kilang pianziate siksanin mi na deidan kei un.