Sawltak 5:30 - Tedim Bible

³⁰ Note in singlamteh tungah Jesuh khai-in na thah khit uh ciangin i pu i pate’ Pasian in sihna panin amah hingkiksak khinzo hi.

Tedim Bible Revision 2017

³⁰ Note in singlamteh tungah Jesu khai-in na thah khit uh ciangin i pu i pateʼ Pasian in sihna panin amah hingkiksak khinzo hi.

Sawltak 5:30 Referans Kwoze

Galati 3:13

Lai Siangtho in, “Sing tungah a kikhai mi peuhmah Pasian’ samsiat mi ahi hi,” na ci ahih manin eite a dingin Khrih in samsiatna a thuak manin Thukham zuihlahna hangin samsiatna panin eite a hong tankhia ahi hi.

1 PETER MASA 2:24

Eite, mawhna lamah misi bangin, thuman lamah nungta-in i gamtat theih nadingin Khrih mahmah in eite’ mawhna ama pumpi mahmah tawh singlamteh tungah a pua hi. Ama liamna hangin note in damna na ngah uh hi.

Sawltak 10:39

Amah in Jerusalem khua le Jew mite omna mundang khempeuhah a septe khempeuh a thei tecite ka hi uh hi. Jew mite in sing tungah amah khai-in a that uh hi.

Sawltak 22:14

Tua ciangin amah in, ‘I pu i pate’ Pasian in ama deihna a thei ding, a thuman a Nasempa a mu ding, le ama kam mahmah tawh a thugen a za dingin nang hong teel khinzo hi.

Sawltak 3:26

Eite khempeuh i gitlohna panin kikheelin thupha a hong piaktheih nadingin Pasian in a Nasem dingin Jesuh teelin, eite kiangah a hong sawl masa ahi hi,” ci-in thu a gen hi.

Sawltak 2:32

Pasian in sihna panin hih Jesuh hingkiksak a, kote khempeuh pen hih thu a thei teci vive ka hi uh hi.

Luka 1:72

I pu i pate a hehpih nading le ama thuciam siangtho hong mangngilh loh nading, amah in hong gen hi.

Luka 1:55

Abraham le a suanlekhak khempeuh tungah hehpihna a piak tawntung ding a phawk hi,” a ci hi.

Ezra 7:27

Tua ciangin Ezra in, “Jerusalem-a om Topa’ biakinn tua bangin a minthangsak thuah dingin kumpipa lungsimah suak a, kumpipa le a thu lamlakte le a uliante kei tungah a thunuam dingin a bawl i pu i pate’ Pasian ahi Topa in thupha ngah ta hen!” a ci hi. Tua hi a, Topa ka Pasian in kei hong ompihna thei ka hih manin ka lungsim hong hang a, kei hong zui dingin Israel makaite ka khawm hi.

1 KHANG TANGTHU MASATE 29:18

Ka pute uh Abraham, Isaac, le Israel Pasian, Topa aw, na mite’ lungsim sungah tua bang ngimnate le ngaihsutnate omsak tawntung inla, amaute’ lungsim nangma lamah kai in.

1 KHANG TANGTHU MASATE 12:17

Amaute a dawntuah dingin David paikhia-in amaute kiangah, “Kei kiangah kilawmtatna tawh keimah a huh dingin hong pai na hih uhleh note tawh ka lungsim kihual khawm ding hi. Ahih hangin keimah in bangmah khialhna nei lo napi-in ka langte tungah kei a hong lehhek dingin a hong pai na hih uhleh, i pu i pate’ Pasian in thei hen la, note hong tai ta hen,” a ci hi.