Sawltak 3:22 - Tedim Bible

²² Bang hang hiam cih leh Moses in, ‘Kei a hong sawl mah bangin note sung mah panin note a’ ding kamsang khat Topa na Pasian un note kiangah hong sawl ding hi. Ama hong thugen khempeuh na mang ding uh hi.

Tedim Bible Revision 2017

²² Bang hang hiam cih leh Moses in, ‘Kei a hong sawl mah bangin note sung mah panin note ading kamsang khat Topa na Pasian un note kiangah hong sawl ding hi. Ama hong thugen khempeuh na mang ding uh hi.

Sawltak 3:22 Referans Kwoze

Sawltak 7:37

Hih Moses pen Israel mite tungah, ‘Pasian in kei hong sawl mah bangin, i mipihte sung mah panin note a’ ding kamsang khat hong sawl ding hi,’ a ci pa ahi hi.

Galati 4:4

Ahi zongin a hun a cin ciangin eite khempeuh Pasian’ tate i suahtheih nadingin Thukham nuai-ah a om mite a hong tankhia dingin Pasian in a Tapa hong paisak a, tua Tapa pen leitung ngeina bangin numei sung panin hong suakin, Jew Thukham sungah hong nungta hi.

Johan 1:17

Pasian in Moses tungtawnin Thukham hong pia a, ahi zongin Jesuh Khrih hangin itna le cihtakna thu hong pai hi.

Hebru 5:9

Tua bangin a cingtaak mi a suahkhit ciangin ama thu a mang mite khempeuh a dingin tawntung hotkhiatna a kipatna hong suak a,

Johan 5:24

“A mantakin kong genin-ah: Ka thugennate za-in kei hong sawl pa a um khempeuh a nungta paisuak ding hita hi. Mawhsak thukhenna ngah nawn loin, sihna panin a hingkik ta ahi hi.

Mangmuhna 1:1

Hih laibu pen a piang baih ding thute, Pasian’ nasemte tungah a lah dingin Pasian in Jesuh tungah a thu pia a, Jesuh in maang sungah a lah thute ahi hi. Khrih in ama vantungmi sawl a, a nasempa Johan kiangah hih thute a kilangsak hi.

ROM (Romans) 9:5

le a thupi pupite’ suanlekhakte hi uh a, leitung silesa tawh kisai-in Khrih zong amau minam sung panin a piang ahi hi. Hih thute hangin mi khempeuh in na khempeuh a uk Pasian phat tawntung ta uh hen! Amen.

Johan 12:46

Kei hong um mi khempeuh, khuamial sungah a om nawn loh nadingun leitung khuavak bangin ka hong pai hi.

ROM (Romans) 8:3

Mihingte thahat lo ihih manin Thukham in ahih zawh loh thute Pasian in a hihzo hi. Mawhna a beisak theih nadingin mihingte sunga om mawhna tungah thu a khenna-in ama Tapa hong sawl a, amah pen mihingte’ mawhna lungsim mah a nei-in a hong pai hi.

Johan 8:12

Tua khit ciangin Jesuh in mihonte kiangah a thugenna khatah, “Kei pen leitung khuavak ka hi hi. Kei hong zuite in khuavak nuntakna nei ding uh a, khuamial gamtatna nei lo ding uh hi,” a ci hi.

Luka 24:19

Tua ciangin Jesuh in amaute kiangah, “Bang thu ahi hiam?” ci-in a dot ciangin amaute in, “Nazareth khuami Jesuh tunga thupiang ahi hi. Amah pen kamsang khat hi a, Pasian le mite khempeuh in a thugen le a nasepna-ah vang a nei mahmah khatin a ngaihsut uh ahi hi.

Luka 13:33

Ahi zongin tuni, zing le thai sungteng ka ma nawtsuakin ka pai ding hi. Bang hang hiam cih leh Jerusalem khuasung lobuang mun dangah kamsangpa a kithah ding kilawm lo hi.

Hebru 2:1

Tua ahih manin i zaksa thuman thutakte i khahsuahkhak loh nadingin kiptak khotakin i letkip ding kisam hi.

Mattiu 21:11

Mihonpite in, “Galilee gam Nazareth khua pana kamsang Jesuh hi,” ci-in a dawng uh hi.