Sawltak 28:21 - Tedim Bible

²¹ Tua ciangin amaute in, “Judea gam panin nangma thu tawh kisai-in lai bangmah ka ngah kei uh a, tua gam panin a hong pai i mipihte tung panin zong nang hong kimawhsakna kam ahi zongin bangmah ka za kei uh hi.

Tedim Bible Revision 2017

²¹ Tua ciangin amaute in, “Judea gam panin nangma thu tawh kisai-in lai bangmah ka ngah kei uh a, tua gam panin a hong pai i mipihte tung panin zong nang hong kimawhsakna kam ahi zongin bangmah ka za kei uh hi.

Sawltak 28:21 Referans Kwoze

Isaiah 54:17

Nangmah do nadingin a kibawl hiam peuhmah maavang lo ding a, thukhenna sungah na langah a pang mi khempeuh na nialgawpzo ding hi. Hih thu pen Topa’ nasemte’ gamhluah le keima kiang panin amaute’ dikna a kilahna ahi hi, Topa in ci hi,” a ci hi.

Isaiah 50:8

Ka thumanna a langsak Pasian a nai-ah hong om hi. Keima langkhatah kua hong pangzo ding ahi hiam? Thukhen zumah kikhia nu’ng. Thukhen zumah kua in hong khia nuam ahi hiam? Kei hong langpang dingin hong kuan tahen.

Isaiah 41:11

Nangma tungah a heh mite khempeuh maizumna kithuaksakin kikoihkhong ding hi. Nangmah hong dem mite a mawkna suakin siatna thuak ding uh hi.

Sawltak 22:5

Hih ka thugente a man ahihna thu, siampi lianpen pa le upa khempeuh in hong genthei ding uh hi. Damaskas khua-a om i Jew mipihte ka lah dingin amaute in lai hong pia uh ahih manin, upate in gim a piaktheih nadingun tua khua-a om thu um mite manin sikkhau khihin Jerusalem khua-ah a ciahpih dingin ka va pai hi.

Paikhiatna 11:7

Ahih hangin Egypt mite le Israel mite a kilamdangin Topa in bawl hi, ci-in na theih nadingun Israel mite, mihing hitaleh ganhing hitaleh, ui khat nangawn zong tau lo ding hi, ci hi” a ci hi.

Sawltak 3:17

“Tua ahih ciangin sanggamte aw, note le na makaite uh hih bangin Jesuh tungah na gamtatna uh na theih lohna hang uh hi, ci-in ka thei hi.

Sawltak 28:14

Tua khua-ah thu um mi pawlkhat tawh ka kimu uh a, nipikal khat sung hong taam un, ci-in hong kho uh hi. Tua bang danin Rom khua ka tung uh hi.

ROM (Romans) 9:3

Hi thei ding hileh amaute’ hoih nadingin keimah in Pasian’ samsiatna thuakin Khrih tawh kikhen nading ciang dong nangawnin amaute ka huhnuam hi.