Sawltak 28:2 - Tedim Bible

² Tua lai-a teng mite ko tungah hong nuam mahmah uh hi. Guahzu-in khua dam mahmah ahih manin meiphualpi hong cihsak uh a, limtakin zin hong do uh hi.

Tedim Bible Revision 2017

² Tua lai-a teeng mite ko tungah hong nuam mahmah uh hi. Guahzu-in khua dam mahmah ahih manin meiphual pi hong cihsak uh a, limtakin zin hong do uh hi.

Sawltak 28:2 Referans Kwoze

Hebru 13:2

Khualmite hoihtakin zin na do ding uh na phawk un. Mi pawlkhat in vantung mite zindo ahihlam a phawk lopi-in a do na hi gige uh hi.

Kolose 3:11

Tua ahih manin Gentail mi le Jew mi, vun-at mi le vun-at loh mi, khuapi mi le khuaneu mi, sila le sila ahi lo, cih bangin a kilamdanna om lo a, Khrih pen mi khempeuh a’ ding hi thei a, thu khempeuh a’ ding hi thei a, thu khempeuhah amah bek ahi hi.

ROM (Romans) 1:14

Nuntakna sang mite le nuntakna niam mite, mipilte le mihaite, a kuamah peuh ka huh ding ka tavuan ahih manin,

2 KORIN NIHNA 11:27

Nasem silbawlin ki-om tawntung a, ihmu man lo liangin zong ka om zel hi. Gilkial dangtakin ka om zel a, annek ding nei lo, giah nading om lo, puansilh ding nei loin ka om hun tampi a om hi.

Sawltak 28:4

Tua lai-a teng mite in Paul’ khut tunga gul kivial a muh uh ciangin, “Hih mipa pen mi that hi takpi ding hi. Hih tuipi lauhuai panin a suahtak hangin a thuman pasian in hingsak tuan lo ding hi,” ci-in khatlekhat a kikum uh hi.

1 KORIN MASA 14:11

Ahi zongin a kipau paunam thei kei leng, kei pen a pau pa a dingin mi namdangpi ka hi ding a, a pau pa zong kei a dingin mi namdangpi khat hi ding hi.

Mattiu 10:42

Keima nungzui mi a neupen khat nangawn, keima nungzui ahihna hangin tuivot hai khat bek a suahte nangawn in pel loin thaman a ngah ding lamtak phawk un,” ci-in a vaikhak hi.

Sawltak 27:3

A zing ciangin Sidon khua ka tung uh a, Paul tungah bu Julias dik mahmah ahih manin a lawmte tawh a kimu ding le a lawmte in a kisapnate a piaktheih nadingin a paikhiasak hi.

Siampi Laibu 19:34

Note lakah a hong peem khualmite tualsung mi mah bangin na ngaihsun ding uh a, nomau mah bangin amaute na it ding uh hi; bang hang hiam cih leh note pen Egypt gam sungah khualmi na hi ngei uh hi; kei pen Topa na Pasian uh ka hi hi.

ROM (Romans) 2:27

Tua ahih manin thukham nei-in vun ki-at napi-in tua thukham a zui lo no Jew mite pen vun ki-at lo thukham a zui Gentail mite in thu hong khen ding hi lo ahi uh hiam?

Johan 18:18

Khua dam mahmah ahih manin nasemte le palikte in meihol cih a, tua mei awi-in a kiimah ding uh ahih manin Peter zong va pai-in mei awi-in amaute tawh a dingkhawm hi.

Ezra 10:9

Tua ahih ciangin Judah le Benjamin mi khempeuh ni thum sungin Jerusalem-ah hong kikhawm uh a, tua pen a kha kuana a ni sawmnih ni ahi hi. Tua hi a, Pasian’ biakinn mai inntualah hih thu hangin mi khempeuh patau-in guah lakah lingin a tu uh hi.

Siampi Laibu 19:18

Note in nomau’ mipihte tungah phu la loin, amau na lungsim neih kei ding uh a, nomau na ki-it uh bangin na vengte uh na it ding uh hi; kei pen Topa ka hi hi.

Sawltak 28:3

Paul in singkang pawlkhat khawmin meipi tungah hong koih a, a mei sa sa ahih manin gul khat hong taikhia-in Paul’ khut a vial hi.

ROM (Romans) 14:1

Upna neu mite pawlbawl unla, na ngaihsutna uh a kituah kei leh zong mawhsak kei un.

ROM (Romans) 14:3

Tua ahih manin a ne mite in a tang mite simmawhbawl kei hen la, a tang mite in zong a ne mite simmawhbawl kei hen. Bang hang hiam cih leh a ne mite zong Pasian in a san mite mah ahi hi.