Sawltak 3:15 - Tedim Bible

¹⁵ Tua ahih ciangin mite tungah nuntakna a piapa na that uh a, ahi zongin sihna panin Pasian in amah hingkiksak hi. Ko tegel pen hih thu a thei teci ka hi uh hi.

Tedim Bible Revision 2017

¹⁵ Tua ahih ciangin mite tungah nuntakna a pia pa na that uh a, ahi zongin sihna panin Pasian in amah hingkiksak hi. Ko tegel pen hih thu a thei teci ka hi uh hi.

Sawltak 3:15 Referans Kwoze

Sawltak 2:24

Ahi zongin Pasian in misite lak panin amah hingkiksak a, sihna in amah lencip zo lo ahih manin sihna hanga gimna panin amah a suaktasak hi.

Mangmuhna 21:6

Tua ciangin amah in, “Tu-in man khinta! Kei pen a kipatna le a tawpna a cihna Alfa le Omega ka hi hi. A dangtak mi khempeuh tungah nuntakna tuinak panin a khongin tui ka pia ding hi.

Sawltak 2:32

Pasian in sihna panin hih Jesuh hingkiksak a, kote khempeuh pen hih thu a thei teci vive ka hi uh hi.

Hebru 2:10

Na khempeuh ama a dingin a piangsak Pasian in tate tampi minthanna a ngahsak theih nadingin a thuakna tawh hotkhiatna thu-ah a makai dingin Jesuh a bawl ding a kilawm mah ahi hi.

1 KORIN MASA 15:45

Tua ahih manin Lai Siangtho in, “A masa Adam pen leitung nuntakna a nei mihing hong suak hi,” na ci hi. Ahi zongin a nunung Adam pen nuntakna a pia thei Kha ahi hi.

Johan 5:26

Pa in nuntakna a piaktheih mah bangin Tapa in zong a piaktheih nadingin Pa in a bawl hi.

Johan 1:4

Nuntakna a nei khempeuh in tua Thu tung panin a nuntakna uh ngah a, tua nuntakna in mi khempeuh tungah khuavak hong tunpih hi.

Mangmuhna 22:17

Kha Siangtho le Mothak in Jesuh kiangah, “Hong pai in,” a ci uh hi. Hih thu a za mi khempeuh in zong Jesuh aw, “Hong pai in,” ci ta uh hen. A dangtak mi khempeuh hong pai uh hen la, a deih khempeuh in nuntakna tui a khongin hong la ta uh hen.

1 JOHAN MASA 5:20

Pasian’ Tapa hong pai-in eite thu hong theisak ahih manin Pasian taktak a thei ihihna thu i thei hi. A Tapa Jesuh Khrih tawh i kipawlna hangin Pasian taktak mah tawh a kipawlthei ihi hi. Tua Jesuh pen Pasian taktak mah hi a, nuntak tawntungna a piathei ahi hi.

Hebru 5:9

Tua bangin a cingtaak mi a suahkhit ciangin ama thu a mang mite khempeuh a dingin tawntung hotkhiatna a kipatna hong suak a,

Johan 17:2

Bang hang hiam cih leh Tapa tungah na piak mi khempeuh tungah Tapa in nuntak tawntungna a piaktheih nadingin mi khempeuh tungah ukna aana a neih nadingin Tapa tungah na hong piaksa ahi hi.

Johan 14:6

Jesuh in ama kiangah, “Keimah in Lampi ka hi a, Thuman, le Nuntakna zong ka hi hi. Kei hong suang loin Pa kiangah kuamah tung thei lo ding hi.

Johan 4:14

ahi zongin keima piak ding tui a dawn khempeuh dangtak kik nawn lo ding uh hi. Tua ka piak tui a dawnte sungah nuntakna tuinak piang ding a, a nungtasak paisuak ding hi,” a ci hi.

Johan 4:10

Jesuh in, “Pasian’ hong piaktheih dingte le tuidawn ding hong ngen pa theitel hi lecin, ama kiang pan tui a ngen ding na hizaw a, amah in nuntakna tui nang hong pia ding hi,” a ci hi.

Mangmuhna 22:1

Tua ciangin vantungmi in Pasian le Tuuno tokhom panin a hong luangkhia, kristal suangmanpha bangin a tee selsel gun tui hong lak a,

Johan 10:28

Tua ahih manin amaute tungah nuntak tawntungna pia ka hih manin si ngei nawn lo ding uh a, keima khutsung panin kuamah in amaute hong sut zo lo ding uh hi.

Sawltak 5:31

Israel mite kisik kikin Pasian in a mawhna uh a maisak theih nadingin Ukpi le Honpa-in tua Jesuh bawlin ama taklamah a tusak hi.

Luka 24:48

Note pen hih thu khempeuh a thei teci na hi uh hi.

Sawltak 4:2

Hih sawltak nihte in misite thokik ding hi, cih a lahtel nadingun sihna panin Jesuh thokik hi, ci-in mite kiangah thu hilh uh ahih manin nawngkai a sa uh hi.

Hebru 12:2

Eite hong makai-in i upna a hong cingtaaksak Jesuh mitsuanin nei ni. Mailamah a ngah ding lungdamna hangin maizumna kihta loin singlamteh tungah sihna hong thuak a, tu-in Pasian tokhom taklamah a tu hi.