Sawltak 5:17 - Tedim Bible

¹⁷ Tua ciangin siampi lianpen pa le amah tawh a kipawl tua lai-a Saddusi mite in sawltakte haza-in thangpai uh ahih manin thu bawl ding a ngaihsun uh hi.

Tedim Bible Revision 2017

¹⁷ Tua ciangin siampi lianpen pa le amah tawh a kipawl tua lai-a Saddusi mite in sawltakte haza-in thangpai uh ahih manin thu bawl ding a ngaihsun uh hi.

Sawltak 5:17 Referans Kwoze

Sawltak 13:45

Jew mite in mi tampi tak a hong kikhawm a muh uh ciangin Paul le Barnabas haza uh ahih manin Paul’ thugente a man lopi hi, ci-in Paul a gensia uh hi.

Sawltak 17:5

Tua bangin mi tampi in Paul’ thugen a up uh ciangin Jew mite thangpai uh a, kongzing lakah a vakvai migilo honkhat kaikhawmin a pawlmat uh hi. Khuasung khempeuh buaisak henhanin, mihonte lakah Paul le Silas a kaihkhiat theih nadingun Jason’ inn a va simgawp uh hi.

Sawltak 7:9

“I pupi dangte in Josef na haza uh a, mi tungah na zuakin, a leite in Egypt gamah sal dingin a na zuaksawn uh hi. Ahi zongin Pasian in i pupi Josef na huh a,

1 PETER MASA 2:1

Tua ahih manin gitlohna, zuauna, kineihkhemna, huaihamna, le kigensiatnate na omsak nawn kei un.

Johan 12:10

Lazaras’ hangin Jew mi tampite in amau’ makaite taisanin Jesuh um uh ahih manin siampi liante in Lazaras zong thah a sawm uh hi.

Mattiu 27:18

Bang hang hiam cih leh Jesuh a hazat man bekun ama kiangah a paipih ahihna thu teltakin a thei hi.

Thuhilh-sia 4:4

Mi khatlekhat, hauhnop mana kidemna hangin nakpi taka na kisem ahihna ka mu hi. Hih zong a mawknapi hi a, huihpi nungdelh mah tawh kibang bek hi.

Paunak 27:4

Hehna le sinsona siahuai a, ahi zongin hazatna siahuaizaw lai hi.

Paunak 14:30

Lungnopna in pumpi cidamsak a, hazatna pen guh a muatsak natna ahi hi.

JOB (Job) 5:2

Mihai pa in a hehna sihlawh a, muhdahna in sihna piangsak hi.

Jeim 4:5

Lai Siangtho sungah, “Eite sungah a hong guat kha pen Pasian in ngai mahmah hi,” ci-in a kigelhna a mawkna-in a kigelh sa na hi uh hiam?

Galati 5:21

enna, zukhamna le biakna pawi-ah zukhamna a kipan adangdangte ahi hi. A beisa hunah ka hong hilhkholhsa bangin tu-in ka hong genkikin-ah: Hih bangin a gamta mite pen Pasian’ Ukna sungah omkha het lo ding hi.

Sawltak 15:5

Ahi zongin Farisi mite sung panin thu um mi pawlkhat in, “Amaute in Moses Thukham zui-in, a vun uh a ki-at nading uh gen ding kisam hi,” a ci uh hi.

Sawltak 4:26

Topa le ama Khrih a do dingin leitung kumpite kithawi uh a, gam ukte kikaikhawm uh hi,’ ci hi.

Sawltak 4:6

Siampi lianpen a semngei Annas, siampi lianpen a sem Kaiafas, Johan, Alexander, le siampi lianpente beh mi khempeuh tawh kikhopna khat a bawl uh hi.

Johan 12:19

Tua ciangin Farisi mite khatlekhat kiho uh a, “Bangmah i cihzo het kei hi. En un, mi khempeuh in amah a zui khinta uh ahi hi,” a kici uh hi.

Mattiu 3:7

Ahi zongin Farisi mite le Saddusi mite tampi tak tui a kiphum dingin a hong pai a muh ciangin Johan in amaute kiangah, “Gul bangin ngian a zang note aw, a hong tung ding Pasian’ hehna panin na suahtak theih nading uh kua in hong hilhkhol ahi hiam?

Sawltak 5:16

Jerusalem khua kiima om khuapite panin mite hong pai-in, cinate le dawivei mite hong paipih uh a, a vekpi-in damna a ngah uh hi.