Sawltak 4:12 - Tedim Bible

¹² Ama hang bek tawh hotkhiatna kingah thei ding hi. Bang hang hiam cih leh eite in hotkhiatna i ngahtheih nadingin leitung khempeuhah Pasian in hong piak min dang khat zong om lo hi,” ci-in a gen hi.

Tedim Bible Revision 2017

¹² Ama hang bek tawh hotkhiatna kingah thei ding hi. Bang hang hiam cih leh eite in hotkhiatna i ngah theih nadingin leitung khempeuh ah Pasian in hong piak min dang khat zong om lo hi,” ci-in a gen hi.

Sawltak 4:12 Referans Kwoze

Johan 14:6

Jesuh in ama kiangah, “Keimah in Lampi ka hi a, Thuman, le Nuntakna zong ka hi hi. Kei hong suang loin Pa kiangah kuamah tung thei lo ding hi.

1 KORIN MASA 3:11

Keima phuhsa khuam thupiteng ahi Jesuh Khrih cih simloh kuamah dang in khuam thupi dang phutthei nawn lo ding hi.

Johan 3:36

Tua ahih manin Tapa a um mi peuhmah nungta tawntung ding a, Tapa’ thu a mang lote in nuntak mu lo ding a, amaute tungah Pasian heh tawntung ding hi,” a ci hi.

Luka 24:47

Jerusalem khua a kipan minam khempeuh tungah a mawhna uh kisikin a kimaisak nading thu, ama min tawh kihilh ding hi, ci-in kigelh hi.

Mattiu 1:21

Amah in tapa khat hong nei ding a, tua tapa in ama mite a mawhna uh panin honkhia ding ahih manin ama min dingin Jesuh na phuak ding hi,” ci-in thu a gen hi.

Hebru 2:3

Tua ahih manin a thupi mahmah hih hotkhiatna thudon loin i om leh suahtakna om thei ngei lo ding hi. A masa-in Topa mahmah in hotkhiatna thu hong pulak a, tua thu a za mite in thuman ahihna thu eite tungah hong gen leuleu uh hi.

Mangmuhna 20:15

A nungta mite a kigelhna laibu sungah a min a om lo peuhmah meiphualpi sungah kilawn hi.

Late 45:17

Keimah in khang tawntungin na min ka kiphawksak ding hi. Tua ahih ciangin mite in nang hong phat den ding uh hi.

Hebru 12:25

Tua ahih manin note tungah thu a hong gen pa’ thugen na ngaih loh khak ding uh kidawm un. Hih leitungah thu a gen pa’ thu a ngai lote suakta lo ahih manin vantung panin thu a hong gen pa’ thugen ngai kei lehang i suakta kei zaw kan lai ding hi.

Kolose 1:23

Ahi zongin note in lungdamna thu na zak cil lai-un na neih uh lametna panin ling hetloin, bulkip nei-in citakin na om paisuak ding uh ahi hi. Tua lungdamna thu mah keimah Paul in hilhin ka sepbel hi a, leitung mun khempeuhah a kihilh lungdamna thu mah ahi hi.

JOB (Job) 41:11

Leitung a om mihingte lakah Awle a suk manin a sihlawh lo kua om ahi hiam?

Sawltak 2:5

Tua laitakin biakna pawi siim dingin gam tuamtuam panin a hong pai Jew mi biakna hahkat mi tampi tak, Jerusalem khua sungah a om uh hi.

Piancilna 7:19

Leitungah tui khangkhang ahih manin mual lian a sangte khempeuh tuumcip hi.

Sawltak 13:26

“Abraham’ suan ka behte le Pasian a bia Gentail mi khempeuh aw, hih hotkhiatna thu pen eite a dingin Pasian in a hong puak ahi hi.