Sawltak 5:32 - Tedim Bible

³² Hih thute thei-in teci a pangte pen ko sawltakte bek hi loin Kha Siangtho tawh zong ka hi uh a, tua Kha Siangtho pen amah a um mite tungah Pasian in a khongin a piak ahi hi,” ci-in a dawngkik uh hi.

Tedim Bible Revision 2017

³² Hih thute thei-in teci a pangte pen ko sawltakte bek hi loin Kha Siangtho tawh zong ka hi uh a, tua Kha Siangtho pen amah a um mite tungah Pasian in a khongin a piak ahi hi,” ci-in a dawngkik uh hi.

Sawltak 5:32 Referans Kwoze

Sawltak 1:8

Ahi zongin note tungah Kha Siangtho hong tun ciangin vangliatna tawh na kidim ding uh a, Jerusalem khuasung, Judea gam sung, Samaria gam sung, le leimong dongin note in keima thu na gen ding uh hi,” ci-in a dawng hi.

1 PETER MASA 1:12

Vantung panin a hong kisawl Kha Siangtho’ vangliatna tawh thu a gen thupuakte’ tung panin na zak uh Thute mah kamsangte in a gen laitakun, tua a thugente uh amaute a’ ding hi loin note a’ ding ahihna thu, Pasian in tua kamsangte tungah a na genzo hi. Vantung mite nangawn in hih thute a theihtelnop khat uh ahi hi.

Sawltak 13:31

Galilee gam le Jerusalem khua kikalah amah tawh khual a zinzin khawm ngei mite tungah tam veipi a mun tuamtuamah na kilang hi.

Sawltak 5:29

Ahi zongin Peter le sawltak dangte in, “Mite’ thu sangin Pasian’ thu ka mangzaw ding uh hi.

Sawltak 15:28

A kisam mahmah hih a nuai-a thute simloh, note tungah vangik dang suat ding pen Kha Siangtho le kote ka thukim kei uh hi.

Sawltak 2:4

Amaute khempeuh Kha Siangtho tawh kidim uh a, tua Kha in minam dangte’ pau tawh amaute a pau theisak hi.

Johan 7:39

Jesuh in hih bang a gen ciangin amah a umte in a ngah ding Kha Siangtho thu a genna hi a, tua hun laitakin Pasian’ pianzia nei-in sihna panin Jesuh kithokiksak nai lo ahih manin Kha Siangtho kipiakhia nai lo hi.

2 KORIN NIHNA 13:1

Tu-a ka hong pai nading pen a thumveina hita hi. Lai Siangtho sungah, “Mawhna a bawl khat peuhpeuh a thei mi nih le thum a om ciang bekin a mawh hi, ci-in kingaihsun pan ding hi,” ci-in a kigelh mah bangin tua bangin ka hong sem ding hi.

Sawltak 10:44

Tua bangin Peter in thu a hilh laitakin tua thuhilhna a ngai mite khempeuh tungah Kha Siangtho hong tungsuk hi.

Sawltak 2:32

Pasian in sihna panin hih Jesuh hingkiksak a, kote khempeuh pen hih thu a thei teci vive ka hi uh hi.

ROM (Romans) 8:16

Eite, Pasian’ tate ihihna thu eima lungsim bek in a gen hi loin Pasian’ Kha Siangtho in zong hong genpih hi.