Sawltak 5:39 - Tedim Bible

³⁹ Ahi zongin Pasian kiang panin a hong pai thu ahihleh na zo zo ngei kei ding uh hi. Pasian tawh a kido na hi ding uh hi,” ci-in a gen hi.

Tedim Bible Revision 2017

³⁹ Ahi zongin Pasian kiang panin a hong pai thu ahihleh na zo zo ngei kei ding uh hi. Pasian tawh a kido na hi ding uh hi,” ci-in a gen hi.

Sawltak 5:39 Referans Kwoze

Paunak 21:30

Mihingte’ pilna, a thutheihna le a thugente khempeuh, Topa’ deihna tawh a kituah kei leh a kimanna om lo hi.

Isaiah 46:10

A kipat cil-in a tawpna ding thu ka pulak a, tanglai pek panin a piang nai lo nate genin, ‘Ka thugen kip ding a, ka ngimna khempeuh ka tungsak ding hi,’ ka ci hi.

Mattiu 16:18

Ke’n kong genin-ah: Nang pen suangneu a cihnopna Peter na hi hi. Hih suangpi tungah ka pawlpi ka lam ding a, sihna nangawn in zo zo ngei lo ding hi.

Sawltak 7:51

“Na lungsim uh khauh mahmah a, lawki lungsim paii-in, Pasian’ thu-ah bilngong na bang uh hi. I pu i pate mah bangin Kha Siangtho thu na mang nuam kei uh hi.

1 KORIN MASA 1:25

Bang hang hiam cih leh Pasian’ haina pen mite’ pilna sangin sangzaw lai a, Pasian’ thaneemna pen mite’ hatna sangin hatzaw lai hi.

Sawltak 11:17

Eite in Topa Jesuh Khrih i up ciangin eite tungah hong piak mah bangin Pasian in hih Gentail mite tungah zong a kibangin a piakna teltakin kithei ahih manin, hih Pasian’ nasepna a khaktanzo dingin kei kua ka hi hiam?” ci-in a gen hi.

Sawltak 9:5

Saul in, “Topa aw, kua na hi hiam?” ci-in a dot ciangin, “Nangmah in na hong bawlsiat Jesuh ka hi hi.

Sawltak 6:10

Ahi zongin Kha Siangtho in Stefen tungah pilna guan ahih manin amaute in thusel zo lo uh hi.

Luka 21:15

Bang hang hiam cih leh tua hun ciangin note’ gen ding thu le pilna kong guan ding a, na galte uh khat beek in note’ thugen hong nialzo loin, zong hong sel zo lo ding uh hi.

Daniel 4:35

Amah in leitung mite bangmahin a sim kei a, vantung mite le leitung mite ama khutnuai ahi hi. Ama deihna kuamah in nial thei lo a, a bawlnate kuamah in a hang a kan thei kei hi.

JOB (Job) 34:29

“Pasian in bangmah hih het kei taleh zong, kuamah in Pasian mawhsak thei lo ding hi. Amah in hong maingat hetkei taleh zong, kuamah in bangmah cihthei tuan lo ding hi.

Sawltak 23:9

Amau’ kitotna awging hupha semsem a, Farisi mite pawlsung a om Thukham hilh siate pawlkhat hong dingin nakpitakin hong pau uh a, “Hih mipa tungah khialhna themkhat zong om lo hi. Vantung mi ahi a, Pasian’ sawl khat peuhpeuh in ahi zongin ama tungah thu a gen hi khathei ding hi,” a ci uh hi.

Isaiah 43:13

“Kei pen Pasian ka hi a, a kipat cil a kipanin zong kei pen Amah ka hi hi. Keima khutsung panin a lakhiazo kuamah om lo hi. Keima sepnate, a kua in hong khaktanzo ding ahi hiam?” a ci hi.

Isaiah 45:9

Amah a Bawlpa tawh a kido mipa, beelseek pa tawh a kilehdo lei beel in gimna ngah ta hen! Tungman in amah a sek pa kiangah, “Nang in bang bawl na hi hiam, na na bawl in khutlet nei lo hi,” ci-in a thu sel ngam ahi hiam?

2 KUMPI NIHNATE 19:22

Kua zahko-in, a simmawh na hi hiam? Kua langpangin na aw sang sakin kihihsakna tawh gamta na hi hiam? Israel-te’ a Siangtho pa, a simmawh na hi hi.

1 KUMPI MASATE 12:24

‘Topa in hih bangin ci hi: Note na kuanto kei ding uh a, na beh uh ahi Israel-te na do kei ding uh hi. Mi khempeuh a inn ciat uhah ciah hen. Hih thu pen keima vaihawm ahi hi,’ ci hi,” a ci hi. Tua ahih ciangin amaute in Topa’ thu ngai uh a, Topa’ thugen bangin inn-ah a ciahkik uh hi.

2 SAMUEL NIHNA 5:2

A beisa hunte-ah, kote tungah Saul kumpi ahih laitakin Israel-te kuan khiatpihin a ciahpih pa pen nangmah na hi hi. Topa in nangma kiangah, ‘Nang pen keima mi Israel-te a cing pa hi-in, Israel-te tungah ulian na hi ding hi,’ hong ci hi,” a ci uh hi.

1 KORIN MASA 10:22

A nih tuakah kihelkhawm lehang Topa a heh nadingin a gamta ihi ding a, eite pen Topa sangin i hatzaw het kei hi.

Piancilna 24:50

Tua ciangin Laban le Bethuel in dawng a, “Hih thu pen Topa’ kiang panin hong pai thu ahi hi. A sia ahi zongin a pha ahi zongin nang tungah kong gen ding dang uh om lo hi.