Sawltak 28:8 - Tedim Bible

⁸ Publias’ pa cisa nat leh gilsan thuahin cina-in lupna tungah a lum hi. Paul zong ama lupna-ah va pai-in thu ngetsak a, a tungah a khut nga-in a damsak hi.

Tedim Bible Revision 2017

⁸ Publiasʼ pa cisa nat leh gilsan thuahin cina-in lupna tungah a lum hi. Paul zong ama lupna ah va pai-in thu ngetsak a, a tungah a khut nga-in a damsak hi.

Sawltak 28:8 Referans Kwoze

Sawltak 9:40

Peter in innsung panin amaute khempeuh a pusuahsak khit ciangin khukdinin thu a ngen hi. Tua ciangin misi nu lamah kihei a, “Tabitha aw, tho in,” a cih ciangin a mit hong hak a, Peter a muh ciangin a tuto hi.

Marka 6:5

Tua hi a, cina tawmkhatte tungah khut nga-in a damsak cih simloh, tua lai-ah nalamdang lian bawl thei lo hi.

Marka 16:18

Gul a lawn’ hangun bangmah ci lo ding uh a, gu tui a dawn hangun zong bangmah ci lo ding uh hi. Cinate tungah a khut uh nga ding uh a, cinate dam ding uh hi,” a ci hi.)

Mattiu 9:18

Tua bangin Jesuh in thu genin a om laitakin Jesuh kiangah Jew mi ulian khat hong pai-in ama mai-ah hong khukdin a, “Tu mahmahin ka tanu a si hi. Ahi zongin nang hong pai-in ama tungah na khut hong nga lecin amah hingkik ding hi,” ci-in a thum hi.

1 KORIN MASA 12:28

Tua ahih manin Pasian in pawlpi sungah mi khempeuh ama panmun ciat dingah a hong bulh hi. A masa-in sawltakte, a nihna-ah kamsangte, a thumna-ah laihilhte, tua ciangin nalamdang bawltheite, cina damsak theite, midang a huhtheite, thu vaihawm a siamte, le pau lamdang a pau theite ahi uh hi.

1 KORIN MASA 12:9

Adang khat tungah upna hong guan a, adang khat tungah cina damsak theihna hong guan hi.

Mattiu 10:8

Cinate damsakin, misite hingsakin, miphakte damsakin, dawite va hawlkhia un. Man piak kul loin hih vangliatna na ngah uh bangin hih vangliatna na zatna uhah zong man va ngen kei un.

Mattiu 10:1

Jesuh in a nungzui sawm le nihte sam a, dawite a hawlkhiat theih nading uh le natna nam khempeuh a damsak theih nadingun amaute tungah vangliatna a pia hi.

Luka 13:13

Tua ciangin numei tungah a khut nga a, thakhat thu-in amah dingtang thei-in Pasian a phatpah hi.

Luka 4:40

Ni a tumkhit ciangin natna tuamtuam a nei mi khempeuh Jesuh kiangah hong paipih uh a, Jesuh in amaute khempeuh tungah a khut nga-in a damsak hi.

Marka 7:32

Mi pawlkhat in a bilngongin a pau thei lo mi khat, Jesuh kiangah hong paipih uh a, ama tungah a khut a ngaksak nadingin a thum uh hi.

Marka 5:23

“Ka tanu si dektak ta hi. Amah a cidam kikin a nuntak theih nadingin hong pai inla, ama tungah na khut hong ngaksak in,” ci-in a thum hi.

Mattiu 12:13

a mipa kiangah, “Na khut zan in,” a ci hi. A mipa in zong a khut zanpah a, midangte mah bangin hoihtakin a damkik hi.

Sawltak 28:7

Tua lai panin a gamla lo mun khatah tua tuikulh hausa pa Publias’ lo a om hi. Amah in limtakin kote zin hong do a, ni thum sung ama zinin ka om uh hi.

Sawltak 28:9

Hih bangin a damsak khit ciangin tua tuikulh tunga om cina dang khempeuh zong hong paipih uh a, Paul in amaute a damsak hi.