Sawltak 4:2 - Tedim Bible

² Hih sawltak nihte in misite thokik ding hi, cih a lahtel nadingun sihna panin Jesuh thokik hi, ci-in mite kiangah thu hilh uh ahih manin nawngkai a sa uh hi.

Tedim Bible Revision 2017

² Hih sawltak nihte in misite thokik ding hi, cih a lahtel nadingun sihna panin Jesu thokik hi, ci-in mite kiangah thu hilh uh ahih manin nawngkai a sa uh hi.

Sawltak 4:2 Referans Kwoze

Sawltak 17:18

Epikuras thu ngaihsutzia le Stoik thu ngaihsutzia a um mite pawlkhat, Paul tawh thu kinial uh a, “Hih mi kipilsak thu mawk gengen pa in bang gennuam ahi hiam?” cihsan uh a, pawlkhat in, “Minam dangte’ pasian thu a gen tawh kibang hi,” a ci uh hi. Paul in Jesuh thu le a thawhkikna thu hilh ahih manin hih bangin a gen uh ahi hi.

ROM (Romans) 8:11

Sihna panin Jesuh a thokiksak Pasian’ Kha Siangtho note sungah hong om leh sihna panin Khrih a hingkik sakpa mah in note sungah a om ama Kha Siangtho mah tawh a sithei pumpi a hong nungtasak ding hi.

Sawltak 13:45

Jew mite in mi tampi tak a hong kikhawm a muh uh ciangin Paul le Barnabas haza uh ahih manin Paul’ thugente a man lopi hi, ci-in Paul a gensia uh hi.

1 KORIN MASA 15:23

Ahi zongin tua hinkikna pen ama hun tawh kizui-in a banbanin hi ding hi. A masa penin Khrih hi a, Khrih hong paikik ciangin ama pawlte khempeuh hingkik ding hi.

Sawltak 26:23

Tua thu in: Khrih pen sihna thuakin a hingkik masa pa hi ding a, Jew mite le Gentail mite tungah hotkhiatna khuavak thu a hong gen pa hi ding hi, cihna thu ahi hi,” a ci hi.

Sawltak 26:8

Bang hangin no Jew mite in Pasian in misite a thawhkik sakna thu um thei lo na hi uh hiam?

Sawltak 24:21

Amaute’ mai-ah, ‘Mi site hingkik ding hi, ci-in ka upna hangin kei tungah thu nong khen uh hi,’ ci-in ka gen simloh amaute’ heh nading bangmah om lo hi,” ci-in thu a gen hi.

Sawltak 19:23

Tua hun laitakin Topa’ thu hangin Efesa khua-ah buaina lianpi khat a hong piang hi.

Sawltak 5:17

Tua ciangin siampi lianpen pa le amah tawh a kipawl tua lai-a Saddusi mite in sawltakte haza-in thangpai uh ahih manin thu bawl ding a ngaihsun uh hi.

Sawltak 3:15

Tua ahih ciangin mite tungah nuntakna a piapa na that uh a, ahi zongin sihna panin Pasian in amah hingkiksak hi. Ko tegel pen hih thu a thei teci ka hi uh hi.

Nehemiah 2:10

Ahi zongin Israel mite’ phattuamna ding a sem dingin mi khat a paina thu Horonaim khuami Sanballat le Ammon mi sal ahi Tobiah in a zak uh ciangin nakpitakin lungkim lo uh hi.