Sawltak 5:26 - Tedim Bible

²⁶ Tua ciangin biakinn ukpa le a mite va pai-in sawltakte hong paipih kik uh hi. Mihonte in suang tawh amaute a dengawp khak ding lau uh ahih manin sawltakte ngongbawl loin thudam tawh a paipih uh hi.

Tedim Bible Revision 2017

²⁶ Tua ciangin biakinn ukpa le a mite va pai-in sawltakte hong paipihkik uh hi. Mihonte in suang tawh amaute a den gawp khak ding lau uh ahih manin sawltakte ngongbawl loin thudam tawh a paipih uh hi.

Sawltak 5:26 Referans Kwoze

Sawltak 5:13

Midangte in thupi sa-in hoihsa mahmah uh a, ahi zongin amaute pawlpih taktak ngam lo uh hi.

Sawltak 4:21

Ahi zongin uliante in a khauhzaw-in thu a gen khit uh ciangin a khah uh hi. Hih thupiang hangin mi khempeuh in Pasian phat uh ahih manin hih mite gim a piak nading uh a thu mu thei lo uh hi.

Sawltak 5:24

Biakinn ukpa le siampi liante in hih thu a zak uh ciangin hih sawltakte a bangci thu hi ding hiam, ci-in lamdang a sa mahmah uh hi.

Luka 22:2

Siampi liante le Thukham hilh siate in mihonpite kihta uh ahih manin kuama theih lohin Jesuh a kithah theih nading lampi a zong uh hi.

Luka 20:19

Jesuh in hih thugentehna a gen pen amaute a cihnopna hi, ci-in Thukham hilh siate le siampi liante in thei uh ahih manin Jesuh manpah nuam uh hi; ahi zongin mihonte kihta uh ahih manin manpah ngam lo uh hi.

Luka 20:6

“Mihing tung panin a ngah hi,” ci leuleu lehang, Johan pen kamsang taktak hi, ci-in mi khempeuh in um uh ahih manin suang tawh hong denglum ding uh hi, a kici uh hi.

Mattiu 26:5

Amaute in, “Buaina lianpi hong omkha thei ding ahih manin hih pawi hun sungin hih kei ni,” a ci uh hi.

Mattiu 21:26

Ahi zongin, “Mihingte kiang pan hi,” ci leuleu lehang, mi khempeuh in Johan pen kamsang hi, ci-in ngaihsun uh ahih manin mihonte i kihta zel hi, kici uh hi.

Mattiu 14:5

Herod in Johan that nuam hi. Ahi zongin mite in kamsangin ngaihsun uh ahih manin mite a kihtakna hangin thatsak ngam lo hi.

Mattiu 26:58

Peter in siampi lianpen pa’ inntual ciang dong Jesuh’ nung galzuih a, bang thu a piang hiam cih a theih nadingin inntualah palikte kiangah a om hi.

Luka 22:4

Tua ahih manin Judas va paikhia a, siampi liante le biakinncing palikmangte tawh va kiho uh a, amaute’ khut sungah Jesuh a piaktheihna dingzia a kikum uh hi.

Sawltak 5:22

Ahi zongin thongah palikte a va tun uh ciangin sawltakte na om lo hi. Tua ahih manin uliante kiangah kileh kikin,

Sawltak 5:25

Tua laitakin mi khat hong pai-in amaute kiangah, “Thong sungah na khum uh mite in tu mahmahin biakinn sungah thuhilhin om uh hi,” ci-in a hong gen hi.