Sawltak 6:10 - Tedim Bible

¹⁰ Ahi zongin Kha Siangtho in Stefen tungah pilna guan ahih manin amaute in thusel zo lo uh hi.

Tedim Bible Revision 2017

¹⁰ Ahi zongin Kha Siangtho in Stefen tungah pilna guan ahih manin amaute in thusel zo lo uh hi.

Sawltak 6:10 Referans Kwoze

Luka 21:15

Bang hang hiam cih leh tua hun ciangin note’ gen ding thu le pilna kong guan ding a, na galte uh khat beek in note’ thugen hong nialzo loin, zong hong sel zo lo ding uh hi.

1 KORIN MASA 2:4

thu ka hong hilh ciangin zong leitung mipilte’ zat kammalte le siamnate ka zang kei a, Pasian’ Kha Siangtho vangliatna tawh thu ka hong hilh hi.

Johan 7:46

Palikte in, “Hih mipa’ thugen bangin a gen kuamah om nai lo hi,” a cih uh ciangin

JOB (Job) 32:8

Ahi zongin mihingte tungah a hong tung pilna pen Vanglian Pasian’ kha in a hong piak ahi hi.

Paikhiatna 4:12

Tua ahih ciangin tu-in pai in. Keimah in na thugenna-ah kong huh ding a, na thugen ding nang kong hilh ding hi,” a ci hi.

Luka 1:17

Amah pen kamsang Elijah mah bangin thahatna le vangliatna tawh Pasian mai-ah hong mapai ding hi. Pate le tate kilemsakkikin, mihoihte’ lungsim bang a neih nadingun thumang lo mite’ lungsim heisak ding a, Topa a dingin a kilawm dingin mite a bawlkhol ding hi,” a ci hi.

Sawltak 7:51

“Na lungsim uh khauh mahmah a, lawki lungsim paii-in, Pasian’ thu-ah bilngong na bang uh hi. I pu i pate mah bangin Kha Siangtho thu na mang nuam kei uh hi.

Ezekiel 3:27

Ahi zongin nang kong hopih kik ciangin kong pau theisakkik ding a, amaute kiangah, ‘Topa Pasian in hih bangin ci hi,’ na ci ding hi. Tua ciangin mi pawlkhat in na thu hong ngai ding uh a, ahi zongin amaute pen a lehdo thei minam ahih uh manin pawlkhat in na thu hong ngai lo ding uh hi,” a hong ci hi.

JOB (Job) 32:18

Thu a gen dingin kha in kei hong sawl a, tu taktak ciangin ka kam ka ki-ipzo nawn het kei hi.

Sawltak 5:39

Ahi zongin Pasian kiang panin a hong pai thu ahihleh na zo zo ngei kei ding uh hi. Pasian tawh a kido na hi ding uh hi,” ci-in a gen hi.

Micah 3:8

Ahi zongin kei ahihleh, Israel mite tungah a mawhna uh a genkhia dingin Topa’ kha le a vang tawh ka kidim a, thutang gen ngamna ding lungsim ka nei hi.

Jeremiah 15:20

Hih mite tungah sumngo a kibawl khuakulhpi kong bangsak ding a, amaute in a hong sim uh hangin a hong zo kei ding uh hi. Bang hang hiam cih leh a hong honkhia ding le a hong suaktasak dingin nang ka hong ompih hi, Topa in ka hong ci hi.

Isaiah 54:17

Nangmah do nadingin a kibawl hiam peuhmah maavang lo ding a, thukhenna sungah na langah a pang mi khempeuh na nialgawpzo ding hi. Hih thu pen Topa’ nasemte’ gamhluah le keima kiang panin amaute’ dikna a kilahna ahi hi, Topa in ci hi,” a ci hi.

Sawltak 6:9

Ahi zongin mi pawlkhat in Stefen langpan’ uh hi. Tua mite pen mite in, “Sal Suakta Mite,” a cihte pawl uh hi a, Sairin khua le Alexandria khua panin a hong pai Jew mite ahi uh hi. Hih Jew mite, Silisia le Asia gam pan a hong pai Jew mite tawh kipawlin Stefen tawh thu kisel dingin hong kipan uh hi.

Sawltak 6:11

Tua ciangin amaute in mi cialin sumgolh pia uh a, “Moses le Pasian langpangin thu a genna ka za uh hi,” cisak uh hi.