Sawltak 3:12 - Tedim Bible

¹² Peter in hih mite a muh ciangin amaute kiangah, “Ka mipih Israel mite aw, bang hangin hih thupiang lamdangsa a, bang hangin ko hong hici et na hi uh hiam? Hih mipa lam ka paisak theihna uh, komau’ vang le komau’ hoihna hang sa na hi uh hiam?

Tedim Bible Revision 2017

¹² Peter in hih mite a muh ciangin amaute kiangah, “Ka mipih Israel mite aw, bang hangin hih thupiang lamdang sa a, bang hangin ko hong hici et na hi uh hiam? Hih mipa lam ka paisak theihna uh, komauʼ vang le komauʼ hoihna hang sa na hi uh hiam?

Sawltak 3:12 Referans Kwoze

2 KORIN NIHNA 3:5

Hih bang sepzawh nadingin kote in siamna nei ung a ci hi loin, sepzawh nading siamna pen Pasian hong piak ahi hi.

Piancilna 41:16

Josef in Faro dawngin, “Kei’ pilna tawh mang a khiathei ka hi kei hi. Pasian in Faro’ tungah a hoihlamin dawnna hong pia ding hi,” a ci hi.

ROM (Romans) 9:4

Amaute pen Pasian’ teel Israel mite hi a, Pasian in ama ta-in bawlin a minthanna a hopte, amaute tungah thuciamna bawlin Thukham a piakte, a man taktakin biaktheihna nei-in thuciamna a ngahte,

Sawltak 2:22

“Ka mipih Israel-te aw, hih ka thugen na ngai un: Nazareth khuami Jesuh tungtawnin Pasian in lim le na lamdangte bawlin na hong sem ahih manin, Jesuh pen Pasian’ sawl nasem ahihna teltakin na thei uh hi. Hih thu pen note lakah a piang thu ahih manin nomau mahmah in na thei uh hi.

ROM (Romans) 11:1

Tua ahihleh Pasian in ama mi Israel-te nialin nusia mangkhin ahi hiam? Tua bang hi dek lo hi. Kei mahmah zong Abraham’ suan Israel mite ka hi a, tua sung panin Benjamin’ suan ka hi hi.

Sawltak 13:26

“Abraham’ suan ka behte le Pasian a bia Gentail mi khempeuh aw, hih hotkhiatna thu pen eite a dingin Pasian in a hong puak ahi hi.

Johan 7:18

Amau’ thu bek tawh thu a gente in amau’ minthan nading a zong hi a, ahi zongin a hong sawl pa’ minthan nading a zong keimah in thuman thutak gen ka hih manin zuauthu kihel lo hi.

Piancilna 40:8

Amaute in ama kiangah, “Mang ka man uh a, tuate a khiathei ding om lo hi,” na ci uh hi. Josef in amaute kiangah, “Mang khiat theihnate Pasian’ hong piak hi lo ahi hiam? Kei kiangah hong gen un, hong thum ing,” a ci hi.

Sawltak 3:11

Tua mipa in Peter le Johan beel cinten a, mi khempeuh in hih thupiang lamdangsa uh ahih manin amaute’ omna Solomon’ Talap a kici-ah mite a hong tai uh hi.

Sawltak 3:13

I pupite Abraham, Isaac, le Jakob Pasian in a nasem Jesuh tungah ama vangliatna a pia hi. Note in aana neite khut sungah tua Jesuh na pia uh a, Pilat mangpa in amah khah dingin a ngaihsut khit ciang nangawnin Pilat’ maitang mahah amah na nial teitei uh hi.

Mangmuhna 7:13

Tua laitakin upate khat in keima kiangah, “Hih puanpak a silh mite kuate hi a, koi lai panin hong pai ahi uh hiam?” ci-in hong dot ciangin,