Sawltak 3:6 - Tedim Bible

⁶ Peter in ama kiangah, “Sum ka nei peuhmah kei hi; ahi zongin ka neih kong pia ding hi. Nazareth khuami Jesuh Khrih min tawh, dingin lam na pai nadingin thu ka hong pia hi,” a cih khit ciangin,

Tedim Bible Revision 2017

⁶ Peter in ama kiangah, “Sum ka nei peuhmah kei hi; ahi zongin ka neih kong pia ding hi. Nazareth khuami Jesu Khris min tawh, dingin lam na pai nadingin thu kong pia hi,” a cih khit ciangin,

Sawltak 3:6 Referans Kwoze

Sawltak 3:16

Hih Jesuh min’ vangliatna in hih khebai mipa tungah thahatna a pia ahi hi. Note khempeuh in na theih uh mah bangin hih mipa bangzah takin khebai ahih hangin Jesuh upna le ama min hangin hih mipa in dam sianthona a ngah ahi hi.

Sawltak 10:38

Nazareth khuami Jesuh tungah Pasian in Kha Siangtho le vangliatna pia a, Pasian in a ompihna hangin tua Jesuh in a paina khempeuhah na hoih semin, Dawimangpa in a gimsak mite khempeuh a damsakna thu zong na thei uh hi.

Sawltak 4:10

note in singlamteh tungah na thah uh, Pasian in sihna panin a thawhkiksak Nazareth khuami Jesuh Khrih min vangliatna tawh hih mipa a ci damin hih lai-ah ding ahihna thu, note le Israel mi khempeuh in na theih dingun a kilawm thu khat ahi hi.

Sawltak 9:34

Peter in tua pa kiangah, “Aineas aw, Jesuh Khrih in nang hong damsak hi; tho-in na lupna zial in,” a ci hi. Amah zong thakhatin thoto pah hi.

2 KORIN NIHNA 8:9

Bang hang hiam cih leh i Topa Jesuh zong hau mahmah napi-in ama zawnna tawh note mihau na suahtheih nadingun note’ hangin mizawngin hong kibawl ahih manin i Topa Jesuh Khrih hong itna bangzah takin lian hiam, cih thu na thei uh hi.

Sawltak 16:18

Tua bangin ni tampi sung awng ngitnget ahih manin a sawtna ciangin Paul in nawngkaisa ahih manin kihei-in a dawi kiangah, “Hih numei sung panin na paikhiat nadingin Jesuh Khrih min tawh thu kong pia hi,” a cihkhit phetin, tua numei sung panin dawi a paikhia pah hi.

Marka 16:17

A um mite tungah hih vangliatna limte kipia ding hi: Keima hangin dawi hawlkhia thei ding uh a, pau dangte pau thei ding uh hi.

Jeim 2:5

Sanggamte aw, hoihtakin na ngai un. Pasian a it mite tungah piak dingin a ciam vantung gam a ngah ding le upna thu-ah mihau a suak dingin Pasian in leitung mizawngte a teel hinapi-in,

1 PETER MASA 4:10

Pasian’ piak na a zatsiamte bangin Pasian’ kiang panin na ngah uh nate, midangte’ phattuam nadingin na zang un.

Sawltak 4:7

Amaute’ mai-ah sawltak tegel dingsak uh a, “Kua’ vangliatna le kua’ min tawh hih bangin na sem na hi uh hiam?” ci-in a dong uh hi.

Sawltak 2:22

“Ka mipih Israel-te aw, hih ka thugen na ngai un: Nazareth khuami Jesuh tungtawnin Pasian in lim le na lamdangte bawlin na hong sem ahih manin, Jesuh pen Pasian’ sawl nasem ahihna teltakin na thei uh hi. Hih thu pen note lakah a piang thu ahih manin nomau mahmah in na thei uh hi.

Sawltak 2:36

“Tua ahih ciangin singlamteh tungah na thah uh hih Jesuh pen Pasian in Topa le Khrih in a bawl khitna thu, Israel mi khempeuh in teltakin thei ta un,” a ci hi.

Mattiu 10:9

Kham ahi a, ngun ahi a, sumngo ahi zongin sum peuhmah na ip sung uhah keng kei un.

Mattiu 7:22

Tua ni ciangin mi tampi in kei kiangah, ‘Topa, Topa aw, nangma min tawh thu hilhin, nangma min tawh dawite hawlkhia-in, nangma min tawh nalamdang lian tampi bawl hi lo ka hi uh hiam?’ hong ci ding uh hi.

2 KORIN NIHNA 6:10

Dahna ka thuak uh hangin ka lungdam uh a, kote a zawng tawh kibang napi-in mi tampi ka hausak uh a, bangmah a nei het lo tawh kibang napi-in a taktakin ka neih loh uh bangmah om lo hi.

Johan 19:19

Pilat in lai khat gelhsakin, “Jew mite’ Kumpipa, Nazareth khuami Jesuh,” cisak a, singlamteh tungah a suangsak hi.

2 KORIN NIHNA 8:12

Piaknopna lungsim na neih nak-uhleh na neih lohnate uh siksan hi loin na neihna uh tawh kizui-in na piak uh Pasian in hong sang ding hi.

Marka 14:8

Amah in ka luang a kivui nadingin paknamtui a hong ma nuhkhol hi a, a hihtheih zahzah ciang a hih khinta ahi hi.

1 KORIN MASA 4:11

Tuni ciang dong gilkial dangtakin puansilh ding nangawn nei loin ka om uh hi. Inn le lo zong nei loin hong kinotsuk hong kinotto kawikawi hi.

Sawltak 3:5

Bang khat peuhpeuh ngah ding, ci-in kilamen ahih manin amaute a en hi.

Sawltak 3:7

a taklam khutin lenin kaito a, thakhat thu-in a khe le a siakmitte hong khauhpah hi.