Sawltak 3:16 - Tedim Bible

¹⁶ Hih Jesuh min’ vangliatna in hih khebai mipa tungah thahatna a pia ahi hi. Note khempeuh in na theih uh mah bangin hih mipa bangzah takin khebai ahih hangin Jesuh upna le ama min hangin hih mipa in dam sianthona a ngah ahi hi.

Tedim Bible Revision 2017

¹⁶ Hih Jesu minʼ vangliatna in hih khebai mipa tungah thahatna a pia ahi hi. Note khempeuh in na theih uh mah bangin hih mipa bangzah takin khebai ahih hangin Jesu upna le ama min hangin hih mipa in dam sianthona a ngah ahi hi.

Sawltak 3:16 Referans Kwoze

Sawltak 14:9

Amah in Paul’ thuhilhte limtakin a ngai hi. Tua mipa in damna a ngahzawh nading zahin upna nei hi, ci-in Paul in a muh ciangin limtakin amah en a,

Sawltak 4:10

note in singlamteh tungah na thah uh, Pasian in sihna panin a thawhkiksak Nazareth khuami Jesuh Khrih min vangliatna tawh hih mipa a ci damin hih lai-ah ding ahihna thu, note le Israel mi khempeuh in na theih dingun a kilawm thu khat ahi hi.

Sawltak 3:6

Peter in ama kiangah, “Sum ka nei peuhmah kei hi; ahi zongin ka neih kong pia ding hi. Nazareth khuami Jesuh Khrih min tawh, dingin lam na pai nadingin thu ka hong pia hi,” a cih khit ciangin,

Sawltak 16:18

Tua bangin ni tampi sung awng ngitnget ahih manin a sawtna ciangin Paul in nawngkaisa ahih manin kihei-in a dawi kiangah, “Hih numei sung panin na paikhiat nadingin Jesuh Khrih min tawh thu kong pia hi,” a cihkhit phetin, tua numei sung panin dawi a paikhia pah hi.

Mattiu 9:22

Jesuh zong hong kihei a, tua numei a muh ciangin, “Ka tanu aw, na lung kinuamsak in. Na upna in nang hong damsak khinta hi,” a cih khit phetin tua numei a dampah hi.

1 KORIN MASA 13:2

Thuhilh siamna nei-in, thusim khempeuh thei-in, na khempeuh thei-in, mualte kinsak zawh nading upna ka neih hangin itna ka neih kei leh ka kimanna bangmah om lo hi.

Johan 14:12

A mantakin ka hong genin-ah, kei hong umte in keima sep nate mah sem ding hi. Pa kiangah kei ciah ding ka hih manin keima sep sangin zong a lianzaw sem lai ding uh hi.

Sawltak 4:7

Amaute’ mai-ah sawltak tegel dingsak uh a, “Kua’ vangliatna le kua’ min tawh hih bangin na sem na hi uh hiam?” ci-in a dong uh hi.

Sawltak 3:8

Tua ciangin amah hong diangin dingto a, lam a pai kawikawi hi. Tua ciangin biakinn-ah amaute zui a, lam paikawm diangkawmin Pasian a phat hi.

Thu-hilhkikna 32:4

“Eite’ belh Topa, a nasepna kicing a, ama sepna khempeuh thumanna ahi hi. Thumanna nei-in, mawhna a nei lo Pasian hi a, amah thutangin thuman hi.

Sawltak 4:30

Cinate damsak theih nading vangliatna hong pia inla, a siangtho na Nasempa Jesuh’ min tawh nalamdang kibawl ta hen,” a ci uh hi.

Johan 7:23

Moses thupiakna a kipelh loh nadingin Sabbath ni-in vun at na hih uhleh Sabbath ni-in mi khat ka damsak manin bang hangin kei tungah heh na hi uh hiam?

ROM (Romans) 3:22

Tua thu in: Jew mi le Gentail mi kuamah a kilamdanna om loin Jesuh Khrih upna hangin mi khempeuh in Pasian tawh kipawl theihna a ngah hi.

Mattiu 14:29

Jesuh in, “Hong pai in,” a cih ciangin Peter zong gunkuang tung panin kumkhia a, Jesuh’ omna lam manawhin tui tungah a pai hi.