Sawltak 5:13 - Tedim Bible

¹³ Midangte in thupi sa-in hoihsa mahmah uh a, ahi zongin amaute pawlpih taktak ngam lo uh hi.

Tedim Bible Revision 2017

¹³ Midangte in thupi sa-in hoih sa mahmah uh a, ahi zongin amaute pawlpih taktak ngam lo uh hi.

Sawltak 5:13 Referans Kwoze

Sawltak 2:47

Pasian phat uh a, khatlekhat thupha kideihsakin a om uh hi. Pasian in nisimin hotkhiatna a ngah mi kibehlapsak tawntung hi.

Sawltak 4:21

Ahi zongin uliante in a khauhzaw-in thu a gen khit uh ciangin a khah uh hi. Hih thupiang hangin mi khempeuh in Pasian phat uh ahih manin hih mite gim a piak nading uh a thu mu thei lo uh hi.

Sawltak 19:17

Efesa khua-a om Jew mi le Gentail mi khempeuh in hih thu za-in lau mahmah uh a, Topa Jesuh’ min nakpitakin a kiphat semsem hi.

Sawltak 5:5

Ananias in hih thu a zak phetin thakhatin si-in puksukpah a, hih thu a za mi khempeuh a lau mahmah uh hi.

Johan 19:38

Tua ciangin Arimathea khuami Josef in Jesuh’ luang a lakkhiat theih nadingin Pilat kiangah va pai-in a ngen hi. (Josef i cih pen Jesuh’ nung a zui khat hi a, ahi zongin Jerusalem khua-a Jew uliante a kihtakna hangin a simzuih khat ahi hi.) Josef in Jesuh’ luang a lakkhiat theih nadingin thu ngah ahih manin va pai-in Jesuh’ luang a lakhia hi.

Johan 12:42

Tua bang hitaseleh Jew mi ulian tampi in Jesuh a um uh hi. Ahi zongin Farisi mite in kikhopna inn panin a hawlkhiat ding lau uh ahih manin a kilangin genkhia ngam lo uh hi.

Johan 9:22

Jesuh pen Khrih hi, ci-in a gen peuhpeuh, kikhopna inn panin hawlkhia ni, ci-in Jew mi uliante in thukimna neikhin uh ahih manin, Jew mi uliante a kihtakna uh hangin a nu le a pate in hih bangin a gen uh ahi hi.

Luka 19:48

ahi zongin mi khempeuh in a thugente mal khat zong khahsuah nuam loin a thu ngai tawntung uh ahih manin a suktheih nading uh a hun om thei lo hi.

Isaiah 33:14

Zion-a a om mawhnei mite lau uh a, Pasian’ thu a ngaihsun lo mite lau-in lingcip uh hi. Amaute in, “Pasian’ thukhenna pen a kuang tawntung mei tawh kibang hi. Tua bang meikuang kua in thuakzo ding ahi hiam?” ci uh hi.

1 KUMPI MASATE 17:18

Tua ciangin amah in Elijah kiangah, “Pasian’ mipa aw, kei’ langkhatah bang thu nei na hi hiam? Ka khialhna a pholak ding ka tapa’ sihna a piangsak dingin kei kiangah nong pai hi,” a ci hi.

Sawltak 5:26

Tua ciangin biakinn ukpa le a mite va pai-in sawltakte hong paipih kik uh hi. Mihonte in suang tawh amaute a dengawp khak ding lau uh ahih manin sawltakte ngongbawl loin thudam tawh a paipih uh hi.

2 KORIN NIHNA 10:15

Tua ahih manin Pasian in kote a dingin a hong sehsaksa khengvalin midangte’ nasepna-ah a kisial ka hi kei uh a, Pasian’ hong piak kote’ huam sungah note’ upna khangin note lakah ka nasepna uh a tangzaizaw a suah nading a lamen ka hi uh hi.