Sawltak 4:24 - Tedim Bible

²⁴ A lawmte un hih thu a zak uh ciangin a vekpi-un lungsim kikhatin Pasian’ kiangah thu ngen uh a, “Van le lei, tuipi tuineu le a sunga om khempeuh a piangsak Topa aw,

Tedim Bible Revision 2017

²⁴ A lawmte un hih thu a zak uh ciangin a vekpi-un lungsim kikhatin Pasianʼ kiangah thu ngen uh a, “Vanlelei, tuipi tuineu le a sunga om khempeuh a piangsak Topa aw,

Sawltak 4:24 Referans Kwoze

Paikhiatna 20:11

Bang hang hiam cih leh a ni guk sung tengin Topa in van le lei, tuipi le tuate sunga om khempeuh bawl a, a ni sagih ni tawlnga hi. Tua ahih ciangin Topa in Sabbath ni thupha pia-in siangthosak hi.

Jeremiah 32:17

‘Topa Pasian! Nangma vangpi le na khut tawh vantung le leitung na bawl khinzo hi. Nang a dingin a haksalua khat beek om lo hi.

Nehemiah 9:6

Nang bek Topa na hi hi. Nangmah in a sang pen vantung le vana om khempeuh, leitung le a tunga om khempeuh, le tuipi le a sunga om khempeuh na bawl hi. Nangmah in tuate khempeuh na omsak a, vantung mihonpi in nang hong bia uh hi.

2 KUMPI NIHNATE 19:15

Tua ciangin Hezekiah in Topa’ mai-ah thu ngenin, “Topa, Israel Pasian, kherub tungah a tupa aw, leitung kumpi gam khempeuh lakah nangmah, nangmah bek Pasian na hi a, nangmah in vantung le leitung na bawl hi.

Jeremiah 20:13

Topa’ tungah la sa unla, Topa phat un! Migilote’ khutsung panin amah in mi cimawhte a honkhia hi.

Isaiah 51:12

Topa in, “Kei, keimah pen note hong hehnem pa ka hi hi. Lopa sangin sauvei a nungta zaw tuan lo, mihing lellelte, bang hangin kihta na hi uh hiam?

2 KUMPI NIHNATE 19:19

Tua ahih ciangin tu-in, Topa kote’ Pasian aw, leitung kumpi gam khempeuh in nang, nang bek Pasian na hihna a theih nadingun ama khutsung panin kote hong honkhia in, kong thum hi, Topa aw,” a ci hi.

Sawltak 16:25

Zankim laitakin Paul le Silas in Pasian kiangah thu ngenin la sa uh a, thongkia dangte in amau’ thungetna le lasaknate a ngai uh hi.

Sawltak 4:23

Peter le Johan a kikhahkhiat khit phetin a lawmte uh kiangah pai-in siampi liante le upate in amaute tungah a thugente khempeuh a zasak uh hi.

Sawltak 14:15

“Lawmte aw, bang hangin hih bangin gamta na hi uh hiam? Kote pen note mah bangin mihing ka hi lel uh hi. Bangmahin a kimang lo hih milimte na biakna uh panin kihei-in, vantung, leitung, tuipi le tuate tung le a sunga om khempeuh a bawl a nungta Pasian na biak nadingun Lungdamna Thu note kiangah a gen dingin hih lai-ah a hong om ka hi uh hi.