Sawltak 5:11 - Tedim Bible

¹¹ Pawlpi mi khempeuh le hih thu a za mi khempeuhte nakpitakin a lau uh hi.

Tedim Bible Revision 2017

¹¹ Pawlpi mi khempeuh le hih thu a za mi khempeuhte nakpi takin a lau uh hi.

Sawltak 5:11 Referans Kwoze

Sawltak 5:5

Ananias in hih thu a zak phetin thakhatin si-in puksukpah a, hih thu a za mi khempeuh a lau mahmah uh hi.

Hebru 4:1

Ahi zongin tu-in eite va pai-in amah tawh i tawlngak khawm theih nadingin Pasian in thuciam hong nusiat khin ahih manin tua tawlngakna munah a lutlah na suahkhak loh nadingun lau-in kidawm ni.

Sawltak 19:17

Efesa khua-a om Jew mi le Gentail mi khempeuh in hih thu za-in lau mahmah uh a, Topa Jesuh’ min nakpitakin a kiphat semsem hi.

Filippi 2:12

Tua ahih ciangin ka hong it sanggamte aw, note tawh ka hong omkhawm lai-in ka thu na hong man’ tawntung uh mah bangin, tu-in note tawh ka hong omkhawm loh hun ciangin zong ka thu na hong man’ ding uh thupizaw lai hi. Pasian kihtakna le zahtakna tawh na maa uh nawt unla, amah in note hong hotkhiatna thu a cingtaak suaksak un.

Hebru 12:15

Pasian’ hehpihna a ngahlah na hihkhak loh nadingun na kidawm un. Zungkha a nei singkung hong khangin mi tampi gimsakin a siatsak bangin mite a siasak na hihkhak loh nadingun na kidawm un.

Hebru 12:28

Tua ahih manin a kilingsak zo lo Pasian’ gam i ngah manin lungdamin, zahtakna le lamdangsakna tawh Pasian’ lungkimna bangin amah bia ni.

Jeremiah 32:40

Amaute tungah a tawntungin hoihna ka bawl den nadingin amaute tawh tawntung thuciamna khat ka bawl ding hi. Kei kiang panin a kiheikhiat loh nadingun amaute sungah kei hong zahtakna ding uh lungsim ka guan ding hi.

Mangmuhna 15:4

Topa aw, nang, kua in hong kihta lo ding a, na liatna hong phat lo ding ahi hiam? Nang bek na siangtho hi. Thumanin na sepnate mi khempeuh in mu uh ahih manin minam khempeuh nang kiangah hong pai-in, na mai-ah hong bia ding uh hi,” a ci uh hi.

1 PETER MASA 1:17

Mi khempeuh amau gamtatna tawh kizui-in a kibang kimin thu a khen Pasian kiangah thu na nget uh ciangin, “Pa aw,” ci na hih manun hih leitungah na om laiteng uh amah zahtakin om un.

Hebru 11:7

Noah in zong a upna hang mah tawh mailam a thupiang ding a muh theih lohpi mahin Pasian’ thugenna na mang a, teembaw khat bawlin a innkuanpihte tawh na suakta hi. Hih bangin a gamtatna tawh leitung midangte a mawh ahihna kilangsak a, a upna hangin mihoih hihna thu Pasian kiang panin a ngah hi.

Sawltak 2:43

Sawltakte in lim le nalamdang tampi bawl uh a, mi khempeuh in lamdang sa mahmah uh hi.

Sawltak 9:31

Tua ahih manin Judea gam, Galilee gam, le Samaria gam sunga om pawlpite in bawlsiatna thuak nawn loin nuamtakin om uh a, Topa zahtakna tawh gamta uh ahih manin Kha Siangtho huhna tawh a mi khangin a kibehlap uh hi.