Sawltak 5:40 - Tedim Bible

⁴⁰ Tua ahih manin uliante in Gamaliel’ thugen a mang uh hi. Sawltakte samkik sak uh a, a sat khit uh ciangin Jesuh’ min tawh thu a hilhkik ngei loh nadingun thu a pia uh hi. Tua khit ciangin sawltakte a khah uh hi.

Tedim Bible Revision 2017

⁴⁰ Tua ahih manin uliante in Gamalielʼ thugen a mang uh hi. Sawltakte samkiksak uh a, a sat khit uh ciangin Jesuʼ min tawh thu a hilhkik ngei loh nadingun thu a pia uh hi. Tua khit ciangin sawltakte a khah uh hi.

Sawltak 5:40 Referans Kwoze

Mattiu 10:17

Mi pawlkhatte in note hong manin zumah hong paipih ding uh a, amaute’ kikhopna inn sungah hong satgawp ding uh ahih manin hoihtakin kidawm un.

2 KORIN NIHNA 11:24

Jew mite’ khut sungah sawmthum le kua vei satna nga vei tak ka thuak hi.

Sawltak 5:28

“Hih mipa’ min tawh thu na hilh nawn loh nadingun khauhtakin thu kong pia uh hi. Tu-in na gamtatnasate uh thei un. Jerusalem khuasung khempeuhah thu na genthang uh a, ama sihna pen kote nong ngawh nuam uh hi,” a ci hi.

Marka 13:9

“Limtakin kidawm un. Note hong kimanin thukhen zumah hong kipaipih ding a, kikhopna inn sungah zong hong kisat ding hi. Ukpite le kumpite mai-ah keima thu gen nading hun na ngah ding uh hi.

Paunak 12:10

Midikte in a gannote hoihtakin don a, migilote in a gannote bawlsia hi.

Luka 20:10

Leenggah min hun a tun ciangin ama ngahzah tang ding a va la dingin lo khawhlawhte kiangah a nasemte khat a sawl hi. Ahi zongin lo khawhlawhte in amah na satgawp uh a, khut hawmguakin a ciahsak uh hi.

Mattiu 23:34

Note kiangah kamsangte, mipilte, le siate ka hong paisak ding hi. Note in pawlkhatte thatin, pawl khatte singlamteh tungah khai-in, pawlkhatte na kikhopna uh inn sungah na sat ding uh a, khua khat pan khua khatah a banbanin na bawlsia ding uh hi.

Micah 2:6

Amaute in kei kiangah, “Tua bang thu hong gen kei in. Tua bang thu gen dingin kilawm lo hi. Tua bangin Pasian in hong minsiasak lo ding hi,” hong ci uh hi.

Amos 2:12

Ahi zongin note in Nazir mite leenggahzu na dawnsak uh a, kamsangte in ka thu a gen lohna dingun thu na pia uh hi.

Isaiah 30:10

Amaute in thu mutheite tungah, “Mu kei un,” ci uh a, kamsangte tungah, “Kote’ tungah thuman hong gen kei un. Kote tungah thuzol bek hong gen unla, thutak ahi lote hong gen un.

Mattiu 20:19

Gentail mite in simmawh bawlin, satin, singlamteh tungah a khai dingin amaute khut sungah a pia ding uh hi. Ahi zongin a ni thum ni-in kihing kiksak ding hi,” ci-in a tuamin thu a hilh hi.