Sawltak 4:29 - Tedim Bible

²⁹ Tua ahih ciangin Topa aw, amaute in kote hong tawnnate thei inla, nangma nasem kote in lungsim han’ mahmahna tawh nangma thu ka gentheih nadingun hong huh in.

Tedim Bible Revision 2017

²⁹ Tua ahih ciangin Topa aw, amaute in kote hong tawnnate thei inla, nangma nasem kote in lungsim han mahmahna tawh nangma thu ka gen theih nadingun hong huh in.

Sawltak 4:29 Referans Kwoze

Sawltak 4:13

Uliante in Peter le Johan a han’ mahmahna thu le amaute pilna sang a nei lo mi mawkmawk ahihna thu a theih uh ciangin lamdang a sa mahmah uh hi. Tua ciangin Jesuh tawh a kikhawl khin ngeite ahihna uh a phawk uh hi.

Sawltak 14:3

Tua lai-ah sawltakte sauveipi tam uh a, Topa Jesuh thu hangtakin a hilh uh hi. Ama dikna thu a hilhnate uh man hi, ci-in a lah nadingin Topa in amaute tungah lim le nalamdang bawltheih nading vangliatna a pia hi.

Filippi 1:14

Tua banah keima thongkiatna hangin hih lai-a om Khristiante a tamzaw in Topa muanna-in nei uh a, lau hetloin Pasian’ thu gen ngamna-in neizaw uh hi.

Sawltak 4:31

Tua bangin thu a nget khit uh ciangin amaute’ kikhopna mun hong kilinggawp hi. Amaute khempeuh Kha Siangtho tawh kidim uh a, hang takin Pasian’ thu gen ding a kipan uh hi.

2 TIMOTI NIHNA 4:17

Ahi zongin Topa in kei hong ompih a, Gentail mi khempeuh tungah Pasian’ thu a kicingin ka gentheih nadingin thahatna a hong pia hi. Tua ahih manin sih nading thukhenna pan hong suaktasak hi.

Sawltak 28:31

Amah in Pasian’ Ukna thu le Topa Jesuh Khrih’ thu, hangtakin a ututin genin a hilh hi.

Sawltak 19:8

Tua ciangin Paul in kikhopna inn sungah hangtakin kha thum sung thu hilh a, mite in Pasian’ Ukna thu a upzawh nadingun nakpitakin a gen hi.

Sawltak 13:46

Tua ciangin Paul le Barnabas in hangtakin thu gen uh a, “No Jew mite tungah Pasian’ thu kong gen masak ding mah uh ahi hi. Ahi zongin note in Pasian’ thu nialin, nuntak tawntungna a ngah dingin kilawmzo kisa lo na hih manun, note kiang panin paikhia-in Gentail mite kiangah ka pai ding uh hi.

Sawltak 9:27

Tua ciangin Barnabas in Saul hong huh a, sawltakte kiangah Saul a va paipih hi. Lam a pai laitakin Saul in Topa a muhna thu, Topa in Saul kiangah a thugennate, le Damaskas khua-ah Saul in hangtakin Jesuh’ min tawh thu a hilhnate khempeuh sawltakte kiangah a gensak hi.

1 THESALONIKA MASA 2:2

Note in na theihsa uh mah bangin Thesalonika khua ka hong tun ma-un Filippi khua-ah simmawh bawlna le maizumna ka thuak uh hi. Tua bangin nakpitakin hong kilangbawlna hangin Pasian kiang panin a hong pai Lungdamna Thu note kiangah gen ngam nadingin i Pasian in kote sungah lungsim hanna a hong guan hi.

Sawltak 4:21

Ahi zongin uliante in a khauhzaw-in thu a gen khit uh ciangin a khah uh hi. Hih thupiang hangin mi khempeuh in Pasian phat uh ahih manin hih mite gim a piak nading uh a thu mu thei lo uh hi.

Daniel 9:18

Pasian aw, kong thungetnate uh hong ngai inla hong za in. Hong en inla, kote’ siatna le na min a pua khuapi a siatna hong mu in. Kote’ gamtatna pha a suang hi loin nangma migitna suangin thu ka hong ngen uh hi.

Ezekiel 2:6

“Ahi zongin mihing ahi Ezekiel aw, amaute ahi a, a thugente uh ahi zongin na kihta kei ding hi. Amaute in nang ling hong kaihnelh ding uh a, momai lak a om na bang ding hi. Tua bang hitaseleh, hih a lehdo thei mite’ maipuak zia le amaute’ kampaunate hangin lau tuan kei in.

Sawltak 26:26

“Kumpi Agrippa aw, hih thu khempeuh na theihsa ahih manin nangma mai-ah hangtakin thu ka gen ngam hi. Hih thu pen kuama theih lohna munsimtham a thupiang hi lo ahih manin, a vekpi-in theikhin dingin ka hong um hi.

Micah 3:8

Ahi zongin kei ahihleh, Israel mite tungah a mawhna uh a genkhia dingin Topa’ kha le a vang tawh ka kidim a, thutang gen ngamna ding lungsim ka nei hi.

Kah la 5:1

Topa aw, kote tunga thupiangte hong phawk in. Hong en inla, ka maizumna uh hong mu in.

Kah la 3:50

vantung panin Topa in hong ensukin a hong muh ciangin,

Isaiah 63:15

A siangtho, a minthang, nangma omna vantung panin hong ensuk inla hong mu in. Nangma deihsakna le na vangliatna koi-ah omta ahi hiam? Na lungsim’ deihna le nangma hehpihna kote a dingin maimangta hi.

Isaiah 58:1

Na aw siit hetloin nakpitakin kiko inla, peengkul aw bangin gingsak in. Ka mihingte tungah amau’ khialhnate gen inla, Jakob innkuan tungah amau’ mawhnate gen in.

Sawltak 9:28

Tua ahih manin Saul zong sawltakte tawh kikhawl a, Jerusalem khua sungah vak kawikawi-in, Topa’ min tawh hangtakin thu a hilh hi.

2 KORIN NIHNA 3:12

Hih bang lametna nei ka hih manun hangtakin a om ka hi uh hi.

1 KORIN MASA 14:13

Tua ahih manin pau lamdang a paute in, amau paute a khiatna a gen theih nading uh siamna a neih nadingun thu ngen ta uh hen.