Sawltak 5:42 - Tedim Bible

⁴² Nisimin biakinn sung le mite inn-ah thu hilh uh a, Jesuh, Khrih hi, cih Lungdamna Thu a gengen uh hi.

Tedim Bible Revision 2017

⁴² Nisimin biakinn sung le mite inn ah thu hilh uh a, Jesu, Khris hi, cih Lungdamna Thu a gengen uh hi.

Sawltak 5:42 Referans Kwoze

Sawltak 2:46

Nisimin biakinn-ah kikhawm uh a, a innte uhah an nekhawmin, lungdamna le kiniamkhiatna tawh a ne ciat uh hi.

Sawltak 20:20

Mihon lak ahi a, note’ inn sungah ahi zongin ka hong thuhilhna khempeuhah note’ phattuam nading a om khempeuh siit nei loin kong gen khin hi.

2 TIMOTI NIHNA 4:2

hunhoih hunsia cih khen tuan loin Pasian’ thu hilh ding na kin ngaihsut nading, lungduaina tawh mite’ lungsim zo-in, mite taii-in, hanthawnin na hilh nadingin thu a hong pia ka hi hi.

Sawltak 8:35

Filip zong a kam ka-in thugen ding kipan a, tua a Lai Siangtho simna mun a kipanin Jesuh thu ciang dong a gen hi.

Luka 21:37

Tua sungteng nisimin Jesuh in biakinn-ah thu hilh a, nitak ciangin paikhia-in Oliv Mual tungah a giak zel hi.

Sawltak 17:3

Khrih in sihna thuakin, sihna panin a thawhkik ding a kisam ahi hi, ci-in a laktel hi. Tu-a note kiangah kong pulak Khrih pen Lai Siangtho sunga kigen Khrih ahi hi, ci-in Paul in a gen hi.

Sawltak 9:20

Kikhopna innte-ah va pai-in, “Jesuh pen Pasian’ Tapa ahi hi,” ci-in thu hilh ding a kipan hi.

Sawltak 4:29

Tua ahih ciangin Topa aw, amaute in kote hong tawnnate thei inla, nangma nasem kote in lungsim han’ mahmahna tawh nangma thu ka gentheih nadingun hong huh in.

Galati 6:14

Ahi zongin keimah in ahihleh, singlamteh tungah i Topa Jesuh a sihna thu bek ka kisialhpih ding hi. Bang hang hiam cih leh singlamteh tungah ama sihna hangin kei a dingin leitung thute misi bang a, kei zong, leitung thu-ah misi mah ka bang hi.

1 KORIN MASA 2:2

Bang hang hiam cih leh note kiangah ka om laitakin singlamteh tungah Jesuh Khrih a sihna thu simloh thudang peuhmah ngaihsut loh dingin ka ngaihsutsa ahi hi.

Sawltak 17:18

Epikuras thu ngaihsutzia le Stoik thu ngaihsutzia a um mite pawlkhat, Paul tawh thu kinial uh a, “Hih mi kipilsak thu mawk gengen pa in bang gennuam ahi hiam?” cihsan uh a, pawlkhat in, “Minam dangte’ pasian thu a gen tawh kibang hi,” a ci uh hi. Paul in Jesuh thu le a thawhkikna thu hilh ahih manin hih bangin a gen uh ahi hi.

Sawltak 11:20

Ahi zongin Saipras gammi le Sairin khuami thu um mi pawlkhatte Antiok khua-ah pai uh a, Topa Jesuh hanga Lungdamna Thu, Gentail mite kiangah zong a gen uh hi.

Sawltak 8:5

Filip zong Samaria gam khuapi-ah pai-in Khrih thu a hilh hi.

Sawltak 4:20

Tua ahih manin kote in ka muhsa uh le ka zaksa uh thute gen loin ka om thei kei ding uh hi,” ci-in a dawng uh hi.

Luka 22:53

Nisimin biakinn-ah note tawh ka omkhawm a, bangmah nong cih kei uh hi. Ahi zongin hih hun pen nomau’ hun hi a, khuamial sung a uk Satan’ vangliat hunsung ahi hi,” a ci hi.

2 SAMUEL NIHNA 6:22

Hih sangin a simmawhhuai zaw-in ka kibawl lai ding a, nangma mit bekah a ginalo ka hi ding hi. Ahih hangin nangma gen numeite in keimah hong pahtawi ding uh hi,” a ci hi.

Sawltak 13:32

Kote pen note kiangah Lungdamna Thu a puak dingin hih lai-ah a hong om ka hi uh hi. Tua thu in: Pasian in i pu i pate tungah a ciam thu pen Jesuh a hinkik sakna tawh, Israel’ suan ahi eite le midang khempeuh a dingin tu-in a hong tungsak ahi hi. Late a lian nihna sungah, ‘Nang pen ka Tapa na hi a, tuni-in nangma Pa ka suak hi,’ a cihna thu hong tungsak hi.