Sawltak 6:9 - Tedim Bible

⁹ Ahi zongin mi pawlkhat in Stefen langpan’ uh hi. Tua mite pen mite in, “Sal Suakta Mite,” a cihte pawl uh hi a, Sairin khua le Alexandria khua panin a hong pai Jew mite ahi uh hi. Hih Jew mite, Silisia le Asia gam pan a hong pai Jew mite tawh kipawlin Stefen tawh thu kisel dingin hong kipan uh hi.

Tedim Bible Revision 2017

⁹ Ahi zongin mi pawl khat in Stefen langpan uh hi. Tua mite pen mite in, “Sal Suakta Mite,” a cihte pawl uh hi a, Sairin khua le Alexandria khua panin a hong pai Jew mite ahi uh hi. Hih Jew mite, Silisia le Asia gam pan a hong pai Jew mite tawh kipawlin Stefen tawh thu kiseel dingin hong kipan uh hi.

Sawltak 6:9 Referans Kwoze

Sawltak 23:34

Menzipa in tua laikhak sim a, koi lai gammi na hi hiam, ci-in Paul a dong hi. Amah in Sisaria gammi ahihlam a theih ciangin,

Sawltak 22:3

“Kei pen Silisia gam Tarsas khua-a suak Jew mi ka hi a, ahi zongin hih lai Jerusalem khua-ah Gamaliel’ khut sungah sangnaupang hi-in a khangto ka hi hi. I pu i pate’ Thukham limtakin hong kihilh a, tu-a note zah mahin Pasian tungah a kipia mi khat ka hi hi.

Sawltak 15:41

Syria gam le Silisia gam nawkin pai-in pawlpite hanthawnin a thahatsak hi.

Sawltak 15:23

a nuai-a kigelh bangin lai a puasak uh hi. Tua a lai puaksak uh sungah, “Sawltakte le upate ahi ko na sanggamte un, Antiok khua, Syria gam, le Silisia gam a om thu upna sungah sanggam ahi Gentail mite tungah hopihna kam kong khak uh hi.

Mattiu 27:32

Tua bangin a pai laitakun Sairin khuami Simon kici mi khat tawh kituak uh a, amah lammatin Jesuh’ singlamteh a puasak uh hi.

Galati 1:21

Tua lai panin Syria le Silisia gamah ka pai hi.

Sawltak 21:27

Tua ni sagih hunsung a bei dektak ciangin Asia gam panin a hong pai Jew mite pawlkhat in, biakinn sungah Paul a omna a mu uh hi. Amaute in mihonte sosuahin Paul man uh a,

Sawltak 19:10

Hih bangin kum nih sung tawntung thu gen niloh ahih manin Asia gam sunga om Jew mi le Gentail mi khempeuh in Topa’ thu a za uh hi.

Sawltak 18:24

Alexandria khuami Apollos a kici Jew mi khat, Efesa khua-ah hong pai hi. Amah thugen siam mahmah a, Lai Siangtho zong a thei mahmah khat ahi hi.

Sawltak 16:6

Asia gam sungah thu a hilh ding uh Kha Siangtho in phal lo ahih manin Frigia le Galatia gam sungtengah a zin uh hi.

Luka 21:12

Ahi zongin hihte khempeuh hong pianma-in keima hangin note hong kimanin hong kibawlsia ding hi. Kikhopna innte-ah thusitna thuakin thongah khiat dingin hong ki-ap ding a, ukpite le kumpite mai-ah hong kipaipih ding hi.

Marka 13:9

“Limtakin kidawm un. Note hong kimanin thukhen zumah hong kipaipih ding a, kikhopna inn sungah zong hong kisat ding hi. Ukpite le kumpite mai-ah keima thu gen nading hun na ngah ding uh hi.

Mattiu 10:17

Mi pawlkhatte in note hong manin zumah hong paipih ding uh a, amaute’ kikhopna inn sungah hong satgawp ding uh ahih manin hoihtakin kidawm un.

1 KORIN MASA 1:20

Tua ahih manin tuhuna mipilte, miteite, le thusel a siamte, bangin kimang ahi hiam? Hih leitung pilna pen haina a suahsak khitna kilang khinzo hi.

Sawltak 26:11

Kikhopna inn khempeuhah amaute gim ka thuaksak zelzel a, a thu upnate uh ka khawlsak hi. Amaute tungah hehlua mahmah ka hih manin gamdang nangawnah pai-in thu umte ka bawlsia hi.

Sawltak 22:19

Kei zong, ‘Kikhopna innte-ah pai kawikawi-in nangma thu hong um mite manin ka satgawpna thu amaute mahmah in teltakin hong thei uh hi.

Sawltak 21:39

Paul in, “Kei pen Silisia gam Tarsas khua-a suak Jew mi ka hi a, khua thupi sungah a teng mi ka hi hi. Nong hehpihna-in hih mihonte tungah thu hong gensak in,” a ci hi.

Sawltak 19:26

Nomau mahmah in hih Paul’ thugen khempeuh za-in na thei uh hi. Amah in mihingte’ bawl pasian-te pen pasian hi het lo hi, ci-in thu hilh a, hih Efesa khua le Asia gam sung khempeuhah mi tampi tak a umsak hi.

Sawltak 13:45

Jew mite in mi tampi tak a hong kikhawm a muh uh ciangin Paul le Barnabas haza uh ahih manin Paul’ thugente a man lopi hi, ci-in Paul a gensia uh hi.

Sawltak 13:1

Antiok khua pawlpi sungah kamsang pawlkhat le sia pawlkhat om uh hi. Tuate pen Barnabas, Mi Vom pa zong a kici Simon, Sairin khuami Lusias, gam ukpipa khutnuai-ah gam a uksawn Herod tawh a khangkhawm Manaen, le Saul ahi uh hi.

Sawltak 11:20

Ahi zongin Saipras gammi le Sairin khuami thu um mi pawlkhatte Antiok khua-ah pai uh a, Topa Jesuh hanga Lungdamna Thu, Gentail mite kiangah zong a gen uh hi.

Mattiu 23:34

Note kiangah kamsangte, mipilte, le siate ka hong paisak ding hi. Note in pawlkhatte thatin, pawl khatte singlamteh tungah khai-in, pawlkhatte na kikhopna uh inn sungah na sat ding uh a, khua khat pan khua khatah a banbanin na bawlsia ding uh hi.

Sawltak 6:10

Ahi zongin Kha Siangtho in Stefen tungah pilna guan ahih manin amaute in thusel zo lo uh hi.

Sawltak 24:18

Biakinn sungah keimah kisiansuahna ka bawlkhit hun ciangin amaute in kei hong mu uh a, buaina zong bangmah om lo hi.