Sawltak 4:26 - Tedim Bible

²⁶ Topa le ama Khrih a do dingin leitung kumpite kithawi uh a, gam ukte kikaikhawm uh hi,’ ci hi.

Tedim Bible Revision 2017

²⁶ Topa le ama Khris a do dingin leitung kumpite kithawi uh a, gam ukte kikaikhawm uh hi,’ ci hi.

Sawltak 4:26 Referans Kwoze

Late 2:2

Leitung kumpite le gam ukte in Topa le ama sathau nilh pa langpangin vaihawm uh a,

Daniel 9:24

“Na mite le khuapi siangtho, a mawhna le a gamtat khialhnate a beina ding hun kum sawmsagih mun sagih sung a kisehzo hi. Tua ciangin mawhna kimaisak ding a, a tawntung thutang thu a hong tung ding hi. Genkholhna le maangmuhna thu a mantakin hong tangtung ding a, a Siangtho Pen Mun biakinnpi kisiansuah ding hi.

Sawltak 10:38

Nazareth khuami Jesuh tungah Pasian in Kha Siangtho le vangliatna pia a, Pasian in a ompihna hangin tua Jesuh in a paina khempeuhah na hoih semin, Dawimangpa in a gimsak mite khempeuh a damsakna thu zong na thei uh hi.

Hebru 1:9

Thuman na deih a, khialhna na mudah hi. Tua ahih manin nangma Pasian in nangmah hong teelin, na lawmte tungah a piak sangin a lianzaw, a lungdamhuai pahtawina nang hong pia hi,” a ci hi.

Luka 4:18

“Gimna a thuak mite tungah Lungdamna Thu a hilh dingin Topa in kei hong sehkhin ahih manin keima sungah Topa’ kha hong om hi. Salin a kimante tungah suahtakna thu a gen ding, mittawte in khua a muhkik theih nading, a kinengniamte a suaktasak ding le

Mangmuhna 17:17

Bang hang hiam cih leh Pasian in ama thugente a tuntheih nadingin ama deihna bangin amaute in a sepnop nading uh lungsim guan a, lungsim kikhatin ganhing tungah amau’ ukna aana a piasak hi.

Mangmuhna 12:10

Tua ciangin vantungah nakpitakin awging khat ka za a, “Tu-in Pasian in hong honkhia khinta a, kumpi vangliatna a neihna hong lakkhia khinta a, ama Khrih in aana a neihna thu lakkhia khinta hi. Bang hang hiam cih leh a sun a zanin eite’ Pasian’ mai-ah dingin i sanggamte mawhsakna a gen tawntungpa, tu-in vantung panin kilawnkhia khinta hi.

Mangmuhna 11:15

Tua ciangin a sagihna vantungmi in a peengkul hong tum a, vantungah nakpitakin aw hong ging a, “Leitung uk nading aana neihna pen i Topa Khrih a’ hong suakkhin a, amah in a tawntungin uk paisuak ding hi,” hong ci hi.

Late 2:1

Bang thu hangin minam dangte siatna dingah kithukhat sim uh a, mite in a mawkna dingpi-in sawmsim uh ahi hiam?

Isaiah 7:7

Ahi zongin Topa Pasian in hih bangin ci hi: ‘Tua thu pen kip lo ding a, hong tung lo ding hi.